„საქართველოს ცენტრალური საარჩევნო კომისიის აპარატის მოხელეთა შესარჩევი კონკურსის დებულების დამტკიცების შესახებ” საქართველოს ცენტრალური საარჩევნო კომისიის 2012 წლის 2 მარტის №9/2012 დადგენილებით დამტკიცებულ დებულებაში ცვლილებების შეტანის თაობაზე

„1. კონკურსის მიზანია უზრუნველყოს ცესკოს აპარატში შტატით გათვალისწინებულ ვაკანტურ თანამდებობაზე, დამატებითი საკვალიფიკაციო მოთხოვნების გათვალისწინებით, შესაბამისი კანდიდატის შერჩევა, გარდა ამავე დებულების 10¹ მუხლით გათვალისწინებული შემთხვევებისა.“.

„მუხლი 10¹. ცესკოს აპარატის შტატით გათვალისწინებულ ვაკანტურ თანამდებობაზე უკონკურსოდ დანიშვნა

1. ცესკოს აპარატის შტატით გათვალისწინებულ ვაკანტურ თანამდებობაზე უკონკურსოდ შეიძლება დაინიშნონ:

ა) ცესკოს ხელმძღვანელი პირების თანაშემწეები;

ბ) ცესკოს თავმჯდომარის მრჩევლები;

გ) თანამდებობაზე დროებით შემცვლელები;

დ) დროებით მოვალეობის შემსრულებლები იმ ვაკანტურ თანამდებობაზე, რომელიც კონკურსის წესით უნდა შეივსოს;

ე) მოხელეები – სამსახურებრივი დაწინაურების შემთხვევაში;

ვ) მოხელეები – იმავე დაწესებულების სხვა სტრუქტურულ ერთეულში გადაყვანისას, თუ მათ მიერ კონკურსის წესით დაკავებული თანამდებობისა და დასაკავებელი თანამდებობისათვის ერთი და იგივე საკონკურსო მოთხოვნებია წაყენებული.

2. დროებით მოვალეობის შემსრულებელი, რომელიც კონკურსის წესით უნდა შეივსოს, შეიძლება დაინიშნოს არა უმეტეს 3 თვის ვადით. იმავე თანამდებობაზე განმეორებით დროებით მოვალეობის შემსრულებლად დანიშვნა დაუშვებელია.

3. ამ მუხლის პირველი პუნქტის „ვ“ ქვეპუნქტით გათვალისწინებულ შემთხვევაში, მოხელის წერილობითი თანხმობით, დასაკავებელ თანამდებობაზე მისი წარდგენის უფლება აქვს დაწესებულების იმ სტრუქტურული ერთეულის ხელმძღვანელს, სადაც ხდება ამ მოხელის გადაყვანა.”.