ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესის დამტკიცების შესახებ

ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესის დამტკიცების შესახებ ხობის მუნიციპალიტეტის საკრებულოს დადგენილება №19 2015 წლის 29 მაისი ქ. ხობი ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 პუნქტისა და საქართველოს კანონის „ნორმატიული აქტების შესახებ“ მე-20 მუხლის შესაბამისად, ხობის მუნიციპალიტეტის საკრებულო ადგენს: მუხლი 1🔗 დამტკიცდეს ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესი თანახმად დანართისა. მუხლი 2🔗 დადგენილება ამოქმედდეს გამოქვეყნებისთანავე.ხობის მუნიციპალიტეტის საკრებულოს თავმჯდომარეედიშერ ჯობავა დანართი ხობის მუნიციპალიტეტის საკრებულოში მასმედიის  წარმომადგენელთა აკრედიტაციის წესი მუხლი 1🔗 1. ხობის მუნიციპალიტეტის საკრებულოში (შემდეგში - საკრებულო) მასმედიის  წარმომადგენელთა აკრედიტაციის წესი (შემდეგში - აკრედიტაციის წესი) განსაზღვრავს მასმედიის (პრესის, ტელევიზიისა და რადიომაუწყებლობის) წარმომადგენლების (შემდეგში - ჟურნალისტი) მიერ საკრებულოს სხდომებზე აკრედიტაციის გავლის პროცედურას. 2. ჟურნალისტის აკრედიტაცია შესაძლებელია გრძელვადიან, დროებით და სპეციალურ საფუძველზე. ა) გრძელვადიანი აკრედიტაცია გაიცემა 1 წლის ვადით; ბ) დროებითი აკრედიტაცია გაიცემა 3 თვემდე ვადით; გ) სპეციალური აკრედიტაცია გაიცემა კონკრეტული მოვლენის გასაშუქებლად. 3. აკრედიტაციის მისაღებად კანდიდატმა უნდა წარმოადგინოს შემდეგი დოკუმენტები: ა) მასმედიის წარმომადგენლის ხელმძღვანელობის წერილობითი თხოვნა მისი ჟურნალისტის აკრედიტაციის თაობაზე, სადაც მითითებული იქნება ჟურნალისტის სრული სახელი და გვარი; პირადი ნომერი; ბ) ჟურნალისტის სამსახურებრივი მოწმობის ასლი; გ) ჟურნალისტის პირადობის მოწმობის ასლი. 4. ამ თავის მე-3 პუნქტით განსაზღვრული დოკუმენტაცია წარმოდგენილი უნდა იქნეს ხობის მუნიციპალიტეტის საკრებულოს აპარატში (შემდეგში - საკრებულოს აპარატი). 5. იმ შემთხვევაში, თუ წარმოდგენილი დოკუმენტები არასრულყოფილია, საკრებულოს აპარატი წერილობით აცნობებს მასობრივი ინფორმაციის საშუალების წარმომადგენლობას ამის შესახებ და 3 დღის ვადაში სთავაზობს სრულყოფილი დოკუმენტების წარმოდგენას. 6. საკრებულოს სხდომებზე დასასწრებლად მასმედიის წარმომადგენლებს შეუძლიათ წარმოადგინონ ერთი კორესპოდენტი, ერთი ფოტოკორესპოდენტი ან ერთი ტელეოპერატორი. მუხლი 2🔗 მასმედიის წარმომადგენელს აკრედიტაცია შეიძლება გაუქმდეს: ა) გაზეთის, ჟურნალის, საინფორმაციო სააგენტოს, ტელევიზიისა და რადიოკომპანიის ხელმძღვანელის ან მისი მოვალების შემსრულებლის განცხადების საფუძველზე; ბ) ჟურნალისტის მიერ საკრებულოს სხდომაზე მიღებული გადაწყვეტილებების დამახინჯების ან გაყალბების, თანამშრომელთა შეურაცხმყოფელი ინფორმაციის გავრცელებისათვის; გ) ჟურნალისტის მასობრივი ინფორმაციის ერთი საშუალებიდან მეორეში გადასვლის შემთხვევაში; დ) მასობრივი ინფორმაციის საშუალების საქმიანობის შეჩერების ან გაუქმების შემთხვევაში; ე) სასამართლოს გადაწყვეტილების საფუძველზე. მუხლი 3🔗 ამ წესის პირველი მუხლის მე-2 პუნქტით განსაზღვრული აკრედიტაციის არმქონე მასმედიის წარმომადგენლები საკრებულოს სხდომაზე არ დაიშვებიან.