„ქალაქ ამბროლაურის მუნიციპალიტეტის მერიის საფინანსო-საბიუჯეტო სამსახურის დებულების დამტკიცების შესახებ“ ქალაქ ამბროლაურის მუნიციპალიტეტის საკრებულოს 2014 წლის 23 ივლისის №09 დადგენილებაში ცვლილების შეტანის თაობაზე

  ა)  დადგენილებით დამტკიცებული დებულების  მე-2 მუხლის მე-2 პუნქტი ჩამოყალიბდეს შემდეგი რედაქციით:

,,2. სამსახურის სტრუქტურული ქვედანაყოფია:

  ა) საბიუჯეტო დაგეგმვის განყოფილება;

  ბ) საბუღალტრო აღრიცხვისა და სახაზინო მომსახურების განყოფილება;

  გ) შესყიდვების განყოფილება.“.

    ბ) დადგენილებით დამტკიცებული დებულების მე-4 მუხლი ჩამოყალიბდეს შემდეგი რედაქციით:

  ,, მუხლი 4. საბიუჯეტო დაგეგმვის განყოფილება

   სამსახურის საბიუჯეტო დაგეგმვის განყოფილება უზრუნველყოფს:

ა) წლის ბიუჯეტის პროექტის შეიმუშავებს;

 ბ) ბიუჯეტის პროექტის თაობაზე გამოთქმული შენიშვნებისა და წინადადებების სისტემატიზაციას;

   გ) წლის ბიუჯეტის პროექტის რედაქტირებას საკრებულოს საფინანსო-საბიუჯეტო კომისიის მიერ გამოთქმული შენივნების გათვალისწინებით;

   დ) წინადადებების მომზადებას მუნიციპალიტეტის მიერ სესხის აღებისა და გაცემის შესახებ;

    ე) მუნიციპალიტეტის პროგრამების საფინანსო გაანგარიშებას, შესაბამისი დასკვნებისა და რეკომენდაციების შემუშავებას;

   ვ) საჭირო ინფორმაციის შეკრებასა და დამუშავებას ფინანსთა სამინისტროს მიერ გამოთანაბრებითი, მიზნობრივი და სპეციალური ტრანსფერების მოცულობათა გასაანგარიშებლად;

   ზ) წინადადებების მომზადებას ბიუჯეტის სარეზერვო ფონდის ოდენობის თაობაზე;

   თ) ბიუჯეტის შემოსულობებისა და გადასახდელების განწერას კვარტალებისა და თვეების მიხედვით;

    ი) ბიუჯეტის შემოსულობების შესახებ ინფორმაციის შეკრებას, გაანალიზებას და შესაბამისი წინადადებებისა და რეკომენდაციების შემუშავებას;

     კ) ადგილობრივი ბიუჯეტის საკასო შესრულებაზე ზედამხედველობას;

    ლ) მუნიციპალური პროგრამების საფინანსო მონიტორინგს;

    მ) ბიუჯეტის შესრულების შესახებ მიმდინარე და ყოველწლიური ანგარიშების მომზადებას.“.

    გ) დადგენილებით დამტკიცებულ დებულებას დაემატოს მე-5 მუხლი და ჩამოყალიბდეს შემდეგი რედაქციით:

   ,, მუხლი 5.  საბუღალტრო აღრიცხვისა და სახაზინო მომსახურების განყოფილება

   სამსახურის   საბუღალტრო აღრიცხვისა და სახაზინო მომსახურების განყოფილება უზრუნველყოფს:

ა) საბუღალტრო აღრიცხვის წარმოება;

ბ) ბიუჯეტით გათვალისწინებული ასიგნებების შესაბამისად ხარჯის გაწევას, საფინანსო ოპერაციების წარმოებას;

გ) მუნიციპალიტეტის მიერ აღებული და გაცემული სესხების მართვას;                 

დ) საკრებულოსა და მუნიციპალური სამსახურების სარგებლობაში არსებული ქონების აღწერა-ინვენტარიზაციას;

ე) მუნიციპალიტეტის საჯარო მოსამსახურეთა ხელფასების, სამივლინებო ხარჯების და სხვა გადასახდელების გაცემას;

ვ) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას;

ზ) ბიუჯეტით გათვალისწინებული გადასახდელების სახაზინო მომსახურებას;

თ) მუნიციპალიტეტის საბანკო აგარიშების მართვას, ურთიერთობებს ხაზინასთან და საბანკო დაწესებულებებთან.“;

 დ) დადგენილებით დამტკიცებულ დებულებას დაემატოს მე-6 მუხლი და ჩამოყალიბდეს შემდეგი რედაქციით:

,,მუხლი 6. შესყიდვების განყოფილება

სამსახურურის შესყიდვების განყოფილება უზრუნველყოფს:

ა) მუნიციპალური შესყიდვების გეგმის მომზადებას;

ბ) სატენდერო კომისიის ოქმების და სხვა დოკუმენტების წარმოებას;

გ) ელექტრონული ტენდერის შესახებ განცხადების მომზადებას და გამოქვეყნებას;

დ) მუნიციპალიტეტის სატენდერო კომისიის გადაწყვეტილების შესაბამისად ხელშეკრულების შემუშავებას;

ე) მუნიციპალური შესყიდვების სესახებ ხელშეკრულების პირობების შესრულებას;

ვ) მუნიციპალური შესყიდვების შესახებ ანგარიშების მომზადებას;

ზ) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.“.