„აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 29 იანვრის №12 დადგენილებაში ცვლილებების შეტანის შესახებ

აფხაზეთის ავტონომიური რესპუბლიკის მთავრობის

         დადგნილება №5

  2015 წლის 6 თებერვალი

ქ. თბილისი

„აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 29 იანვრის №12 დადგენილებაში ცვლილებების შეტანის შესახებ

 მუხლი 1. „ნორმატიული აქტების შესახებ“ საქართველოს კანონის მე-20 მუხლისა და „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის შესაბამისად, „აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 29 იანვრის №12 დადგენილებით (გამოქვეყნების წყარო საკანონმდებლო მაცნე, ვებგვერდი, 30/01/2014, სარეგისტრაციო კოდი: 010340000.32.061.016073) დამტკიცებულ აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულებაში შეტანილ იქნეს შემდეგი სახის ცვლილებები:

1. დებულების პირველი მუხლის მე-8 პუნქტი ჩამოყალიბდეს შემდეგი რედაქციით:

„8. სამინისტროს იურიდიული მისამართია: ქ. თბილისი, ვაჟა-ფშაველას გამზირი №16.“.

2. დებულების მე-13 მუხლი ჩამოყალიბდეს შემდეგი რედაქციით:

„მუხლი 13. შიდა აუდიტის სამსახური

1.  შიდა აუდიტის სამსახურის ძირითადი ამოცანებია:

ა) სამინისტროს ფინანსური მართვისა და კონტროლის სისტემის ადეკვატურობისა და ეფექტიანობის შეფასება;

ბ) სამინისტროს საქმიანობის საქართველოსა და აფხაზეთის კანონმდებლობასთან შესაბამისობის შეფასება/მონიტორინგი;

გ) სამინისტროს სტრუქტურული ქვედანაყოფებისა და სამინისტროს სისტემაში შემავალი დაწესებულებების მიერ საქართველოს კანონმდებლობის მოთხოვნათა დაცვის კონტროლის განხორციელება;

დ) სამინისტროს საქმიანობის ეკონომიურობის, ეფექტიანობისა და პროდუქტიულობის კონტროლი და მათი გაზრდის მიზნით რეკომენდაციების შემუშავება;

ე) სამსახურის მიერ შემუშავებული და გაცემული რეკომენდაციების შემდგომი შესრულების მონიტორინგი და კონტროლი;

ვ) სამსახურის უფლებამოსილების ფარგლებში კანონმდებლობის მოთხოვნათა დაცვასა და შესრულებაზე კონტროლის განხორციელება, მოსალოდნელი დარღვევების ან/და ხარვეზების ანალიზი და მათი პრევენცია;

ზ) სამინისტროს სტრუქტურული ქვედანაყოფის ან/და სამინისტროს სისტემაში შემავალი დაწესებულებების მოხელეთა მიერ სამსახურებრივ გადაცდომათა ფაქტებზე სამსახურებრივი შემოწმების ჩატარება, სათანადო დასკვნის შედგენა და მინისტრისთვის წარდგენა;

თ) სამინისტროს სტრუქტურულ ქვედანაყოფებში დისციპლინისა და კანონიერების დაცვის კონტროლი, სამინისტროს მოხელეთა მიერ მოქალაქეთა კონსტიტუციური უფლებებისა და კანონიერი ინტერესების, სამსახურებრივი გადაცდომის ფაქტებისა და სხვა მართლსაწინააღმდეგო ქმედებათა გამოვლენა, აღნიშნულ ფაქტებთან დაკავშირებული განცხადებების ან/და საჩივრების შესწავლა და შესაბამისი რეაგირება;

ი) სამინისტროს მოხელეთა ინტერესთა შეუთავსებლობის ფაქტების გამოვლენა და რეაგირება, მათ მიერ სამსახურებრივი ეთიკის ნორმათა შესრულებაზე კონტროლის განხორციელება;

კ) სხვა საქმიანობის განხორციელება, რომელიც გამომდინარეობს სამინისტროს ინტერესებიდან და არ ეწინააღმდეგება საქართველოს კანონმდებლობას, „სახელმწიფო შიდა ფინანსური კონტროლის შესახებ“  საქართველოს კანონის მიზნებს და აუდიტორის დამოუკიდებლობის პრინციპებს.

2. შიდა აუდიტის სამსახურის უფლებამოსილება განისაზღვრება საქართველოს კანონით „სახელმწიფო შიდა ფინანსური კონტროლის შესახებ“ და შიდა აუდიტის სამსახურის დებულებით.“.

მუხლი 2. დადგენილება ძალაშია გამოქვეყნების დღიდან.

აფხაზეთის ავტონომიური რესპუბლიკის

მთავრობის თავმჯდომარის

მოვალეობის შემსრულებელი                                 ვახტანგ ყოლბაია