საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ - სახელმწიფო ქონების ეროვნული სააგენტოსა და საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების - საქართველოს საავტომობილო გზების დეპარტამენტის მიერ განსახორციელებელი ღონისძიების შესახებ

საქართველოს მთავრობის

განკარგულება №687

2015 წლის 3 აპრილი

ქ. თბილისი

საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნული სააგენტოსა და საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების – საქართველოს საავტომობილო გზების დეპარტამენტის მიერ განსახორციელებელი ღონისძიების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ი“ და „კ“ ქვეპუნქტების შესაბამისად:

ა) მიეცეს უფლება საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს (შემდგომში - სააგენტო) მოახდინოს შესაბამისი პროექტის ინიცირება, გარდაბნის მუნიციპალიტეტში, სოფელ მარტყოფში მდებარე 9269 კვ.მ არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობების: №1 - საერთო ფართით - 2211 კვ.მ და №2 – საერთო ფართით – 60 კვ.მ (მიწის (უძრავი ქონების) საკადასტრო კოდი: №81.10.28.572) პრივატიზების მიზნით;

ბ) მიეცეს უფლება საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებულ სახელმწიფო საქვეუწყებო დაწესებულებას - საქართველოს საავტომობილო გზების დეპარტამენტს (შემდგომში – დეპარტამენტი), გამონაკლისის სახით, საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის 23-ე კმ-ზე, თბილისი-საგარეჯოს მონაკვეთზე, გარდაბნის მუნიციპალიტეტში, სოფელ მარტყოფში მდებარე 9269 კვ.მ არასასოფლო-სამეურნეო დანიშნულების მიწის ნაკვეთზე და მასზე მდგომ შენობა-ნაგებობებზე: №1 - 2211 კვ.მ და №2 - 60 კვ.მ (მიწის (უძრავი ქონების) საკადასტრო კოდი: №81.10.28.572), აღნიშნული საავტომობილო გზის მონაკვეთზე, საპროექტო გადაწყვეტილებით დაგეგმილი სამუშაოების დასრულებამდე, გასცეს შესაბამისი ტექნიკური პირობები გზისპირა ინფრასტრუქტურის ობიექტის განთავსებაზე;

გ) ეთხოვოს მშენებლობის ნებართვის გამცემ შესაბამის ორგანოს, დეპარტამენტის მიერ გაცემული ტექნიკური პირობების საფუძველზე, საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის 23-ე კმ-ზე, თბილისი-საგარეჯოს მონაკვეთზე, გარდაბნის მუნიციპალიტეტში, სოფელ მარტყოფში მდებარე 9269 კვ.მ არასასოფლო-სამეურნეო დანიშნულების მიწის მიწის ნაკვეთზე და მასზე მდგომ შენობა-ნაგებობებზე: №1 – 2211.0 კვ.მ, №2 – 60.0 კვ.მ (მიწის (უძრავი ქონების) საკადასტრო კოდი: №81.10.28.572) , მოქმედი კანონმდებლობის შესაბამისად, გამონაკლისის სახით, განიხილოს გზისპირა ინფრასტრუქტურის ობიექტის განთავსებაზე შესაბამისი ნებართვის გაცემის საკითხი, აღნიშნულ საავტომობილო გზაზე დეტალური პროექტირებისა და საპროექტო გადაწყვეტილებით დაგეგმილი სამშენებლო სამუშაოების დასრულებამდე.

 

პრემიერ-მინისტრი ირაკლი ღარიბაშვილი