„მესტიის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ მესტიის მუნიციპალიტეტის საკრებულოს 2014 წლის 10 სექტემბრის №20 დადგენილებაში ცვლილების შეტანის შესახებ

5. განყოფილების საქმიანობას წარმართავს განყოფილების უფროსი, რომლის უფლებამოსილებები განისაზღვრება ამ დებულებით და შესაბამისი სამუშაოთა აღწერილობით. განყოფილების უფროსის არყოფნის შემთხვევაში, სამსახურის უფროსის ბრძანებით, განყოფილების უფროსის უფლება-მოვალეობებს ახორციელებს განყოფილების ერთ-ერთი სპეციალისტი.

6. განყოფილების სპეციალისტებისაგან უფლება-მოვალეობები განისაზღვრება გამგეობის დებულებით. განყოფილების სპეციალისტების ფუნქციები განისაზღვრება შესაბამისი სამუშაოთა აღწერილობებით.

7. სამსახურის სპეციალისტების თანამდებობაზე დანიშვნა-გათავისუფლებისა და სამსახურებრივი კარიერის გავლის წესები განისაზღვრება გამგეობის დებულებით, ,,საჯარო სამსახურის შესახებ" კანონის შესაბამისად.“

გამგებლის წარმომადგენელებთან მუშაობის კოორდინაციის განყოფილება უზრუნველყოფს:

ა) წარმომაგენლების შეხვედრების ორგანიზებას და მუშაობის გამოცდილების გაზიარებას;

ბ) გამგებლის დავალებების დაკისრებასა და მისი შესრულების მიმდინარეობაზე ინფორმაციის მიღებას;

გ) წარმომადგენელთა წინადადებების, პროგრამების და პროექტების  დამუშავებასა და გამგებლისათვის მათ  მიწოდებას;

დ)  მოსახლეობასთან გამგეობის მიერ დაგეგმილ და არაგეგმური შეხვედრების ორგანიზებაში წარმომადგენელთა მონაწილეობისა და როლის განსაზღვრას;

ე) წარმომადგენელთა ოფისისა და ინვენტარის უზრუნველყოფაზე წინადადებებისა და შუამდგომლობების მომზადებას;

ვ) წარმომადგენელთა მოწვევას და დასწრების უზრუნველყოფას მუნიციპალიტეტის სხდომებზე;

ზ) გამგებლისთვის წერილობითი დოკუმენტების მომზადებას მუნიციპალიტეტის ადმინისტრაციულ ერთეულებში მუნიციპალური პროგრამების განხორციელებაში არსებული პრობლემების თაობაზე და შესაბამისი წინადადებების წარდგენას;

თ) მუნიციპალიტეტის ადმინისტრაციული ერთეულების მიხედვით შეხვედრების ორგანიზებას და მუშაობის გამოცდილების გაზიარებას;

ი) მუნიციპალიტეტის ადმინისტრაციული ერთეულების მიხედვით სტატისტიკური მონაცემების დამუშავებას, გადამუშავებას და მიწოდებას შესაბამისი საქვეუწყებო დაწესებულებებისათვის;

კ) წარმომადგენლებთან თანამშრომლობა თემებისა და სოფლების თვითმმართველ ადმინისტრაციულ ერთეულებში, ადგილობრივი საკითხების რეგულირებისა და მოსახლეობის პრობლემების დროულად და ეფექტურად გადაჭრის მიზნით;

ლ) გამგებლისათვის ანგარიშის წარდგენა სამუშაო გეგმებისა და ცალკეული დავალებების შესრულების თაობაზე ტერიტორიული ერთეულების მიხედვით;

მ) წარმომადგენელებთან თანამშრომლობა, მუნიციპალური პროგრამების სხდომების, მათი დღის წესრიგის საკითხების გაცნობის თაობაზე, აგრეთვე, დაინტერესების  შემთხვევაში ადგილობრივი მოსახლეობის სხდომაზე მიწვევა;

ნ) ტერიტორიულ ერთეულებში მცხოვრები მოსახლეობის პრობლემებიდან გამომდინარე წინადადებების მომზადება, თვითმმართველი ერთეულის ბიუჯეტის შედგენისათვის და ამ კუთხით დახმარების გაწევა წარმომადგენლებისათვის;

ო) მუნიციპალიტეტის ადმინისტრაციული ერთეულების მიხედვით, ინვესტირებისა და მიზნობრივი პროექტების შესახებ წინადადებების მომზადებასა და მათი განხორციელების უზრუნველყოფას;

პ) მუნიციპალიტეტის ადმინისტრაციული ერთეულების მიხედვით, დასახლებათა ტერიტორიების გამოყენებისა და განაშენიანების რეგულირების წესების, ტერიტორიის კეთილმოწყობისა და საინჟინრო ინფრასტრუქტურის განვითარების პროგრამათა პროექტების მომზადებაში, ასევე მათ განხორცილებაზე ზედამხედველობის გაწევის კუთხით;

ჟ) მუნიციპალიტეტის ადმინისტრაციული ერთეულების მიხედვით, მონაწილეობის მიღება მოქალაქეთა სამხედრო აღრიცხვაზე აყვანისა და სამხედრო-სავალდებულო სამსახურში გაწვევის, სამხედრო–სასწავლო შეკრებების ჩატარების, დაწყებით სამხედრო სწავლების, სამხედრო-პატრიოტული აღზრდისა და სამოქალაქო თავდაცვის ორგანიზების საკითხებში;

რ)მუნიციპალიტეტის ადმინისტრაციული ერთეულების მიხედვით, გამგებლისთვის ინფორმაციის მიწოდება, თვითმმართველი ერთეულის ქონების აღრიცხვა, ამ ქონების დაცვა და მათი მიზნობრივი გამოყენება;

ს) მუნიციპალიტეტის ადმინისტრაციული ერთეულების მიხედვით გამგებლის წარმომადგენლების დახმარებას, მოქალაქეებზე სასოფლო და სათემო კომლების დამადასტურებელი ცნობების, აქტების, საქონლის ადგილწარმოშობის დოკუმენტის და საქართველოს კანონმდებლობით გათვალისწინებული სხვა ცნობების გაცემის საკითხში.“.