„თანამდებობის პირის ქონებრივი მდგომარეობის დეკლარაციის წარდგენის წესისა და იმ თანამდებობის პირთა თანამდებობრივი რეესტრის დამტკიცების შესახებ, რომელთათვისაც სავალდებულოა ქონებრივი მდგომარეობის დეკლარაციის შევსება“ საქართველოს მთავრობის 2014 წლის 12 თებერვლის №139 დადგენილებაში ცვლილების შეტანის თაობაზე

1.  მე-15 მუხლიდან ამოღებულ იქნეს „თ“, „ი“, „პ“, „ჟ“ და „რ“ ქვეპუნქტები.

2. მე-15 მუხლის შემდეგ დაემატოს შემდეგი შინაარსის 15¹ მუხლი:

„მუხლი 15¹. საქართველოს სახელმწიფო უსაფრთხოების სამსახურის სისტემაში:  

ა) სამსახურის უფროსი, სამსახურის უფროსის პირველი მოადგილე, სამსახურის უფროსის მოადგილე;

ბ)  გენერალური ინსპექციის (დეპარტამენტის)  ხელმძღვანელი, მისი მოადგილე;

გ) ადმინისტრაციის (დეპარტამენტის) ხელმძღვანელი, მისი მოადგილე;

დ) სახელმწიფო უსაფრთხოების დეპარტამენტის ხელმძღვანელი, მისი მოადგილე;

ე)  ანტიკორუფციული სააგენტოს (დეპარტამენტის) ხელმძღვანელი, მისი მოადგილე;

ვ) კონტრდაზვერვის დეპარტამენტის  ხელმძღვანელი, მისი მოადგილე;

ზ) კონტრტერორისტული ცენტრის (დეპარტამეტის) ხელმძღვანელი, მისი მოადგილე;

თ) ოპერატიული ღონისძიებების დეპარტამენტის ხელმძღვანელი, მისი მოადგილე;

ი) საინფორმაციო-ანალიტიკური დეპარტამენტის ხელმძღვანელი, მისი მოადგილე;

კ) სპეციალური ოპერაციების დეპარტამენტის ხელმძღვანელი, მისი მოადგილე;

ლ) ოპერატიულ-ტექნიკური დეპარტამენტის ხელმძღვანელი, მისი მოადგილე;

მ) ობიექტების დაცვის მთავარი სამმართველოს ხელმძღვანელი, მისი მოადგილე;

ნ)  კადრების მთავარი სამმართველოს ხელმძღვანელი, მისი მოადგილე;

ო) ეკონომიკური დეპარტამენტის  ხელმძღვანელი, მისი მოადგილე;

პ) სამსახურის სტრუქტურულ ქვედანაყოფებში შემავალი მთავარი სამმართველოებისა და სამმართველოების უფროსები და მათი მოადგილეები, აგრეთვე მათთან გათანაბრებული პირები.“.