ქალაქ ახალციხის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ

ქალაქ ახალციხის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ ქალაქ ახალციხის მუნიციპალიტეტის საკრებულოს დადგენილება №31 2015 წლის 24 ივლისი ქ. ახალციხე ქალაქ ახალციხის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ ,,ადგილობრივი   თვითმმართველობის   კოდექსი“ საქართველოს   ორგანული   კანონის  24-ე  მუხლის   პირველი   პუნქტის  ,,ა.ე“ ქვეპუნქტის, ,,გეოგრაფიული ობიექტების სახელდების შესახებ’’ საქართველოს კანონის მე-10 მუხლის, ,,მუნიციპალიტეტის   ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის  №239 დადგენილებისა  და  „ნორმატიული აქტების შესახებ“ საქართველოს კანონის მე-20 მუხლის მე-2 პუნქტის შესაბამისად, ქალაქ ახალციხის მუნიციპალიტეტის საკრებულო ადგენს: მუხლი 1🔗 დამტკიცდეს   ,,ქალაქ   ახალციხის   მუნიციპალიტეტის ადმინისტრაციულ     საზღვრებში    მდებარე გეოგრაფიული ობიექტების სახელდების წესი“ დანართის შესაბამისად. მუხლი 2🔗 დადგენილება ამოქმედდეს გამოქვეყნებისთანავე. ქალაქ ახალციხის მუნიციპალიტეტის საკრებულოს თავმჯდომარეკახაბერ ბერიძე        ქალაქ  ახალციხის  მუნიციპალიტეტის  ადმინისტრაციულ საზღვრებში მდებარე   გეოგრაფიული ობიექტების სახელდების  წესი მუხლი 1🔗. ზოგადი  დებულებანი 1. ქალაქ ახალციხის  მუნიციპალიტეტის  ადმინისტრაციულ  საზღვრებში  მდებარე გეოგრაფიული  ობიექტების სახელდების  წესი  (შემდგომში  –  წესი)  შემუშავებულია  საქართველოს  ორგანული  კანონის  ,,ადგილობრივი თვითმმართველობის    კოდექსი”,      „მუნიციპალიტეტის ადმინისტრაციულ  საზღვრებში მდებარე  გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის   №239   დადგენილებისა  და   საქართველოს    კანონმდებლობის  შესაბამისად. წესი განსაზღვრავს ქალაქ ახალციხის მუნიციპალიტეტის  ადმინისტრაციულ საზღვრებში  მდებარე  გეოგრაფიული  ობიექტების სახელდების პირობებსა და პროცედურებს. 2. აღნიშნული წესით სამართლებრივად    რეგულირდება    გეოგრაფიული    ობიექტების,   ისტორიულად ჩამოყალიბებული   უბნის,  ამა  თუ  იმ  ზონის,  მიკრორაიონის,  წყაროს, მოედნის,  პროსპექტის  (გამზირის), გზატკეცილის,   ქუჩის,   შესახვევის,   ჩიხის,  გასასვლელის,   სანაპიროს,   ესპლანადის,   ბულვარის,   ხეივნის, სკვერის,  ბაღის, პარკის, ტყე-პარკის,  ადგილობრივი  მნიშვნელობის  ტყის,  სასაფლაოს,  პანთეონის, შენობა-ნაგებობის, სატრანსპორტო სისტემის ობიექტის (შემდგომში – ობიექტის) სახელდების საკითხები. მუხლი 2🔗. გადაწყვეტილების მიზანი 1. ამ წესში გამოყენებულ ტერმინებს აქვთ შემდეგი მნიშვნელობა: ა)  გეოგრაფიული   ობიექტები   –  ქალაქ  ახალციხის   მუნიციპალიტეტის  დადგენილ ადმინისტრაციულ საზღვრებში მდებარე ბუნებრივი თუ ანთროპოგენური  გეოინფორმაციული ერთეული,  ქალაქ  ახალციხის ადმინისტრაციული  ერთეული, ისტორიულად ჩამოყალიბებული უბანი, გეგმარებითი რაიონი, ესა თუ ის ზონა, მიკრორაიონი, სხვა ტერიტორიული ერთეული: მთა, ბორცვი, ხევი, მდინარე, ტბა, წყარო, მოედანი, გამზირი, გზატკეცილი,  ქუჩა,  შესახვევი,  ჩიხი,  გასასვლელი,  სანაპირო,  ესპლანადა,  ბულვარი,  ხეივანი,  სკვერი, ბაღი, პარკი,   ტყე-პარკი,   ტყე,   პანთეონი,   საქალაქო   სასაფლაო,   შენობა-ნაგებობები,   სატრანსპორტო   სისტემის ობიექტები; ბ) სატრანსპორტო სისტემის ობიექტი – საქალაქო სატრანსპორტო სისტემის ხაზოვანი ობიექტი; საქალაქო სატრანსპორტო  სისტემის  ლოკალური  ობიექტი ( პავილიონი და ვესტიბიული, მიწისზედა საზოგადოებრივი ტრანსპორტის გაჩერება, სადგურთშორისი სადგური, სატრანსპორტო კვანძი, ტერმინალი) და გარეტრანსპორტის ლოკალური ობიექტი (ავტოსადგური, რკინიგზის სადგური ან გაჩერება, სადგური, პლატფორმა, აეროპორტი და აეროდრომი); გ)  სახელდება  – ამ  წესის  შესაბამისად,  უსახელო გეოგრაფიული  ობიექტისთვის  სახელის მინიჭება ან უკვე სახელმინიჭებული ძველი სახელწოდების აღდგენა ან შეცვლა (გადარქმევა); დ) სახელმწიფო და საზოგადო მოღვაწე – პირი, რომელსაც განსაკუთრებული დამსახურება აქვს კულტურის, ხელოვნების, ენის, მეცნიერების, ლიტერატურის, სპორტის განვითარების, სამშობლოს დაცვის, ქართული სახელმწიფოს  მშენებლობის  ან  საზოგადოების  კონსოლიდაციის  საქმეში,  მათ  შორის, კაცობრიობის  წინაშე, სამეცნიერო, ან/და საზოგადოებრივი საქმიანობის სფეროში. მუხლი 3🔗. სახელდების პრინციპები 1. ქალაქ ახალციხის მუნიციპალიტეტის  ადმინისტრაციულ  საზღვრებში მდებარე გეოგრაფიული ობიექტების სახელდების ძირითადი პრინციპებია: ა) ერთიანი სახელმწიფო და საქალაქო პოლიტიკის გატარება; ბ) ქვეყნის და ქალაქ ახალციხის მუნიციპალიტეტის განვითარების ძირითადი მიმართულებების ასახვა,  მემკვიდრეობითობა; გ)  ისტორიული  ტოპონიმების  მაქსიმალურად  გამოვლენა,  შენარჩუნება  და აღდგენა, თუ,  ის არ ეწინააღმდეგება ქვეყნის იდეურ-პოლიტიკურ ორიენტაციას, საყოველთაოდ აღიარებულ ფასეულობებსა და საზოგადოებრივ აზრს; დ) კონკრეტული ფიზიკურ-გეოგრაფიული, ისტორიული, კულტურული, ეთნოლოგიური, კონფესიური, ქალაქდაგეგმარებითი, ფუნქციური თუ სხვაგვარი თავისებურებების ხაზგასმა;  ე) მაქსიმალური ინფორმირებულობა და ქალაქში ორიენტირების ხელშეწყობა; ვ) უნიკალურობა, დუბლირების თავიდან აცილება, გეოინფორმაციული სისტემის წარმოების წესების მოთხოვნათა გათვალისწინება, ორგანული ერთობა, ანსამბლურობა; ზ) თანამედროვე ქართული   სალიტერატურო    ენის   სიტყვათწარმოქმნის,    ფონეტიკური,     სტილისტური ნორმების გათვალისწინება, კეთილხმოვანება, სისხარტე, დამახსოვრების სიადვილე; თ) ისეთი სახელდების დაუშვებლობა, რომელიც ეწინააღმდეგება ეროვნულ ღირსებას, რელიგიას და ტრადიციებს,  საყოველთაოდ  აღიარებულ  ზნეობრივ  ნორმებს, ხელს უწყობს  რასობრივ, ეროვნულ, კუთხურ, რელიგიურ ან სოციალურ შუღლს, სახელს გაუთქვამს საოკუპაციო რეჟიმს ან მის მონაწილეებს; ი)  საზოგადოებრივი ინტერესების გათვალისწინება; 2. რელიგიურ დღესასწაულებთან და სასულიერო მოღვაწეებთან დაკავშირებული სახელდება თანხმდება შესაბამის კონფესიებთან. მუხლი 4🔗. გეოგრაფიული ობიექტისათვის სახელის მინიჭება 1. სახელი მიენიჭება: ა) ახლად წარმოქმნილ გეოგრაფიულ ობიექტს; ბ) სახელწოდების არმქონე გეოგრაფიულ ობიექტს; 2. გეოგრაფიული ობიექტის სახელწოდება შეიძლება შედგებოდეს ერთი ან რამდენიმე სიტყვისაგან. 3. გეოგრაფიული ობიექტის სახელდება ხორციელდება საქართველოს სახელმწიფო ენაზე. 4.  გეოგრაფიული ობიექტის სახელდების აღმნიშვნელ ნიშანზე (აბრაზე) სავალდებულოა სახელწოდება მითითებული  იყოს საქართველოს  სახელმწიფო  ენაზე. საჭიროების  შემთხვევაში სახელწოდება დასაშვებია მიეთითოს სხვა ენაზეც. 5. ქალაქ  ახალციხის მუნიციპალიტეტის  საკრებულო  უფლებამოსილია  დაადგინოს  გეოგრაფიული ობიექტების აღმნიშვნელი ნიშნების დიზაინი და ფორმები. მუხლი 5🔗. გეოგრაფიული ობიექტებისთვის სახელის აღდგენა ან შეცვლა (გადარქმევა) 1. გეოგრაფიული ობიექტისთვის სახელწოდების აღდგენა ან შეცვლა ხორციელდება იმ შემთხვევაში, თუ: ა) იცვლება საბჭოთა, ბოლშევიკურ რეჟიმთან დაკავშირებული შემორჩენილი სახელწოდებები; ბ) სახელწოდების აღმნიშვნელი აბრევიატურა ან სიტყვათა წყობა აღარ შეესაბამება რეალობას; გ) ისტორიულ ვითარებათა და სხვა გარემოებათა გამო მოხდა სახელწოდების დამახინჯება; დ) სახელწოდების აღმნიშვნელი აბრევიატურა ან სიტყვათა წყობა აღარ შეესაბამება რეალობას; ე) შესაძლებელია ისტორიული ტოპონიმების აღდგენა, რომლებსაც განსაკუთრებული ისტორიულ- კულტურული მნიშვნელობა გააჩნია; ვ)  არსებობს ერთი და იმავე სახელწოდების რამდენიმე გეოგრაფიული ობიექტი, რაც სხვადასხვა საქმიანობის განხორციელებისას    ქმნის   გარკვეულ    სირთულეებს;  ზ) არსებითად იცვლება გეოგრაფიული ობიექტის ფუნქციური დანიშნულება ან სტატუსი; თ) ტარდება სახელდების ობიექტის და მიმდებარე ტერიტორიის ისეთი ქალაქთმშენებლობითი სახეცვლილება ან რეკონსტრუქცია, რომელიც იწვევს გეოგრაფიული ობიექტის სახელწოდების შეცვლის ან გაუქმების აუცილებლობას; ი) კანონმდებლობით გათვალისწინებულ სხვა შემთხვევებში. 2. დაუშვებელია გეოგრაფიული ობიექტის სახელის გადარქმევისას გეოგრაფიული ობიექტის უსახელოდ დატოვება. მუხლი 6🔗. გეოგრაფიული ობიექტის სახელწოდებები 1.  ობიექტის   სახელწოდება   შეიძლება   აღნიშნავდეს   თვალსაჩინო   სახელმწიფო   თუ  საზოგადო  მოღვაწის ვინაობას,  მნიშვნელოვან  და  გამორჩეულ  თარიღს,  ცალკეულ  ღირებულებებსა  და  ფასეულობებს, მნიშვნელოვან ფაქტს ან/და მოვლენას და სხვა. 2. ობიექტის სახელწოდება უნდა იყოს ენობრივად გამართული, შინაარსობრივად მიზანშეწონილი, გამომდინარეობდეს  ხსოვნის  კულტურისა და ერის სულიერი კულტურის  ფასეულობებიდან.  სახელწოდება არ უნდა ქმნიდეს დისჰარმონიას ქართული სახელმწიფოს ტრადიციებთან და დღევანდელობასთან. 3.    სახელმწიფო     და    საზოგადო     მოღვაწესთან    დაკავშირებული     სახელდება დასაშვებია    ამ    პირის გარდაცვალებიდან  არანაკლებ  20 წლის გასვლის შემდეგ. ამ წესიდან გამონაკლისი დაიშვება საქართველოს პრეზიდენტის,  ან/და საქართველოს მთავრობის,  ან/და   ქალაქ  ახალციხის მუნიციპალიტეტის მერის,  ან/და ქალაქ ახალციხის მუნიციპალიტეტის საკრებულოს თავმჯდომარის, ან/და ქალაქ ახალციხის მუნიციპალიტეტის საკრებულოს წევრთა 1/3-ის ინიციატივის შემთხვევაში. 4.  სახელმწიფო   და   საზოგადო   მოღვაწესთან   დაკავშირებული   სახელდებისას  მათი  გვარ-სახელები   ან ზედწოდებები  უნდა   გადმოიცეს  ტრადიციული,  ისტორიულად ჩამოყალიბებული    ფორმით    (მაგ., სახელდებისას დასაშვებია ისეთი ანთროპონიმი, როგორიცაა: „ილია“, „შოთა“, „ვაჟა“, „გალაკტიონი“). 5. სახელდებისას დაუშვებელია სახელმწიფო და საზოგადო მოღვაწის ინიციალების გამოყენება (მაგ., „შ. რუსთაველი“, „დ. აღმაშენებელი“, „ი. გურჯი“). 6. დასაშვებია   რთული   შემადგენლობის   საკუთარი  სახელის   შემოკლება   მხოლოდ  რიგობრივი   სახელის რომაული ციფრით გადმოცემისას (მაგ., „მეფე სოლომონ I-ის ქუჩა”). 7. თუკი საკუთარ სახელს ახლავს ხელობის, წოდების ან თანამდებობის აღმნიშვნელი სახელი და ზედწოდება, გამოიყენება   შემდეგი   თანმიმდევრობა:   საზოგადო   სახელი,  საკუთარი  სახელი,  ზედწოდება   (მაგ.,  „მეფე დემეტრე თავდადებული”). 8.  დაუშვებელია  ქალაქ  ახალციხის  მუნიციპალიტეტის  ადმინისტრაციულ  საზღვრებში  მდებარე გეოგრაფიული ობიექტის სახელწოდების გამოყენება სხვა, იმავე ტიპოლოგიის გეოგრაფიული ობიექტის სახელდებისას. 9. ერთ ჯგუფურ სახელწოდებაში  მოქცეულ სუბიექტთა  რაოდენობა უნდა აისახოს სიტყვიერად და არა ციფრობრივად (მაგ.: „სამასი არაგველი“, „ცხრა ძმა ხერხეულიძე“),ხოლო ღირსშესანიშნავი კალენდარული თარიღების გამოყენების შემთხვევაში გამოიყენება რიცხვითი მნიშვნელობები (მაგ., „26 მაისის მოედანი“) 10. მიწისზედა საზოგადოებრივი ტრანსპორტის გაჩერებების, კვანძების, გადასაჯდომი სადგურების თუ ტერმინალების დასახელებები მაქსიმალურად უნდა იყოს დაკავშირებული მგზავრთა ვიზუალური ორიენტაციისთვის თვალსაჩინო, ბუნებრივი თუ ანთროპოგენური ობიექტების დასახელებებთან. 11. საქალაქო ტრანსპორტის ერთი და იმავე, თუ სხვადასხვა სახეობის მარშრუტების გადაკვეთაზე არსებულ გაჩერებებს, სატრანსპორტო კვანძებს, სადგურთაშორის სადგურებს თუ ტერმინალებს უნდა ჰქონდეთ იდენტური დასახელება. 12.  დასაშვებია  მოკლე  ჩიხების,  გასასვლელების  თუ  შესახვევების  სახელდება  რომაული  ციფრების  და იმ ქუჩის სახელწოდების  მითითებით, რომელსაც უერთდება ჩიხი,  გასასვლელი თუ შესახვევი (მაგ., დიდგორის ქუჩის II ჩიხი). ქუჩის სახელწოდების შეცვლის შემთხვევაში  სახელი  ეცვლება  ქუჩაზე მიერთებულ  ჩიხსაც, გასასვლელსაც და შესახვევსაც. 13. გეოგრაფიული ობიექტების სახელწოდებათა ლათინურენოვანი ტრანსლიტერაცია  ხდება ,,გეოგრაფიული ობიექტების სახელწოდებათა ლათინურენოვანი ტრანსლიტერაციის  წესის  დამტკიცების  შესახებ“ საქართველოს პრეზიდენტის 2011 წლის 24 თებერვლის №109 ბრძანებულების შესაბამისად. 14.  იმ  მაკროტოპონიმების  უცხოურ  ენაზე  დაწერისას,  რომელთა  უცხოურენოვანი დაწერილობა ტრადიციულად განსხვავდება ქართული ფორმისგან, გამოიყენება არა ტრანსლიტერაციულად, არამედ ტრადიციული (უცხოური) ფორმებით. 15.   ქალაქ ახალციხის მუნიციპალიტეტის ადმინისტრაციულ საზღვრებში განლაგებული გეოგრაფიული ობიექტები, რომელთაც გააჩნიათ რთული ან შედგენილი  სახელწოდება და ქართულ  ენაზე  იწერება  ერთად,  ცალ-ცალკე  ან  დეფისით,  უცხოურენოვანი წარწერის დროს ინარჩუნებენ შესაბამისად, ერთად, ცალ-ცალკე ან დეფისით დაწერის ფორმას. მუხლი 7🔗. გეოგრაფიული ობიექტების სახელწოდების შეზღუდვა 1. დაუშვებელია გეოგრაფიული ობიექტების სახელდებისას ისეთი სახელების გამოყენება, რომლებიც: ა) აღვივებს  შუღლს  რასის,  კანის ფერის,  ენის,  სქესის,  რელიგიის,  პოლიტიკური  და სხვა შეხედულებების, ეროვნული, ეთნიკური კუთვნილების, წარმოშობის მიხედვით; ბ)  ეწინააღმდეგება საჯარო წესრიგს და ზნეობის საყოველთაოდ აღიარებულ ნორმებს. 2. სახელდებისას დაუშვებელია სახელმწიფო და საზოგადო მოღვაწის ინიციალების გამოყენება (მაგ.: „შ. რუსთაველი“, „დ. აღმაშენებელი“). 3. ქალაქ ახალციხის მუნიციპალიტეტის  ადმინისტრაციულ  საზღვრებში, ერთსა და იმავე დასახლებულ  პუნქტში არსებულ  ორ ან რამდენიმე ქუჩას, მოედანს,  პარკს ან სხვა მსგავს ობიექტს არ შეიძლება ჰქონდეს ერთი და იგივე სახელწოდება. 4. დაუშვებელია გეოგრაფიული ობიექტის სახელის გადარქმევისას გეოგრაფიული ობიექტის უსახელოდ დატოვება. 5. გეოგრაფიული ობიექტის, რომლის სახელდებაც განხორციელდა საქართველოს კანონმდებლობით დადგენილი წესით, გაუქმების (აღარ არსებობს გეოგრაფიული ობიექტი) შემთხვევაში, ქალაქ ახალციხის მუნიციპალიტეტის მერია ვალდებულია, აღნიშნული ფაქტის შესახებ წერილობითი სახით აცნობოს საქართველოს იუსტიციის სამინისტროს მმართველობის სფეროში მოქმედ სსიპ – საჯარო რეესტრის ეროვნულ სააგენტოსა  და  სსიპ – სახელმწიფო  სერვისების  განვითარების  სააგენტოს,  აგრეთვე,  საქართველოს  შინაგან საქმეთა სამინისტროსა და საქართველოს ცენტრალურ საარჩევნო კომისიას. მუხლი 8🔗. უფლებამოსილი ორგანო და გადაწყვეტილების მიღების წესი 1. გადაწყვეტილებას,   ქალაქ ახალციხის მუნიციპალიტეტის   ადმინისტრაციულ საზღვრებში არსებული გეოგრაფიული ობიექტების  სახელდების შესახებ, ინდივიდუალურ-სამართლებრივი აქტით – განკარგულებით იღებს ქალაქ ახალციხის მუნიციპალიტეტის საკრებულო. 2. გეოგრაფიული ობიექტების სახელდების თაობაზე ინიციატივის წარდგენაზე უფლებამოსილია: ა) ქალაქ ახალციხის მუნიციპალიტეტის მერი; ბ) ქალაქ ახალციხის  მუნიციპალიტეტის  საკრებულოს წევრი; გ)  საქართველოს პრეზიდენტი; დ)  საქართველოს მთავრობა; ე)  საქართველოს  იუსტიციის  სამინისტროს  მმართველობის  სფეროში  მოქმედი  საჯარო  სამართლის იურიდიული პირი – საჯარო რეესტრის ეროვნული სააგენტო; ვ) ქალაქ ახალციხის მუნიციპალიტეტის საკრებულოს მიერ განსაზღვრული სხვა სუბიექტი. 3. ინიციატივა  გეოგრაფიული  ობიექტის  სახელდების  შესახებ  წარედგინება  ქალაქ ახალციხის მუნიციპალიტეტის საკრებულოს ურბანული დაგეგმარებისა და საქალაქო მეურნეობის საკითხთა კომისიას (შემდგომში – კომისია) სამართლებრივი აქტის განხილვისთვის  ,,ქალაქ ახალციხის მუნიციპალიტეტის საკრებულოს რეგლამენტის დამტკიცების შესახებ“ ქალაქ  ახალციხის მუნიციპალიტეტის საკრებულოს 2014 წლის 14 ივლისის  №1 დადგენილებით დადგენილი წესით. 4. გეოგრაფიული ობიექტის სახელდების შესახებ საკრებულოში წარდგენილ ინიციატივას უნდა ერთოდეს: ა)   ქალაქ ახალციხის მუნიციპალიტეტის საკრებულოს შესაბამისი სამართლებრივი აქტის პროექტი; ბ) სახელდების  ინიციატივის  მოტივაცია  და დასაბუთება  (არა მარტო სახელწოდების,  არამედ მისი კავშირი კონკრეტულ ადგილთან); გ) გეოგრაფიული ობიექტის აღწერა (გეოგრაფიული ობიექტის მდებარეობა, მისი მოსაზღვრე გეოგრაფიული ობიექტების სახელწოდებები და სხვა); დ) ინფორმაცია ობიექტთან დაკავშირებული ღირსშესანიშნავი მოვლენის თუ  გამოჩენილი   პიროვნების შესახებ; ე) „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის   №239  დადგენილებით დამტკიცებული დანართის მე-7 მუხლის მე-10 პუნქტით განსაზღვრული დოკუმენტაცია (სიტუაციური რუკის ქაღალდის ვერსია); ვ) კომისია უფლებამოსილია კონკრეტული ინიციატივის შემთხვევაში მოითხოვოს დამატებითი დოკუმენტაციის  წარმოდგენა (საკადასტრო  მონაცემები;  ორთოფოტო,  იმ პირთა ხელმოწერები,  ვისაც შესაძლოა შეეხოს საკრებულოს გადაწყვეტილება). 5.  განხილვისას აღნიშნულმა კომისიამ უნდა გამოიყენოს ოფიციალური კარტოგრაფიული და საცნობარო გამოცემები, გეოგრაფიული ობიექტების სახელწოდებათა ლექსიკონები, ენციკლოპედიური ლიტერატურა, წერილობითი ისტორიული და სხვა წყაროები. 6. ინიციატივის წინამდებარე წესის მოთხოვნებთან  შესაბამისობის შემთხვევაში   კომისია დასკვნას   და  განკარგულების   პროექტს (თანდართული დოკუმენტაციით)   წარუდგენს   საკრებულოს   თავმჯდომარეს. კომისიამ განკარგულების პროექტს უნდა დაურთოს ქალაქ ახალციხის მუნიციპალიტეტის მერიის შესაბამისი სამსახურიდან მოპოვებული გეოგრაფიული  ობიექტის  აღმნიშვნელი  კარტოგრაფიული  მასალა XY კოორდინატების მითითებით WGS-84 კოორდინატთა სისტემაში. 7. ქალაქ ახალციხის მუნიციპალიტეტის საკრებულოს   თავმჯდომარე   განკარგულების  პროექტს   და   თანდართულ   მასალებს შესათანხმებლად უგზავნისб გეოგრაფიული ობიექტების სახელწოდებათა დადგენის, ნორმალიზების, გამოყენების, რეგისტრაციის, აღრიცხვისა და დაცვის მიზნით, გეოგრაფიული ობიექტების სახელწოდებათა სფეროში მოქმედ სამთავრობო კომისიას (შემდგომში – სამთავრობო კომისია). 8. სამთავრობო კომისიიდან თანხმობის მიღების შემთხვევაში, ქალაქ  ახალციხის  მუნიციპალიტეტის  საკრებულო, განკარგულების სახით, იღებს გადაწყვეტილებას გეოგრაფიული ობიექტის სახელდების შესახებ. 9.  ქალაქ ახალციხის მუნიციპალიტეტის საკრებულოს მიერ გეოგრაფიული ობიექტის სახელდების თაობაზე, განკარგულების მიღების შემთხვევაში, განკარგულება,  შესაბამისი რეაგირებისთვის  ეგზავნება ქალაქ ახალციხის მუნიციპალიტეტის მერიას,  რომელმაც   ოთხი  თვის   ვადაში   უნდა   უზრუნველყოს   კონკრეტული   ღონისძიებების  გატარება (აბრების, ფირნიშების, რუკების, ცნობარების და ა.შ. დამზადება, კორექტირება, გავრცელება და სხვ.). 10. ქალაქ ახალციხის მუნიციპალიტეტის   საკრებულოს  მიერ მიღებული განკარგულება (ამ მუხლის მე-4 პუნქტით განსაზღვრულ დოკუმენტებთან ერთად),  მიღებიდან 10  დღის ვადაში ეგზავნება საქართველოს  იუსტიციის სამინისტროს  მმართველობის  სფეროში  მოქმედ სსიპ – საჯარო რეესტრის  ეროვნულ  სააგენტოსა  და სსიპ – სახელმწიფო სერვისების განვითარების  სააგენტოს, მონაცემთა ბაზაში ცვლილებების შეტანის მიზნით, აგრეთვე, საქართველოს შინაგან საქმეთა სამინისტროსა და საქართველოს ცენტრალურ საარჩევნო კომისიას. 11.  ქალაქ ახალციხის მუნიციპალიტეტის  საკრებულოს  განკარგულება  გეოგრაფიული  ობიექტების სახელდების  შესახებ  ქვეყნდება  „საქართველოს  საკანონმდებლო  მაცნეს“  ვებგვერდზე  მისი  მიღებიდან  10 დღის ვადაში. 12.   ქალაქ ახალციხის მუნიციპალიტეტის საკრებულოს ურბანული დაგეგმარებისა და საქალაქო მეურნეობის საკითხთა  საკითხთა კომისიის მიერ უარყოფითი დასკვნის მიღების, ასევე  სამთავრობო   კომისიის   მიერ  საკრებულოსათვის   თანხმობის   მიცემაზე  უარის  თქმის  (უარყოფითი დასკვნის შედგენის) შემთხვევაში ან იმ შემთხვევაში, თუ საკრებულოს სხდომაზე საკითხის კენჭისყრის დროს იგი უარყოფითად იქნა გადაწყვეტილი, მიმართვის ავტორს ეცნობება საკრებულოს თავმჯდომარის წერილით, კანონმდებლობით დადგენილ ვადაში. მუხლი 9🔗. დასკვნითი და გარდამავალი დებულებანი 1. ამ წესის დარღვევისათვის პასუხისმგებლობა განისაზღვრება საქართველოს კანონმდებლობის შესაბამისად. გეოგრაფიული ობიექტების   სახელდებას,   მათ   სახელწოდებათა   დაცვასა   და   მართებულად   გამოყენებას „გეოგრაფიული   ობიექტების   სახელდების   შესახებ”   საქართველოს   კანონის   შესაბამისად   აკონტროლებს სამთავრობო კომისია. 2.   ამ  წესში  ცვლილებებისა    და   დამატებების   შეტანა   ხორციელდება   ქალაქ  ახალციხის მუნიციპალიტეტის  საკრებულოს მიერ, კანონმდებლობით დადგენილი წესის შესაბამისად.