„ამბროლაურის მუნიციპალიტეტის ადგილობრივი თვითმმართველობის საჯარო მოხელეთა დამატებითი საკვალიფიკაციო მოთხოვნების დამტკიცების შესახებ“ ამბროლაურის მუნიციპალიტეტის საკრებულოს 2014 წლის 7 ოქტომბრის N39 დადგენილებაში ცვლილების შეტანის თაობაზე

„მუხლი 5

1. ამბროლაურის მუნიციპალიტეტის გამგეობის სტრუქტურული ერთეულის მთავარი სპეციალისტის თანამდებობის დასაკავებლად, გარდა პირველი მუხლით დადგენილი მოთხოვნებისა, სასურველია უმაღლესი განათლება და მუშაობის ერთწლიანი გამოცდილება.

2. ამბროლაურის მუნიციპალიტეტის საკრებულოს აპარატის:

ა) იურიდიულ საკითხებში მთავარი სპეციალისტის თანამდებობის დასაკავებლად, გარდა პირველი მუხლით დადგენილი მოთხოვნებისა, სავალდებულოა უმაღლესი იურიდიული განათლება და მუშაობის არანაკლებ ერთწლიანი გამოცდილება;

ბ) საორგანიზაციო საკითხებში მთავარი სპეციალისტის თანამდებობის დასაკავებლად, გარდა პირველი მუხლით დადგენილი მოთხოვნებისა, სავალდებულოა უმაღლესი განათლება და მუშაობის არანაკლებ ერთწლიანი გამოცდილება.“;

„მუხლი 6

1. ამბროლაურის მუნიციპალიტეტის გამგეობის სტრუქტურული ერთეულის წამყვანი სპეციალისტის,  უფროსი სპეციალისტის და სპეციალისტის თანამდებობის დასაკავებლად, გარდა პირველი მუხლით დადგენილი მოთხოვნებისა, მოეთხოვება არანაკლებ სრული საშუალო განათლება.

2. ამბროლაურის მუნიციპალიტეტის საკრებულოს აპარატის საორგანიზაციო საკითხებში წამყვანი სპეციალისტის,  საზოგადოებასთან ურთიერთობის საკითხებში წამყვანი სპეციალისტისა და საქმისწარმოების საკითხებში წამყვანი სპეციალისტის თანამდებობის დასაკავებლად, გარდა პირველი მუხლით დადგენილი მოთხოვნებისა, სავალდებულოა არანაკლებ სრული საშუალო განათლება.“;

„მუხლი 7

ამბროლაურის მუნიციპალიტეტის საკრებულოს თავმჯდომარის თანაშემწის თანამდებობის დასაკავებლად, გარდა პირველი მუხლით დადგენილი მოთხოვნებისა, სავალდებულოა არანაკლებ სრული საშუალო განათლება, სასურველია უმაღლესი განათლება და მუშაობის ერთწლიანი გამოცდილება.“.