ახალგაზრდული პროგრამების დაფინანსების მიზნით გამოყოფილი თანხიდან ჯილდოს გაცემის წესის დამტკიცების შესახებ

ახალგაზრდული პროგრამების დაფინანსების მიზნით გამოყოფილი თანხიდან ჯილდოს გაცემის წესის დამტკიცების შესახებ ჭიათურის მუნიციპალიტეტის საკრებულოს  დადგენილება №7 2015 წლის 27 თებერვალი ქ. ჭიათურა ახალგაზრდული პროგრამების დაფინანსების მიზნით გამოყოფილი თანხიდან ჯილდოს გაცემის წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 ნაწილებისა და 61-ე მუხლის მე-2 ნაწილის შესაბამისად, ჭიათურის მუნიციპალიტეტის საკრებულო ადგენს: მუხლი 1🔗 დამტკიცდეს ჭიათურის მუნიციპალიტეტის ბიუჯეტის ახალგაზრდული პროგრამების დაფინანსების მიზნით გამოყოფილი თანხიდან ჯილდოს გაცემის თანდართული  წესი (დანართი №1). მუხლი 2🔗 დადგენილება ამოქმედდეს გამოქვეყნებისთანავე.ჭიათურის მუნიციპალიტეტის საკრებულოს თავმჯდომარეალექსანდრე ციცქიშვილი დანართი №1 ახალგაზრდული პროგრამების დაფინანსების მიზნით გამოყოფილი თანხიდან ჯილდოს გაცემის წესი მუხლი 1🔗. ზოგადი დებულებები ეს წესი არეგულირებს ჭიათურის მუნიციპალიტეტის ბიუჯეტის ახალგაზრდული პროგრამების დაფინანსების მიზნით გამოყოფილი თანხიდან წარმატებული ახალგაზრდებისა და პედაგოგების დაჯილდოების წესს. მუხლი 2🔗. ტერმინთა განმარტებები ამ წესში გამოყენებულ ტერმინებს აქვთ შემდეგი მნიშვნელობა: ა) ჯილდო – ერთჯერადი ფულადი ჯილდო; ბ) წარმატებული სპორტსმენი – საქართველოს ჩემპიონატის ტურნირებში ჭიათურის მუნიციპალიტეტის სახელით მოასპარეზე სპორტსმენი, რომელმაც დაიკავა I, II, III ადგილი, ასევე სპორტსმენი, რომელმაც დაიკავა I, II, III ადგილი ოლიმპიურ თამაშებში, მსოფლიოს, ევროპის ჩემპიონატის ტურნირებში; გ) წარმატებული მწვრთნელი – ამ მუხლის ,,ბ” ქვეპუნქტით განსაზღვრული წარმატებული სპორტსმენის მწვრთნელი; დ) წარმატებული ახალგაზრდა – მუნიციპალიტეტის სასწავლო-საგანმანათლებლო, კულტურულ-შემოქმედებითი დაწესებულებისა და სამუსიკო სკოლის მოსწავლე, ასევე ახალგაზრდა, რომელმაც დაიკავა I, II, III საპრიზო ადგილი საქართველოსა და საერთაშორისო კონკურსებში, მედია-პროექტში გამარჯვებული, რომელიც მონაწილეობს ჭიათურის მუნიციპალიტეტის სახელით, ასევე ჭიათურის მუნიციპალიტეტის სკოლის ვერცხლისა და ოქროსმედალოსანი   მოსწავლე; ე) წარმატებული პედაგოგი – ამ  მუხლის „დ“ ქვეპუნქტით განსაზღვრული წარმატებული ახალგაზრდის პედაგოგი; ვ) წარმატებული გუნდი - სპორტულ, ინტელექტუალურ, კულტურულ-შემოქმედებით  ჩემპიონატებსა და კონკურსებში ჭიათურის მუნიციპალიტეტის სახელით მოასპარეზე გუნდი, რომელმაც დაიკავა  I  ან II ადგილი; ზ) წარჩინებული სტუდენტი – ჭიათურის მუნიციპალიტეტის საჯარო სკოლის კურსდამთავრებული საქართველოს აკრედიტებული უმაღლესი სასწავლებლის სტუდენტი, რომლის შეფასება წინა სასწავლო სემესტრში თითოეულ საგანში  არის 91 – 100 ქულა და რომელიც რეგისტრირებულია ჭიათურის მუნიციპალიტეტის ტერიტორიაზე. მუხლი 3🔗. წარმატებული სპორტსმენისა და წარმატებული მწვრთნელის დაჯილდოება 1. წარმატებული სპორტსმენის ფულადი ჯილდოს ოდენობა განისაზღვროს შემდეგი სახით: ა) საქართველოს ჩემპიონატის I ადგილი – 600 ლარი;  II ადგილი – 400 ლარი; III ადგილი – 200 ლარი; ბ) ევროპის ჩემპიონატის I ადგილი – 2200 ლარი; II ადგილი – 1500 ლარი; III ადგილი – 1000 ლარი; გ) მსოფლიო ჩემპიონატის I ადგილი – 5000 ლარი; II ადგილი – 4000 ლარი; III ადგილი – 3000 ლარი; დ) ოლიმპიური თამაშების I ადგილი – 10000 ლარი; II ადგილი – 9000 ლარი; III – 8000 ლარი; 2. წარმატებული სპორტსმენის  მწვრთნელის ფულადი ჯილდოს ოდენობა განისაზღვროს შემდეგი სახით: ა) საქართველოს ჩემპიონატის I ადგილი – 300 ლარი;  II ადგილი – 200 ლარი; III ადგილი – 150 ლარი;( არაუმეტეს 1000 ლარისა); ბ) ევროპის ჩემპიონატის I ადგილი – 1000 ლარი; II ადგილი – 700 ლარი; III ადგილი – 500 ლარი; გ) მსოფლიო ჩემპიონატის I ადგილი – 2000 ლარი; II ადგილი –1500 ლარი; III ადგილი – 1000 ლარი; დ) ოლიმპიური თამაშების I ადგილი – 3000 ლარი; II ადგილი – 2000 ლარი; III – 1500 ლარი; 3. წარმატებულმა სპორტსმენმა/შესაბამისი დაწესებულების ხელმძღვანელმა  (კანონიერმა წარმომადგენელმა, არასრულწოვანი სპორტმენის შემთხვევაში) მუნიციპალიტეტში უნდა წარმოადგინოს: ა) წერილობითი განცხადება; ბ) წარმატებული სპორტსმენის პირადობის მოწმობის ასლი (ცნობა რეგისტრაციის ადგილის შესახებ); გ) შესაბამისი საპრიზო ადგილის დაკავების დამადასტურებელი დოკუმენტი; დ) სპორტსმენის/კანონიერი წარმომადგენლის ანგარიშის ნომრის ამონაწერი საბანკო დაწესებულებიდან; 4. წარმატებულმა მწვრთნელმა/დაწესებულების ხელმძღვანელმა  მუნიციპალიტეტში უნდა წარმოადგინოს: ა) წერილობითი განცხადება; ბ) წარმატებული მწვრთნელის პირადობის მოწმობის ასლი (ცნობა რეგისტრაციის ადგილის შესახებ); გ) შესაბამისი საპრიზო ადგილის დაკავების დამადასტურებელი დოკუმენტი; დ) მწვრთნელის ანგარიშის ნომრის ამონაწერი საბანკო დაწესებულებიდან; მუხლი 4🔗. წარმატებული მოსწავლის/ახალგაზრდის  და პედაგოგის დაჯილოდება 1. წარმატებული ახალგაზრდის ფულადი ჯილდოს ოდენობა განისაზღვროს შემდეგი სახით: ა) საერთაშორისო  ფესტივალებისა და კონკურსების  I ადგილი – 500 ლარი; II ადგილი – 300 ლარი, III ადგილი – 200;  ბ) საქართველოს ფესტივალებისა და კონკურსების I ადგილი – 300 ლარი; II ადგილი – 200 ლარი; III ადგილი – 100 ლარი; 2. წარმატებული ახალგაზრდის პედაგოგის ფულადი ჯილდოს ოდენობა განისაზღვროს შემდეგი სახით: ა) საერთაშორისო  ფესტივალებისა და კონკურსების  I ადგილი – 400 ლარი; II ადგილი – 250 ლარი, III ადგილი – 150;  ბ) საქართველოს კონკურსების I ადგილი – 250 ლარი; II ადგილი – 150 ლარი; III ადგილი – 80 ლარი; 3. წარმატებულმა ახალგაზრდამ (კანონიერმა წარმომადგენელმა /პედაგოგმა) მუნიციპალიტეტში უნდა წარმოადგინოს: ა) წერილობითი განცხადება; ბ) წარმატებული ახალგაზრდის (კანონიერი წარმომადგენლის პირადობის მოწმობის ასლი არასრულწლოვნის შემთხვევაში)/პედაგოგის პირადობის მოწმობის ასლი (ცნობა რეგისტრაციის ადგილის შესახებ); გ) შესაბამისი საპრიზო ადგილის დაკავების დამადასტურებელი დოკუმენტი; დ) ანგარიშის ნომრის ამონაწერი საბანკო დაწესებულებიდან; მუხლი 5🔗. ოქროსა და ვერცხლისმედალოსანი სკოლის მოსწავლეების დაჯილდოება 1. ოქროსა და ვერცხლისმედალოსანი სკოლის მოსწავლეების ფულადი ჯილდო განისაზღვრება შემდეგი სახით: ა) ოქროსმედალოსანი - 150 ლარი; ბ) ვერცხლისმედალოსანი - 100 ლარი; 2. ჭიათურის მუნიციპალიტეტის სკოლების დირექციამ მუნიციპალიტეტში უნდა წარმოადგინოს:  ა) წერილობითი განცხადება; ბ) ოქროსა და ვერცხლისმედალოსანი სკოლის მოსწავლეების სია; გ) სკოლის მოსწავლეთა ან კანონიერი წარმომადგენლის (ასეთის არსებობის შემთხვევაში) პირადობის დამადასტურებელი დოკუმენტი; დ) სკოლის მოსწავლეთა ან კანონიერი წარმომადგენლის (ასეთის არსებობის შემთხვევაში) ანგარიში ნომრის ამონაწერი საბანკო დაწესებულებიდან; მუხლი 6🔗. მედიაპროექტში გამარჯვებულის  დაჯილდოება 1. მედიაპროექტში გამარჯვებულის ფულადი ჯილდო განისაზღვრება  400 ლარის ოდენობით; 2. მედიაპროექტში გამარჯვებულმა/კანონიერმა წარმომადგენელმა მუნიციპალიტეტში უნდა წარმოადგინოს: ა) წერილობითი განცხადება; ბ) მედიაპროექტში გამარჯვებულის/კანონიერი წარმომადგენლის პირადობის მოწმობის დამადასტურებელი დოკუმენტი; გ) მედიაპროექტში გამარჯვებულის დამადასტურებელი დოკუმენტი; დ) მედიაპროექტში გამარჯვებულის/კანონიერმა წარმომადგენლის ანგარიში ნომრის ამონაწერი საბანკო დაწესებულებიდან; მუხლი 7🔗. წარმატებული გუნდის დაჯილდოება 1. წარმატებული გუნდის ფულადი ჯილდო განისაზღვრება შემდეგი სახით: ა) მუნიციპალიტეტის მასშტაბით ჩატარებული ჩემპიონატებისა და კონკურსების I ადგილი – 300 ლარი; II ადგილი – 200 ლარი; ბ) საქართველოს ჩემპიონატებისა და კონკურსების I ადგილი – 400 ლარი; II ადგილი – 300 ლარი; გ) ევროპის ჩემპიონატებისა და კონკურსების I ადგილი – 600 ლარი; II ადგილი – 500 ლარი; დ) მსოფლიო ჩემპიონატებისა და კონკურსების I ადგილი – 800 ლარი; II ადგილი – 600 ლარი; 2. წარმატებულმა გუნდმა/კაპიტანმა მუნიციპალიტეტში უნდა წარმოადგინოს: ა) წერილობითი განცხადება; ბ) წარმატებული გუნდის მოთამაშეთა თანხმობის დამადასტურებელი დოკუმენტი; გ) წარმატებული გუნდის კაპიტნის ანგარიშის ამონაწერი საბანკო დაწესებულებიდან. მუხლი 8🔗. წარჩინებული სტუდენტის დაჯილდოება 1. წარჩინებული სტუდენტის ფულადი ჯილდო განისაზღვრება 750 ლარის ოდენობით. 2. წარჩინებულმა სტუდენტმა მუნიციპალიტეტში უნდა წარმოადგინოს: ა) წერილობითი განცხადება; ბ) პირადობის მოწმობის ასლი (ცნობა რეგისტრაციის შესახებ); გ) ცნობა უმაღლესი სასწავლებლიდან წინა სასწავლო სემესტრში თითოეულ საგანში მიღებული შეფასების შესახებ; დ) ანგარიშის ამონაწერი საბანკო დაწესებულებიდან. მუხლი 9🔗. ჯილდოს გაცემის წესი ამ წესით განსაზღვრული ფულადი ჯილდოს გაცემა მოხდება უნაღდო ანგარიშსწორების წესით განმცხადებლის მიერ წარმოდგენილ საბანკო ანგარიშზე საქართველოს საგადასახადო კოდექსით დადგენილი გადასახადის გათვალისწინებით.