„საქართველოს თავდაცვის სამინისტროს თავდაცვის ატაშეებისა და სამინისტროს წარმომადგენლების ოფისის (სამმართველო) დებულების დამტკიცების შესახებ” საქართველოს თავდაცვის მინისტრის 2009 წლის 31 დეკემბრის №833 ბრძანებაში ცვლილების შეტანის თაობაზე

საქართველოს თავდაცვის მინისტრის

2015 წლის 16 მარტი

ქ. თბილისი

1. 7¹ მუხლი ჩამოყალიბდეს შემდეგი რედაქციით:

,,მუხლი 7¹. ოფისის უფროსს ჰყავს ორი მოადგილე, რომლებსაც თანამდებობაზე ნიშნავს და თანამდებობიდან ათავისუფლებს მინისტრი.”.

2. 8¹ მუხლი ჩამოყალიბდეს შემდეგი რედაქციით:

,,მუხლი 8¹. ოფისის უფროსის მოადგილე

ოფისის უფროსის დროებით არყოფნის შემთხვევაში, მის მოვალეობას მინისტრის ინდივიდუალური ადმინისტრაციული-სამართლებრივი აქტის საფუძველზე, ასრულებს ერთ-ერთი მოადგილე, რომელიც უზრუნველყოფს:

ა) საზღვარგარეთ წარგზავნილი თავდაცვის ატაშეებისა და სამინისტროს წარმომადგენლების საქმიანობის ორგანიზებისა და ყოველდღიური კოორდინაციის ხელშეწყობას;

ბ) საინფორმაციო-ანალიტიკური მასალის მიღების, დამუშავების და დანიშნულებისამებრ დაგზავნის კოორდინაციის ხელშეწყობას;

გ) ყოველდღიური ადმინისტრაციული, ფინანსური, ლოგისტიკური საკითხების კოორდინაციის ხელშეწყობას;

დ) თანამშრომელთა მიერ სამსახურებრივი მოვალეობების შესრულების კონტროლის ხელშეწყობას;

ე) ოფისზე დაკისრებული სხვა ამოცანების შესრულების ხელშეწყობას.’’.