ქალაქ ახალციხის მუნიციპალიტეტის მერიის ჯანდაცვისა და სოციალური უზრუნველყოფის სამსახურის დებულების დამტკიცების შესახებ

ქალაქ ახალციხის მუნიციპალიტეტის მერიის ჯანდაცვისა და სოციალური უზრუნველყოფის სამსახურის დებულების დამტკიცების შესახებ ქალაქ ახალციხის მუნიციპალიტეტის საკრებულოს დადგენილება №6 2015 წლის 30 იანვარი ქ. ახალციხე ქალაქ ახალციხის მუნიციპალიტეტის მერიის ჯანდაცვისა და სოციალური უზრუნველყოფის სამსახურის დებულების დამტკიცების შესახებ      ,,ადგილობრივი თვითმმართველობის კოდექსი“ საქართველოს ორგანული კანონის 24-ე მუხლის პირველი ნაწილის ,,გ.ბ“ ქვეპუნქტისა და ,,ნორმატიული აქტების შესახებ“ საქართველოს კანონის მე-20 მუხლის შესაბამისად, ქალაქ ახალციხის საკრებულო ადგენს: მუხლი 1🔗 დამტკიცდეს ქალაქ ახალციხის მუნიციპალიტეტის მერიის ჯანდაცვისა და სოციალური უზრუნველყოფის სამსახურის დებულება დანართის შესაბამისად. მუხლი 2🔗 დადგენილება ამოქმედდეს გამოქვეყნებისთანავე.ქალაქ ახალციხის მუნიციპალიტეტის საკრებულოს თავმჯდომარეკახაბერ ბერიძე დანართი ქალაქ ახალციხის მუნიციპალიტეტის მერიის ჯანდაცვისა და სოციალური უზრუნველყოფის სამსახურის დებულება ეს დებულება, ,,ადგილობრივი თვითმმართველობის კოდექსის“ საქართველოს ორგანული კანონის, კანონქვემდებარე აქტების, მერიის დებულებების შესაბამისად, განსაზღვრავს ქალაქ ახალციხის მუნიციპალიტეტის მერიის (შემდგომში ,,მერია“), ჯანდაცვისა და სოციალური უზრუნველყოფის სამსახურის (შემდგომში - ,,სამსახური“) შექმნისა და ფუნქციონირების ძირითად პრინციპებს, ანგარიშვალდებულებას, უფლება-მოვალეობას და მუშაობის ორგანიზაციას. მუხლი 1🔗. ჯანდაცვისა და სოციალური უზრუნველყოფის სამსახური 1. მერიის ჯანდაცვისა და სოციალური უზრუნველყოფის სამსახური (ტექსტი შემდგომში - ,,სამსახური“) არის ქალაქ ახალციხის მუნიციპალიტეტის მერიის სტრუქტურული ერთეული, რომელიც უზრუნველყოფს ჯანმრთელობის დაცვისა და სოციალური უზრუნველყოფის სფეროში მუნიციპალური პროგრამების მომზადებასა და განხორციელებას. 2. სამსახური იქმნება და საქმიანობას წარმართავს მოქმედი კანონმდებლობის, მერიის დებულების, ამ დებულებისა და მუნიციპალიტეტის სხვა სამართლებრივი აქტების შესაბამისად. 3.  სამსახურის საშტატო განრიგი და მოხელეთა თანამდებობრივი სარგოები განისაზღვრება მერიის საშტატო ნუსხით. 4. სამსახურის ადგილსამყოფელია - საქართველო, ქ. ახალციხე 0800, შალვა ახალციხელის ქ. N2 მუხლი 2🔗. სამსახურის საქმიანობის პრინციპები სამსახურის საქმიანობის პრინციპებია: ა) მოქალაქეთა კონსტიტუციური უფლებებისა და თავისუფლებების დაცვა; ბ) კანონის წინაშე თანასწორობა; გ) საქმიანობა კანონმდებლობის საფუძველზე; დ) დისკრეციული უფლებამოსილებების განხორციელება კანონმდებლობის საფუძველზე; ე) მიუკერძოებლობა; ვ) საჯაროობა; ზ) სამართლებრივი სახელმწიფოს საქმიანობის სხვა პრინციპები. მუხლი 3🔗. სამსახურის სტრუქტურა 1. სამსახური შედგება სამსახურის უფროსისა და სტრუქტურული ქვედანაყოფის - განყოფილებისაგან. 2.   სამსახურის სტრუქტურული ქვედანაყოფებია. ა) ჯანდაცვის განყოფილება; ბ) განყოფილების უფროსი; გ) მთავარი სპეციალისტი; 3. სოციალური უზრუნველყოფის განყოფილება. ა) განყოფილების უფროსი; ბ) ორი მთავარი სპეციალისტი; გ) წამყვანი სპეციალისტი;    4. სამსახურის საქმიანობის წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება მერიის დებულებით და ჯანდაცვის და სოციალური უზრუნველყოფის სამსახურის უფროსის სამუშაოთა აღწერილობით და ანგარიშვალდებულია მერის წინაშე. სამსახურის უფროსის არყოფნის შემთხვევაში, მერის ბრძანებით სამსახურის უფროსის უფლება-მოვალეობებს ახორციელებს სამსახურის ერთ-ერთი განყოფილების უფროსი. 5. განყოფილების საქმიანობას წარმართავს განყოფილების უფროსი, რომლის უფლებამოსილებები და სამსახურებრივი ფუნქციები განისაზღვრება მერიის დებულებით და შესაბამისი სამუშაოთა აღწერილობით. განყოფილების უფროსის არყოფნის შემთხვევაში, სამსახურის უფროსის ბრძანებით განყოფილების უფროსის უფლება-მოვალეობებს ახორციელებს განყოფილების ერთ-ერთი მოხელე. 6. განყოფილების მოხელეების უფლება-მოვალეობები განისაზღვრება მერიის დებულებით. განყოფილების მოხელეების ფუნქციები განისაზღვრება შესაბამისი სამუშაოთა აღწერილობით. 7. სამსახურის მოხელეთა თანამდებობაზე დანიშვნა-გათავისუფლებისა და სამსახურებრივი კარიერის გავლის წესები განისაზღვრება მერიის დებულებით, ,,საჯარო სამსახურის შესახებ“ საქართველოს კანონის შესაბამისად. მუხლი 4🔗. სამსახურის ფუნქციები 1. სამსახური დადგენილი წესით უზრუნველყოფს: ა) ჯანმრთელობის, სოციალური დაცვისა და დასაქმების მუნიციპალური პროგრამების შემუშავებასა და განხორციელებას; ბ)  ჯანდაცვის მუნიციპალური სამსახურების კოორდინაცია; გ) წინადადებების შემუშავებას ჯანდაცვისა და სოციალური დაწესებულებათა შექმნისა და რეორგანიზაციის საკითხებზე; დ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. ე) ჯანდაცვისა და სოციალურ  უზრუნველყოფის სფეროს მიკუთვნებულ საკითხებთან დაკავშირებით მერის სამართლებრივი აქტების პროექტების მომზადება. მუხლი 5🔗. სამსახურის ჯანდაცვის განყოფილების ფუნქციები 1.სამსახურის ჯანდაცვის განყოფილება დადგენილი წესით უზრუნველყოფს: ა) ჯანდაცვის მუნიციპალური პროგრამების განხორციელების კოორდინაციას; ბ) ჯანდაცვის მუნიციპალური სამსახურების კოორდინაცია; გ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. მუხლი 6🔗. სამსახურის სოციალური უზრუნველყოფის განყოფილების ფუნქციები 1. სამსახურის სოციალური დაცვის განყოფილება დადგენილი წესით უზრუნველყოფს: ა) სოციალური დაცვის მუნიციპალური პროგრამების შემუშავებას; ბ) დასაქმების მუნიციპალური პროგრამების შემუშავებას; გ) სოციალური დაცვის და დასაქმების მუნიციპალურ პროგრამათა განხორციელების კოორდინაციას; დ) სოციალური დაცვის მუნიციპალურ დაწესებულებათა კოორდინაცია; ე) მზრუნველობამოკლებულთა უფასო კვებით უზრუნველყოფის ორგანიზებას და მონიტორინგს; შშმ  პირთა აღრიცხვა და რეგისტრაცია; ვ) სოციალურად დაუცველი ოჯახებისა და ბავშვების  აღრიცხვა და რეგისტრაცია; ზ) შშმ  პირთა აღრიცხვა და რეგისტრაცია; თ) გარდაცვლილ ომისა და სამხედრო ძალების ვეტერანთა და დევნილთა ოჯახების აღრიცხვა და რეგისტრაცია; ი) უსახლკაროთა რეგისტრაციისა და შესაძლებლობის ფარგლებში თავშესაფრით უზრუნველყოფის ორგანიზებას; კ) მოქმედი კანონმდებლობითა და ქალაქ ახალციხის მუნიციპალიტეტის მერიის სამართლებრივი აქტებით განსაზღვრული სხვა ფუნქციების განხორციელებ მუხლი 7🔗. სამსხურის ქონება და ფინანსური წყაროები 1. სამსახურის მთელი ქონება წარმოადგენს ქალაქ ახალციხის მუნიციპალიტეტის მერიის საკუთრებას. 2. სამსახური საბიუჯეტო დაწესებულებაა, რომლის დაფინანსების ძირითადი წყაროა ქალაქ ახალციხის მუნიციპალიტეტის ბიუჯეტიდან გამოყოფილი საბიუჯეტო სახსრები. მუხლი 8🔗. დებულებაში ცვლილებებისა და დამატებების შეტანის წესი დებულებაში ცვლილებების და დამატებების შეტანა ხორციელდება ქალაქ ახალციხის მუნიციპალიტეტის საკრებულოს მიერ, საქართველოს მოქმედი კანონმდებლობით დადგენილი წესით. მუხლი 9🔗. გარდამავალი დებულებანი 1. ყველა ის საკითხი, რომელსაც არ ითვალისწინებს წინამდებარე დებულება რეგულირდება საქართველოს მოქმედი კანონმდებლობითა და შესაბამისი ადმინისტრაციულ-სამართლებრივი აქტებით; 2. სამსახურის რეორგანიზაცია ან ლიკვიდაცია ხორციელდება საქართველოს მოქმედი კანონმდებლობით დადგენილი  წესით.