„ქალაქ ოზურგეთის მუნიციპალიტეტის მერიის, განათლების, კულტურისა და გენდერული თანასწორობის სამსახურის დებულების დამტკიცების შესახებ“ ქალაქ ოზურგეთის მუნიციპალიტეტის საკრებულოს 2014 წლის 1 სექტემბრის N12 დადგენილებაში ცვლილების შეტანის შესახებ

1.  დებულების მეორე  მუხლი ჩამოყალიბდეს შემდეგი რედაქციით:

,,მუხლი 2.  სამსახურის  მიზნები  და ამოცანები

1. სამსახური შედგება სამსახურის უფროსისა და სტრუქტურული ქვედანაყოფების - განყოფილებებისაგან.

2. სამსახურის სტრუქტურული ქვედანაყოფებია:

ა) განათლების განყოფილება;

ბ) კულტურის  განყოფილება;

გ) გენდერული თანასწორობის განყოფილება;

2. ამოღებულ  იქნეს მე-4  მუხლი.

3.  დებულებას დაემატოს 4¹ და 4² მუხლები.

ა)  4¹ მუხლი ჩამოყალიბდეს შემდეგი რედაქციით:

,,მუხლი 4¹. სამსახურის განათლების განყოფილების ფუნქციები

 სამსახურის განათლების განყოფილება დადგენილი წესით  უზრუნველყოფს:

ა) განათლების მუნიციპალური პროგრამების შემუშავებას;

ბ) განათლების  მუნიციპალურ პროგრამათა შემუშავებასა და  განხორციელების კოორდინაციას;

გ) სააღმზრდელო დაწესებულებების მართვას;

დ) მუნიციპალური მუზეუმების, თეატრების, სახელოვნებო სკოლების მართვას;

ე) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.

ბ) 4 ² მუხლი ჩამოყალიბდეს შემდეგი რედაქციით:

,,მუხლი 4². სამსახურის კულტურის განყოფილების ფუნქციები

სამსახურის კულტურის განყოფილება დადგენილი წესით  უზრუნველყოფს:

ა) კულტურის განვითარების  მუნიციპალური პროგრამების შემუშავებას;

ბ) კულტურის მუნიციპალურ პროგრამათა შემუშავებასა და  განხორციელების კოორდინაციას;

გ) სააღმზრდელო დაწესებულებების მართვას;

დ) კულტურის სახლების, თეატრების, სახელოვნებო სკოლების და კულტურის სხვა დაწესებულებების მართვას;

ე) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.