თბილისის საქალაქო სასამართლოს განჩინება N2/13628-13 (ს.ს. "გუდვილის" კრედიტორთა კრების მოწვევის თაობაზე

საქმე №2/13628-13

 

 

განჩინება

საქართველოს სახელით

კრედიტორთა კრების მოწვევის შესახებ

 

2015 წლის 16 ივნისი

ქ. თბილისი

 

 

თბილისის საქალაქო სასამართლოს სამოქალაქო საქმეთა კოლეგია

მოსამართლე თამარ ჭუნიაშვილი

 

განმცხადებლები - 1.  სს ”გუდვილის” რეაბილიტაციის მმართველი გიორგი ჩუმაშვილი

 

 2. სს ”გუდვილის” კრედიტორები - შპს ,,გაგრა პლუსი’’, შპს ,,შარმ ტრეიდინგი’’, შპს ,,გდ ალკო’’, შპს ,,ჯეოსტარი’’, შპს ,,მზიური’’, შპს ,,ქართული სადისტრიბუციო მარკეტინგული კომპანია’’, შპს ,,ალიანს-საქართველო’’

 

მოთხოვნა - სს ,,გუდვილის’’ კრედიტორთა კრების მოწვევის შესახებ

 

სასამართლომ ზეპირი მოსმენის გარეშე განიხილა კრედიტორთა კრების მოწვევის საკითხი და

 

გამოარკვია:

 

თბილისის საქალაქო სასამართლოს სამოქალაქო საქმეთა კოლეგიის განხილვაშია სს ,,გუდვილის’’ გადახდისუუნარობის საქმე.

 

თბილისის საქალაქო სასამართლოს სამოქალაქო საქმეთა კოლეგიას კრედიტორთა კრების მოწვევის თაობაზე განცხადებით მომართეს სს ”გუდვილის” რეაბილიტაციის მმართველმა გიორგი ჩუმაშვილმა და სს ”გუდვილის” კრედიტორებმა.

 

თბილისის საქალაქო სასამართლოს სამოქალაქო საქმეთა კოლეგიის 2015 წლის 28 მაისის განჩინებით კრედიტორთა კრება დაინიშნა 2015 წლის 5 ივნისს შემდეგი დღის წესრიგით: 1.1) სს ”გუდვილის” რეაბილიტაციის მმართველის გიორგი ჩუმაშვილის განცხადება უფლებამოსილების შეწყვეტის შესახებ; 1.2) სს ,,გუდვილის’’ რეაბილიტაციის მმართველის დანიშვნა; 1.3) სხვა კომპეტენციას მიკუთვნებული საკითხების განხილვა. 2015 წლის 5 ივნისის კრება შეწყდა და გაგრძელდა 16 ივნისს, კრედიტორთა კრებაზე, რომელიც გაგრძელდა 16 ივნისს, სასამართლომ მიიჩნია, რომ კრედიტორთა კრება უნდა შეწყდეს და გაგრძელდეს იგივე დღის წესრიგით. ,,გადახდისუუნარობის საქმის წარმოების შესახებ’’ საქართველოს კანონის 27-ე მუხლის პირველი და მეორე ნაწილების თანახმად, კრედიტორთა კრება იმართება გადახდისუუნარობის საქმის განმხილველ სასამართლოში. კრედიტორთა კრებას ამზადებს და ორგანიზაციულად უზრუნველყოფს მეურვე თავისი უფლებამოსილების ვადის განმავლობაში, ხოლო გაკოტრების ან რეაბილიტაციის პერიოდში – გაკოტრების/რეაბილიტაციის მმართველი. კრედიტორთა კრებას უძღვება მოსამართლე. კრედიტორთა კრების მოწვევისა და მასზე გადაწყვეტილების მიღების წესი განისაზღვრება ამ კანონით. ამავე მუხლის მე-13 ნაწილით კრედიტორთა კრების ხანგრძლივობაა არა უმეტეს 3 სამუშაო დღისა, გარდა ამ მუხლის 22-ე პუნქტით გათვალისწინებული შემთხვევისა.

 

 

სასამართლომ იხელმძღვანელა ,,გადახდისუუნარობის საქმის წარმოების შესახებ” საქართველოს კანონის მე-5, მე-7, მე-8, მე-9, 25-ე, 27 -ე მუხლებით, საქართველოს სამოქალაქო საპროცესო კოდექსის 284-285-ე მუხლებით.

 

d a a d g i n a :

 

1. კრედიტორთა კრება შეწყდეს და გაგრძელდეს იგივე დღის წესრიგით 2015 წლის 19 ივნისს 17:00 საათზე თბილისის საქალაქო სასამართლოში (მდებარე ქ. თბილისში დ. აღმაშენებლის ხეივანი მე-12 კმ. №6) სხდომის დარბაზი №1.

 

2. განჩინება გამოქვეყნდეს ,,საკანონმდებლო მაცნეში’’ და სასამართლოს ვებგვერდზე www.tcc.gov.ge.

 

3. განჩინება შეიძლება გასაჩივრდეს გამოცემიდან 5 დღის ვადაში კერძო საჩივრით თბილისის საქალაქო სასამართლოს სამოქალაქო საქმეთა კოლეგიაში.

 

მოსამართლე                                              თამარ ჭუნიაშვილი