„ქალაქ გორის მუნიციპალიტეტის ტერიტორიაზე სახელმწიფო ან ადგილობრივი თვითმმართველი ერთეულის საკუთრებაში არსებულ მიწის ნაკვეთზე ან სხვა ქონებაზე გარე რეკლამის განთავსების ნებართვის შემოღებისა და გარე რეკლამის განთავსების ნებართვის მიღების წესის დამტკიცების შესახებ” ქალაქ გორის მუნიციპალიტეტის საკრებულოს 2015 წლის 06 მარტის №21 დადგენილებაში ცვლილებების შეტანის თაობაზე

ა)  მე-5 მუხლის მე-4 პუნქტში შეტანილ იქნას ცვლილება და  ჩამოყალიბდეს შემდეგი რედაქციით:

„4. გარე რეკლამის განთავსების ნებართვის აუქციონზე გაცემის საწყისი ფასი 1კვ.მ-ზე განისაზღვრება:

ა) ქალაქ გორის მუნიციპალიტეტის ტერიტორიაზე არსებული შიდასახელმწიფოებრივი მნიშვნელობის საავტომობილო გზის 50 მეტრის არეალში (გზის მარჯვენა და მარცხენა მხარეს) -80(ოთხმოცი) ლარი;

ბ) ქალაქ გორის მუნიციპალიტეტის ტერიტორიის ცენტრალური ზონისთვის -70(სამოცდაათი) ლარი;

გ) ქალაქ გორის მუნიციპალიტეტის ტერიტორიის  შუალედური და პერიფერიული ზონებისთვის- 50(ორმოცდაათი) ლარი;“

ბ)  მე-5 მუხლს დაემატოს შემდეგი შინაარსის მე-6 პუნქტი:

„6. ამ მუხლით განსაზღვრული ზონებისათვის გამოიყენება ,,ქალაქ გორის მუნიციპალიტეტში სახელმწიფო და მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის განსაზღვრის შესახებ“ ქალაქ გორის მუნიციპალიტეტის საკრებულოს 2015 წლის 27 თებერვლის №19 დადგენილება.“

გ) მე-6, მე-7  და მე-9  მუხლები ამოღებულ იქნეს;

დ) მე-8 მუხლში შეტანილ იქნას ცვლილება და ჩამოყალიბდეს შემდეგი რედაქციით:

„მუხლი 8. აუქციონის ჩატარების წესი

1. აუქციონის წესი, აუქციონში მონაწილეობის პირობები და აუქციონთან დაკავშირებული სხვა საკითხები განისაზღვრება ქალაქ გორის მუნიციპალიტეტის საკუთრებაში არსებული ქონების აუქციონის ფორმით პრივატიზების თაობაზე „ქალაქ გორის მუნიციპალიტეტის ქონების აუქციონის ფორმით პრივატიზების წესის დამტკიცების შესახებ“  საკრებულოს 2015 წლის 6 თებერვლის №16 ნორმატიული აქტით  დადგენილი პროცედურების შესაბამისად.“

ე) მე-10 მუხლის პირველ პუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„1. სანებართვო პირობების  შესრულებაზე კონტროლს ახორციელებს ქალაქ გორის მუნიციპალიტეტის მერიის შესაბამისი სამსახური, რომელიც განისაზღვრება საქართველოს კანონმდებლობის საფუძველზე, ქალაქ გორის მუნიციპალიტეტის საკრებულოსა და აღმასრულებელი ორგანოს გადაწყვეტილების შესაბამისად.“.