სახელმწიფო უსაფრთხოების სამსახურის მოსამსახურის ფიცის დამტკიცების თაობაზე

სახელმწიფო უსაფრთხოების სამსახურის მოსამსახურის ფიცის დამტკიცების თაობაზე საქართველოს სახელმწიფო უსაფრთხოების სამსახურის უფროსის ბრძანება №12 2015 წლის 1 აგვისტო ქ.თბილისი სახელმწიფო უსაფრთხოების სამსახურის მოსამსახურის ფიცის დამტკიცების თაობაზე „საქართველოს სახელმწიფო უსაფრთხოების სამსახურის შესახებ“ საქართველოს კანონის მე-6 მუხლის მე-2 პუნქტის „კ“ ქვეპუნქტის, 51-ე მუხლის მე-5 პუნქტის „ა.ბ“ ქვეპუნქტის, „ნორმატიული აქტების შესახებ“ საქართველოს კანონის 24-ე მუხლისა და „საქართველოს სახელმწიფო უსაფრთხოების სამსახურის დებულების დამტკიცების შესახებ“ საქართველოს მთავრობის 2015 წლის 30 ივლისის №385 დადგენილებით დამტკიცებული დებულების მე-4 მუხლის მე-2 პუნქტის „ა“, „ბ“ „რ.ა“ ქვეპუნქტების საფუძველზე,  ვბრძანებ: მუხლი 1🔗 1. დამტკიცდეს საქართველოს სახელმწიფო უსაფრთხოების სამსახურის მოსამსახურის ფიცი თანდართული დანართის შესაბამისად. 2. ფიცის დადების ვალდებულება ვრცელდება მხოლოდ საქართველოს სახელმწიფო უსაფრთხოების სამსახურის სპეციალური  წოდების მქონე პირებზე. მუხლი 2🔗 ბრძანება ამოქმედდეს 2015 წლის 1 აგვისტოდან. საქართველოს სახელმწიფო უსაფრთხოების სამსახურის უფროსივახტანგ გომელაური დანართი სახელმწიფო უსაფრთხოების სამსახურის მოსამსახურის ფიცი მე, საქართველოს მოქალაქე, შევდივარ რა საქართველოს  სახელმწიფო უსაფრთხოების სამსახურში, ვფიცავ: -     ვიყო ერთგული და ღირსეული,  დავიცვა ჩემი სამშობლო საქართველო და ვემსახურო საზოგადოებას; -    დავიცვა საქართველოს კონსტიტუცია და კანონები; -    ვიდგე საქართველოს სახელმწიფო უსაფრთხოების სადარაჯოზე; -     მტკიცედ დავიცვა სახელმწიფო და სამსახურებრივი საიდუმლოება; - დავიცვა ადამიანის უფლებები და თავისუფლებები, პოლიტიკური ნეიტრალიტეტი, კანონიერების პრინციპები და თანაზომიერება, არ დავუშვა ნებისმიერი სახის დისკრიმინაცია; - ვიყო გამბედავი, დამნაშავეობასთან შეურიგებელი და დისციპლინებული თანამშრომელი; - კეთილსინდისიერად შევასრულო ჩემზე დაკისრებული მოვალეობანი; - არ დავიშურო ძალა, საჭიროების შემთხვევაში საკუთარი სიცოცხლეც კი, საქართველოს კონსტიტუციური წყობილების, საკუთრებისა და მართლწესრიგის დაცვისათვის. ხელმოწერა___________________             ___________________