გარდაბნის მუნიციპალიტეტის „დიალეზზე დამოკიდებული მოქალაქეების დახმარების პროგრამის“ დამტკიცების შესახებ

გარდაბნის მუნიციპალიტეტის „დიალეზზე დამოკიდებული მოქალაქეების დახმარების პროგრამის“ დამტკიცების შესახებ გარდაბნის მუნიციპალიტეტის საკრებულოს დადგენილება №22 2015 წლის 12 მარტი ქ. გარდაბანი გარდაბნის მუნიციპალიტეტის „დიალიზზე დამოკიდებული მოქალაქეების დახმარების პროგრამის“ დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-4 ნაწილის, 24-ე მუხლის მე-2 ნაწილის, გარდაბნის მუნიციპალიტეტის საკრებულოს რეგლამენტის მე-3 მუხლის მე-14 პუნქტის „ა“ ქვეპუნქტის თანახმად, გარდაბნის მუნიციპალიტეტის საკრებულო ადგენს: მუხლი 1🔗 დამტკიცდეს გარდაბნის მუნიციპალიტეტის „დიალიზზე დამოკიდებული მოქალაქეების დახმარების პროგრამა“ დანართის შესაბამისად. მუხლი 2🔗 დადგენილება ამოქმედდეს გამოქვეყნებისთანავე. მუხლი 3🔗 დადგენილება შეიძლება გასაჩივრდეს რუსთავის საქალაქო სასამართლოში (ქ. რუსთავი, ბოსტანქალაქის. ქ. №6), საქართველოს ადმინისტრაციული საპროცესო კოდექსის 22-ე მუხლის მე-3 ნაწილით დადგენილი წესით.გარდაბნის მუნიციპალიტეტის საკრებულოს თავმჯდომარევაჟა გენგაშვილი დანართი დიალიზზე დამოკიდებული მოქალაქეების დახმარების პროგრამა 1. პროგრამის სახელწოდება: გარდაბნის მუნიციპალიტეტის „დიალიზზე დამოკიდებული მოქალაქეების დახმარების პროგრამა“ 2.    პროგრამის დაწყებისა და დამთავრების თარიღი: 01 მარტი 2015 წ. 31 დეკემბერი 2015 წ. 3. პროგრამის მთლიანი ბიუჯეტი: 32400 (ოცდათორმეტი ათას ოთხასი) ლარი. № მომხმარებელთა კატეგორია მომხმარებელთა რაოდენობა თვეების რაოდენობა პროგრამით გათვალისწინებული დახმარება ჯამი: 1 დიალიზზე დამოკიდებული მოქალაქეები 27 10 120 ლ. 32400 ლ. სულ: 32400ლ. 4. პროგრამის დაფინანსების წყაროები: ადგილობრივი ბიუჯეტი.                          5. პროგრამით მოსარგებლე ბენეფიციარები: გარდაბნის მუნიციპალიტეტის ტერიტორიაზე რეგისტრირებული, დიალიზზე დამოკიდებული პირები. 6. პროგრამის მიზნები: თირკმლის უკმარისობით დაავადებული მოქალაქეები, რომლებიც დიალიზით მკურნალობის კურსს გადიან სხვადასხვა ქალაქში მდებარე კლინიკებში, მათთვის გაუთვალისწინებელი, დამატებითი ხარჯების დაფარვის შემსუბუქება. 7. პროგრამის შედეგები: დიალიზზე დამოკიდებული მოქალაქეების სოციალური და ჯანმრთელობის პირობების გაუმჯობესება.   8. პროგრამის ადმინისტრირების (მისი მართვის, ზედამხედველობისა და მონიტორინგის) წესები და პირობები: - განაცხადის მიღებაზე პასუხისმგებელი პირი/ორგანო:   მუნიციპალიტეტის გამგეობის კანცელარია. - განაცხადის დამუშავებაზე პასუხისმგებელი პირი/ორგანო: მუნიციპალიტეტის გამგეობის ჯანმრთელობისა და სოციალური დაცვის სამსახური. - გადაწყვეტილების პროექტის მომზადებაზე პასუხისმგებელი პირი/ორგანო:   მუნიციპალიტეტის გამგეობის ჯანმრთელობისა და სოციალური დაცვის სამსახური. (სამსახური უზრუნველყოფს სიის ყოველთვიურად გადამოწმებას და სოციალური მომსახურების სააგენტოს წერილის საფუძველზე, შესაბამისი ბრძანების პროექტის მომზადებას.) - პროგრამის ზედამხედველობაზე პასუხისმგებელი პირი/ორგანო: მუნიციპალიტეტის გამგეობის ჯანმრთელობისა და სოციალური დაცვის სამსახურის უფროსი. -  პროგრამის პერიოდულ მონიტორინგზე პასუხისმგებელი პირი/ორგანო:  გამგებლის მოადგილე. -  გადაწყვეტილების მიმღები პირი/ორგანო:   მუნიციპალიტეტის გამგებელი. - პროგრამით სარგებლობისთვის წარსადგენი აუცილებელი დოკუმენტების ჩამონათვალი: 1.  განცხადება მუნიციპალიტეტის გამგებლის სახელზე; 2.  დახმარების მიმღების (ბენეფიციარის) პირადობის მოწმობის ასლი; 3.  ცნობა ჯანმრთელობის მდგომარეობის შესახებ (ფორმა №100); 4.  განმცხადებლის საბანკო ანგარიში.