„ქალაქ ზუგდიდის მუნიციპალიტეტის მერიის დებულების დამტკიცების შესახებ“ქალაქ ზუგდიდის მუნიციპალიტეტის საკრებულოს 2014 წლის 14 ივლისის №3 დადგენილებაში ცვლილების შეტანის თაობაზე

1. მე-11 მუხლის მე-4  პუნქტიდან ამოღებულ იქნეს ,,დ.დ“ ქვეპუნქტი.

2. მე-11 მუხლის მე-4 პუნქტს დაემატოს შემდეგი შინაარსის „ლ“ ქვეპუნქტი:

,,ლ. ქალაქმშენებლობის სამსახური, რომელიც  შედგება შემდეგი განყოფილებებისაგან:

ლ.ა) საორგანიზაციო განყოფილება;

ლ.ბ) პროექტირების და ხარჯთაღრიცხვის განყოფილება;

ლ.გ) ინსპექტირების განყოფილება.“.

3.  მე-12 მუხლის მე-4 პუნქტი ჩამოყალიბდეს შემდეგი შინაარსით:

,,4. ეკონომიკისა და ინფრასტრუქტურის განვითარების სამსახურის ძირითადი ფუნქციებია: არსებული კანონმდებლობის საფუძველზე მუნიციპალიტეტის ეკონომიკური განვითარების სტრატეგიების, მუნიციპალური პროგრამების შემუშავება, საინვესტიციო პოლიტიკის შემუშავება, ყველა სახის ადგილობრივი შემოსავლების-მოსაკრებლების მობილიზაციის ხელშეწყობა და  ადმინისტრირება,  მუნიციპალური ინფრასტრუქტურის განვითარებისა და კეთილმოწყობის სამუშაოთა დაგეგმვა, მუნიციპალიტეტის ადმინისტრაციულ საზღვრებში რეგულარული სამგზავრო გადაყვანის ორგანიზება,   მუნიციპალური ქონების  მართვა. ინვესტიციების დაგეგმვის, ინვესტორებთან თანამშრომლობის, შესაბამისი საინვესტიციო პროგრამებისა  და  პროექტების მომზადება.   სტატისტიკური ინფორმაციის შეგროვება-დამუშავება.“.  

4.  მე-12 მუხლს მე-10 პუნქტის შემდეგ დაემატოს შემდეგი შინაარსის 10¹ პუნქტი:

„10¹. ქალაქ ზუგდიდის მუნიციპალიტეტის მერიის ქალაქმშენებლობის სამსახური უზრუნველყოფს ქალაქ ზუგდიდის მუნიციპალიტეტში  რეაბილიტაციას დაქვემდებარებული და  ასაშენებელი ობიექტების შესრულებაზე კონტროლს, მუნიციპალიტეტის ტერიტორიაზე კეთილმოწყობის სამუშაოთა დაგეგმვისა და ინფრასტრუქტურული პროექტების განხორციელებას და შესაბამისი ადგილობრივი შესყიდვების განხორციელებისათვის წინადადებების მომზადებას.“.

5. მე-13 მუხლს დაემატოს შემდეგი შინაარსის 13¹ მუხლი:

„მუხლი 13^1. მერის თანაშემწე

1. მერის თანაშემწეს, „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს მერი.

2. მერის თანაშემწე უზრუნველყოფს მერის დავალებების და მითითებების შესრულებას.  

3. უფლებამოსილების განხორციელებაში კოორდინაციას უწევს, ხელს უწყობს და საჭიროების შემთხვევაში სათანადო ადამიანური და მატერიალური რესურსებით უზრუნველყოფს მერიის ადმინისტრაციული სამსახურის უფროსი.“.