„ყვარლის მუნიციპალიტეტის გამგეობის დებულების დამტკიცების შესახებ“ ყვარლის მუნიციპალიტეტის საკრებულოს 2014 წლის 25 ივლისის N18 დადგენილებაში ცვლილებების შეტანის თაობაზე

„4. გამგეობის სამსახურებია:

ა) ადმინისტრაციული სამსახური, რომელსაც აქვს შემდეგი განყოფილებები:

ა.ა.)    მოქალაქეთა მომსახურების განყოფილება;

ა.ბ.)  საზოგადოებასთან ურთიერთობის, საინფორმაციო, ადამიანური რესურსების მართვის და ადმინისტრაციულ ერთეულებთან ურთიერთობის კოორდინაციის განყოფილება;

ბ) საფინანსო-საბიუჯეტო, ჯანდაცვისა და სოციალურ საკითხთა სამსახური, რომელსაც აქვს შემდეგი განყოფილებები:

ბ.ა. ) საფინანსო-საბიუჯეტო და სამეურნეო განყოფილება;

ბ.ბ.) ჯანდაცვის და სოციალურ საკითხთა განყოფილება;

ბ.გ.) შესყიდვების განყოფილება.

გ) ქონების მართვის, ეკონომიკური განვითარების, სტატისტიკის,  ინფრასტრუქტურის, სივრცითი მოწყობის, არქიტექტურისა და მშენებლობის სამსახური, რომელსაც აქვს შემდეგი განყოფილებები:

გ.ა.) ქონების მართვის, ეკონომიკური განვითარების დაგეგმვისა და სტატისტიკის განყოფილება;

გ.ბ.) ინფრასტრუქტურის, სივრცითი მოწყობის, მშენებლობისა და არქიტექტურის განყოფილება.

დ) იურიდიული სამსახური;

ე) შიდა აუდიტის სამსახური;

ვ) ზედამხედველობის სამსახური;

ზ) სამხედრო აღრიცხვისა და გაწვევის სამსახური;

თ) ამოღებულია;

ი) განათლების, კულტურის, ძეგლთა დაცვის, სპორტისა და ახალგაზრდულ საქმეთა სამსახური;

კ) სოფლის მეურნეობის განვითარების სამსახური“;

„11. სოფლის მეურნეობის განვითარების სამსახური

1.  მუნიციპალიტეტის  ტერიტორიაზე  მოქმედი,   დაინტერესებული  ფიზიკური  და იურიდიული  პირებისთვის  სასოფლო-სამეურნეო  კულტურების  წარმოების ტექნოლოგიების  შესახებ  ინფორმაციის  მომზადება და მიწოდება, ამ მიზნით კომპეტენტურ ინსტიტუტებთან და სპეციალისტებთან თანამშრომლობა.

2. საქართველოს მთავრობის და საერთაშორისო ორგანიზაციების მიერ დაგეგმილი სოფლის მეურნეობის განვითარების პროექტების განხორციელების ხელშეწყობა;

3.  საინვესტიციო  პროექტების  განხორციელების  ხელშეწყობა  და  დაინტერესებულ პირთა საჭირო ინფორმაციით უზრუნველყოფა;

4.  სასურსათო  პროდუქტების  გადამამუშავებელი,  შესანახი  ინფრასტრუქტურის, სასოფლო-სამეურნეო მანქანა-დანადგარების,  მომსახურების ცენტრების და სასოფლო-სამეურნეო დანიშნულების მიწების შესახებ ინფორმაციის კონსოლიდაცია და დაინტერესებული უწყებებისთვის /პირებისათვის/ მიწოდება.“