ონის მუნიციპალიტეტის ტერიტორიაზე ქუჩების, შესახვევების, ჩიხების, მოედნების, მრავალბინიანი სახლების სადარბაზოების და ბინების ნუმერაციის წესის დამტკიცების შესახებ

ონის მუნიციპალიტეტის ტერიტორიაზე ქუჩების, შესახვევების, ჩიხების, მოედნების, მრავალბინიანი სახლების სადარბაზოების და ბინების ნუმერაციის წესის დამტკიცების შესახებ ონის მუნიციპალიტეტის საკრებულოს დადგენილება №13 2015 წლის 21 მაისი ქ. ონი ონის მუნიციპალიტეტის ტერიტორიაზე ქუჩების, შესახვევების, ჩიხების, მოედნების, მრავალბინიანი სახლების სადარბაზოების და ბინების ნუმერაციის წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე-3 პუნქტის და 24-ე მუხლის მე-2 პუნქტის შესაბამისად,  ონის მუნიციპალიტეტის საკრებულო ადგენს: მუხლი 1🔗 დამტკიცდეს ონის მუნიციპალიტეტის ტერიტორიაზე ქუჩების, შესახვევების, ჩიხების, მოედნების, მრავალბინიანი სახლების სადარბაზოების და ბინების ნუმერაციის წესი დანართის შესაბამისად. მუხლი 2🔗 დადგენილება ამოქმედდეს გამოქვეყნებისთანავე.საკრებულოს თავმჯდომარის მოადგილევლადიმერ ჩლაიძე დანართი ონის მუნიციპალიტეტის ტერიტორიაზე ქუჩების,  შესახვევების, ჩიხების, მოედნების,  მრავალბინიანი სახლების სადარბაზოების და ბინების  ნუმერაციის წესი მუხლი 1🔗. ზოგადი დებულებანი 1. წინამდებარე წესი განსაზღვრავს ონის  მუნიციპალიტეტის ტერიტორიაზე ქუჩების, მოედნების,  შესახვევების, ჩიხების, მრავალბინიან სახლებში სადარბაზოებისა და ბინების ნუმერაციის პირობებსა და წესს. 2. წესის მიღების მიზანია  ამ მუხლის  პირველი პუნქტით განსაზღვრული ობიექტების ნუმერაციის მოწესრიგება. მუხლი 2🔗. ტერმინთა განმარტება 1. ბინა მრავალბინიან სახლში – მრავალბინიან სახლში ინდივიდუალური საკუთრების ფართი, რომელიც შეიძლება იყოს ერთ სისტემაში გაერთიანებული მომიჯნავე სათავსების ერთობლიობა ან იზოლირებული სათავსი (სათავსები), რომელიც გამოიყენება საცხოვრებელი ან არასაცხოვრებელი, მათ შორის კომერციული მიზნებისათვის. 2. დაინტერესებული პირი – ნებისმიერი მესაკუთრე ფიზიკური ან იურიდიული პირი, აგრეთვე კანონიერი მოსარგებლე, რომლის კანონიერ ინტერესზე პირდაპირ და უშუალო გავლენას ახდენს ადმინისტრაციული ორგანოს მიერ განხორციელებული ნუმერაცია. 3. კანონიერი მოსარგებლე – ფიზიკური პირი, რომელიც უფლებამოსილი ორგანოს მიერ გაცემული დოკუმენტის (ინდივიდუალურ-ადმინისტრაციულ სამართლებრივი აქტი, ბინის ორდერი, საბინაო წიგნი, და სხვ.) საფუძველზე კანონიერად სარგებლობს ბინით, შენობით. 4. ინდექსი – რიცხვით ან ასოითი მაჩვენებელი, რომელიც ციფრს ეწერება მარჯვენა ზედა კუთხეში. მუხლი 3🔗. უფლებამოსილი ორგანო ქუჩების, მოედნების,  შესახვევების, ჩიხების, მრავალბინიან სახლებში სადარბაზოებისა და ბინების ნუმერაციის შესახებ  გადაწყვეტილებას იღებს  ონის  მუნიციპალიტეტის გამგებელი. მუხლი 4🔗. ნუმერაციის მოთხოვნა 1. ქუჩების, მოედნების,  შესახვევების, ჩიხების, მრავალბინიან სახლებში სადარბაზოებისა და ბინების ნუმერაციის შესახებ ადმინისტრაციული წარმოება იწყება დაინტერესებული პირის განცხადების ან/და ადმინისტრაციული ორგანოს ინიციატივის საფუძველზე. 2. ნუმერაციის საკითხი განიხილება საქართველოს ზოგადი ადმინისტრაციული კოდექსით დადგენილი წესით, მარტივი ადმინისტრაციული წარმოებით. 3. განცხადებას თან უნდა ახლდეს: ა) დაინტერესებული პირის მიერ იმ უძრავი ქონების საკუთრების ან კანონიერი სარგებლობის დამადასტურებელი დოკუმენტი, რომელსაც განმცხადებლის აზრით უნდა მიენიჭოს/შეეცვალოს ნომერი; ბ) სსიპ - საჯარო რეესტრის ეროვნული სააგენტოს ონის  სარეგისტრაციო სამსახურის მიერ გაცემული საინფორმაციო ცნობა იმ უძრავი ქონების შესახებ, რომელაც უნდა შეეცვალოს/მიენიჭოს ნომერი და აგრეთვე ამ ქონების  მომიჯნავედ არსებული ობიექტების ნუმერაციის შესახებ. გ) განმცხადებლის პირადობის დამადასტურებელი დოკუმენტის ასლი; დ) სხვა დოკუმენტებიც საჭიროების შემთხვევაში. მუხლი 5🔗. ქუჩების, მოედნების, შესახვევების, ჩიხების ნუმერაციის საფუძველი ქუჩების, მოედნების,  შესახვევების, ჩიხების ნუმერაციის შეცვლის ან/და ახალი ნუმერაციის საფუძველი შეიძლება გახდეს: ა) უძრავი ქონების  ნუმერაციის არარსებობა; ბ) უძრავი ქონების გაყოფა ან/და შეერთება; გ) არსებულ დოკუმენტებში უძრავი ქონებისთვის  მინიჭებული ნომრების აღრევა; დ) სხვა ცდომილება, რამაც შეიძლება გამოიწვიოს  ნუმერაციის მოთხოვნა. მუხლი 6🔗. მრავალბინიან სახლებში სადარბაზოებისა და ბინების ნუმერაციის საფუძველი 1. მრავალბინიან სახლებში სადარბაზოებისა და ბინების ნუმერაციის შეცვლის ან/და ახალი ნუმერაციის საფუძველი შეიძლება გახდეს: ა) სადარბაზოს/სადარბაზოების ან/და ბინის/ბინების ნუმერაციის არარსებობა; ბ) ბინის/ბინების გაყოფა ან/და შეერთება; გ) არსებულ დოკუმენტებში სადარბაზოს/სადარბაზოებისთვის ან/და ბინის/ბინებისთვის მინიჭებული    ნომრების აღრევა; დ) სხვა ცდომილება, რამაც შეიძლება გამოიწვიოს სადარბაზოს/სადარბაზოების ან/და ბინის/ბინების ნუმერაციის მოთხოვნა. 2. ნუმერაცია დაუშვებელია თუ მესაკუთრეს ან კანონიერ მოსარგებლეს არ გააჩნია ბინით დამოუკიდებლად სარგებლობის შესაძლებლობა და იგი არ შეიძლება წარმოადგენდეს ცალკე უფლების ობიექტს. 3. მრავალბინიან სახლებში სადარბაზოებისა და ბინების ნუმერაცია ხდება მარცხნიდან მარჯვნივ. მუხლი 7🔗. ქუჩების, მოედნების, გამზირების, შესახვევების, ჩიხების, მრავალბინიან სახლებში სადარბაზოებისა და ბინების ნუმერაცია 1. ქუჩების, მოედნების, შესახვევების, ჩიხების ნუმერაცია ხდება არაბული ციფრით, ხოლო გამონაკლის შემთხვევებში, შენობის სპეციფიკიდან გამომდინარე - არაბულ ციფრზე ინდექსის დამატებით. 2. მრავალბინიან სახლებში სადარბაზოებისა და ბინების ნუმერაცია ხდება არაბული ციფრით ან ციფრზე ქართული ანბანის ასოს დამატებით. მუხლი 8🔗. გადაწყვეტილების მიღების წესი 1. განცხადებას ქუჩების, მოედნების, გამზირების, შესახვევების, ჩიხების, მრავალბინიან სახლებში სადარბაზოებისა და ბინების ნუმერაციის შესახებ განცხადება დაინტერესებულ პირს შეაქვს ონის მუნიციპალიტეტის გამგეობაში. 2. განცხადებას თანდართულ დოკუმენტაციასთან ერთად განიხილავს და მასზე დასკვნა  ამზადებს ონის მუნიციპალიტეტის არქიტექტურის, ზედამხედველობისა და ინფრასტრუქტურის სამსახური, რომელიც დასკვნას წარუდგენს მუნიციპალიტეტის გამგებელს. 3. განსახილველ საკითხზე უარყოფითი დასკვნის შემთხვევაში დაინტერესებულ პირს წერილობით უნდა ეცნობოს პასუხი. 4. განსახილველ საკითხზე დადებითი დასკვნის შემთხვევაში ნუმერაციის შესახებ საბოლოო გადაწყვეტილებას იღებს გამგებელი ბრძანების სახით. 5. გამგებელი ბრძანებას დაუყოვნებლივ გადაუგზავნოს იუსტიციის სამინისტროს საჯარო რეესტრის ეროვნულ სააგენტოსა და სახელმწიფო სერვისების განვითარების სააგენტოს ტერიტორიულ ორგანოებს, მონაცემთა ბაზაში ცვლილებების შეტანის მიზნით.