„საქართველოს რეგიონული განვითარებისა და ინფრასტრუქტურის სამინისტროს მოხელეთა დამატებითი საკვალიფიკაციო მოთხოვნების დამტკიცების შესახებ“ საქართველოს რეგიონული განვითარებისა და ინფრასტრუქტურის მინისტრის 2015 წლის 9 იანვრის №1/ნ ბრძანებაში ცვლილების შეტანის თაობაზე

1. მე-13 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ) მუშაობის არანაკლებ 5 წლის სტაჟი, მათ შორის, საჯარო სექტორში მუშაობის არანაკლებ 4 წლის სტაჟი; საზედამხედველო, მათ შორის, მონიტორინგის სფეროში ხელმძღვანელ თანამდებობაზე მუშაობის არანაკლებ 3 წლის სტაჟი; სასურველი - მაკონტროლებელ ან აუდიტორულ სფეროში მუშაობის სტაჟი;“.

2. მე-14 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ) მუშაობის არანაკლებ 4 წლის სტაჟი, მათ შორის, საჯარო სექტორში მუშაობის არანაკლებ 3 წლის სტაჟი; ხელმძღვანელ თანამდებობაზე მუშაობის არანაკლებ 2 წლის სტაჟი; სასურველი - საზედამხედველო, მათ შორის, მონიტორინგის, მაკონტროლებელ ან აუდიტორულ სფეროში მუშაობის სტაჟი;“.

3. მე-15 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ) მუშაობის არანაკლებ 3 წლის სტაჟი, მათ შორის, საჯარო სექტორში ინსპექტირების ან/და აუდიტორულ სფეროში (სასურველი - საჯარო სექტორის შიდა აუდიტის სფეროში) მუშაობის არანაკლებ 2 წლის სტაჟი;“.