საქართველოს საგარეო საქმეთა სამინისტროს საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების უსაფრთხოების უზრუნველყოფის დეპარტამენტის დებულების დამტკიცების შესახებ

საქართველოს საგარეო საქმეთა სამინისტროს საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების უსაფრთხოების უზრუნველყოფის დეპარტამენტის დებულების დამტკიცების შესახებ საქართველოს საგარეო საქმეთა მინისტრის ბრძანება №01-237 2015 წლის 17 აგვისტო ქ. თბილისი საქართველოს საგარეო საქმეთა სამინისტროს საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების უსაფრთხოების უზრუნველყოფის დეპარტამენტის დებულების დამტკიცების შესახებ  „საქართველოს საგარეო საქმეთა სამინისტროს დებულების დამტკიცების შესახებ“ საქართველოს მთავრობის 2005 წლის 16 ნოემბრის №206 დადგენილებით დამტკიცებული დებულების მე-5 მუხლის პირველი პუნქტის „დ“ ქვეპუნქტის საფუძველზე, ვბრძანებ: 1. დამტკიცდეს საქართველოს საგარეო საქმეთა სამინისტროს საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების უსაფრთხოების უზრუნველყოფის დეპარტამენტის თანდართული დებულება. 2. ეს ბრძანება ამოქმედდეს გამოქვეყნებისთანავე. საგარეო საქმეთა მინისტრის მოვალეობის შემსრულებელიდავით დონდუა საქართველოს საგარეო საქმეთა სამინისტროს საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების უსაფრთხოების უზრუნველყოფის დეპარტამენტის დებულება მუხლი 1🔗. ზოგადი დებულებანი 1. საქართველოს საგარეო საქმეთა სამინისტროს (შემდგომში – სამინისტრო) საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების   უსაფრთხოების   უზრუნველყოფის       დეპარტამენტი   (შემდგომში – დეპარტამენტი) – არის სამინისტროს სტრუქტურული ქვედანაყოფი, რომლის ძირითადი ამოცანაა არსებული მუდმივი საფრთხეებისა და გამოწვევების ანალიზის შედეგად, საქართველოს დიპლომატიური წარმომადგენლობების უსაფრთხოების პოლიტიკის სტრატეგიული დაგეგმვის და შესაბამისი ტაქტიკური ღონისძიებების განხორციელების კოორდინაცია და მართვა. 2. დეპარტამენტი        თავის        საქმიანობაში        ხელმძღვანელობს        საქართველოს კონსტიტუციით, საქართველოს საერთაშორისო ხელშეკრულებებით, საქართველოს საკანონმდებლო და კანონქვემდებარე ნორმატიული აქტებით და საქართველოს საგარეო საქმეთა მინისტრის (შემდგომში – მინისტრი) სამართლებრივი აქტებით. მუხლი 2🔗. დეპარტამენტის ძირითადი ამოცანები და ფუნქციები 1. დეპარტამენტის ძირითადი ამოცანები და ფუნქციებია: ა) არსებული    მუდმივი    საფრთხეებისა    და    გამოწვევების    ანალიზის    შედეგად, საქართველოს დიპლომატიური წარმომადგენლობების უსაფრთხოების პოლიტიკის სტრატეგიული დაგეგმვის და შესაბამისი ტაქტიკური ღონისძიებების განხორციელების კოორდინაცია და მართვა; ბ) სამინისტროსა  და  სხვა  სახელმწიფო  უწყებებთან  კოორდინირებული  მუშაობის უზრუნველყოფა დიპლომატიური წარმომადგენლობების უსაფრთხოების დაცვის საკითხებში; გ) დიპლომატიური წარმომადგენლობების უსაფრთხოების კომპლექსურ ღონისძიებათა ციკლის მიმდინარეობის უწყვეტობის უზრუნველყოფა; დ) დიპლომატიური      წარმომადგენლობების      რეგიონალური      და      ლოკალური საფრთხეების მუდმივი მონიტორინგი და ანალიზი, აქტუალური მოვლენების გამოკვეთა და შესწავლა, საჭირო ღონისძიებების დაგეგმვა და განხორციელება დიპლომატიურ წარმომადგენლობებზე მოსალოდნელი საფრთხეების პრევენციის მიზნით; ე) დიპლომატიური წარმომადგენლობების უსაფრთხოების ცალკეული ღონისძიებების განსახორციელებლად კონკრეტული სამოქმედო გეგმების, რეკომენდაციებისა და ინსტრუქციების შემუშავება; ვ) დიპლომატიური       წარმომადგენლობების       უსაფრთხოებაზე       პასუხიმგებელი ადგილსამყოფელი ქვეყნის შესაბამის უწყებებთან უფლებამოსილი პირის მიერ ჩატარებული კონსულტაციების შედეგების ანალიზი, რეალიზაცია და მონიტორინგი; ზ) დიპლომატიური     წარმომადგენლობებისა     და     საკონსულო     დაწესებულებების უსაფრთხო კომუნიკაციის, ვიდეოკონტროლის, დაშვების კონტროლის, დაცვის, სახანძრო დაცვის, ავტოსიგნალიზაციის, საგანგაშო, მოძრაობის კონტროლის საშუალებებით დაცვის განხორციელება; თ) დიპლომატიური     წარმომადგენლობების     და     საკონსულო     დაწესებულებების ხელმძღვანელის ფიზიკური უსაფრთხოების უზრუნველყოფა; ი) კომპლექსური უსაფრთხოების სისტემის ექსპლოატაცია და უწყვეტი მონიტორინგი; კ)  დიპლომატიურ წარმომადგენლობებში და საკონსულო დაწესებულებებში გატარება- დაშვების რეჟიმისა და ვიზიტორთა აღრიცხვის ორგანიზება; ლ) ექსტრემალური  (კრიზისული)  ვითარების  შექმნის  შემთხვევაში  სამობილიზაციო ღონისძიებიბების განხორციელება; მ) დიპლომატიურ    წარმომადგენლობებში    საფრთხეების    არსებობის    შემთხვევაში სახელმწიფო უსაფრთხოებისა და კრიზისების მართვის საბჭოსთან ინტენსიური კომუნიკაცია. 2. დაკისრებული    ფუნქციებისა    და    ამოცანების    შესრულებისას    დეპარტამენტი უფლებამოსილია: ა) სამინისტროს       სტრუქტურული       ქვედანაყოფებისაგან       დროულად       მიიღოს დეპარტამენტის საქმიანობის სფეროს მიკუთვნებული ნებისმიერი სახის ინფორმაცია; ბ) შესაბამისი უწყებიდან გამოითხოვოს საჭირო სახის ინფორმაცია, რომელიც ესაჭიროება კანონმდებლობით მისთვის მინიჭებული ფუნქციების განსახორციელებლად; გ) მოამზადოს ანგარიში დეპარტამენტის საქმიანობასთან დაკავშირებულ საკითხებზე. მუხლი 3🔗. დეპარტამენტის ხელმძღვანელობა 1. დეპარტამენტს ხელმძღვანელობს დეპარტამენტის დირექტორი, რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი. 2. დეპარტამენტის დირექტორი ანგარიშვალდებულია მინისტრის წინაშე. 3. დეპარტამენტის დირექტორი: ა) ხელმძღვანელობს და წარმართავს დეპარტამენტის საქმიანობას; ბ) წარმოადგენს დეპარტამენტს დაკისრებული უფლება-მოვალეობების განხორციელებისას  და  პასუხისმგებელია  დეპარტამენტზე  დაკისრებული  ფუნქციებისა და ამოცანების შესრულებაზე; გ)  ანაწილებს  მოვალეობებს  მოადგილესა და  დეპარტამენტის  სხვა  თანამშრომლებს შორის, აძლევს მათ მითითებებსა და განკარგულებებს; დ) თვალყურს ადევნებს და ზედამხედველობს დეპარტამენტის თანამშრომლების მიერ თავიანთი სამსახურებრივი მოვალეობების ჯეროვან შესრულებას, ახორციელებს მათ მიერ სამინისტროს შინაგანაწესის შესრულების კონტროლს; ე) ხელს აწერს დეპარტამენტში მომზადებულ დოკუმენტებს და ვიზას ადებს მის კომპეტენციას  მიკუთვნებულ  საკითხებზე  სამინისტროს  სისტემაში  შემავალი ერთეულების მიერ შემუშავებულ სამართლებრივი აქტების პროექტებს; ვ) მინისტრის წინაშე წარადგენს ანგარიშს დეპარტამენტის მიერ გაწეული საქმიანობის შესახებ; ზ) ორგანიზებას უკეთებს ამ დებულებით დეპარტამენტისათვის დაკისრებული ფუნქციების შესრულებას, რისთვისაც წარუდგენს მინისტრს წინადადებებს ცალკეული საკითხების მოწესრიგებისა და გადაწყვეტის თვალსაზრისით; თ) წარუდგენს სამინისტროს ხელმძღვანელობას წინადადებებს დეპარტამენტის შიდა სტრუქტურის, საშტატო ნუსხის, მუშაობის ორგანიზაციის, დეპარტამენტის მოსამსახურეების რანგირების, დეპარტამენტის თანამშრომლების დანიშვნა-გათავისუფლების, წახალისების ან მათთვის დისციპლინური პასუხისმგებლობის დაკისრების შესახებ; ი) შუამდგომლობს იმ სახსრების, მოწყობილობებისა და ინვენტარის გამოყოფაზე, რაც აუცილებელია დეპარტამენტის წინაშე მდგარი ფუნქციებისა და ამოცანების შესასრულებლად; კ) დეპარტამენტის სახელით იძლევა დასკვნებს კომპეტენციის ფარგლებში; ლ) პერიოდულად ისმენს დეპარტამენტის თანამშრომლების ანგარიშს მათ მიერ გაწეული მუშაობის შესახებ; მ) შუამდგომლობს დეპარტამენტის მოხელეთა კვალიფიკაციის ამაღლებისა და გადამზადების თაობაზე; ნ) დიპლომატიური   წარმომადგენლობებიდან   და   საკონსულო   დაწესებულებებიდან გამოითხოვოს ნებისმიერი სახის ინფორმაცია, რომელიც განეკუთვნება დეპარტამენტის საქმიანობის სფეროში შემავალ საკითხებს; ო) ახორციელებს ამ დებულებით, მინისტრის სამართლებრივი აქტებითა და სხვა შესაბამისი აქტებით განსაზღვრულ ფუნქციებსა და დავალებებს. 4. დეპარტამენტის დირექტორს ჰყავს მოადგილე (მოადგილეები), რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი. 5. დეპარტამენტის დირექტორის მოადგილე: ა) დეპარტამენტის   დირექტორის   მიერ   განსაზღვრული   უფლებამოსილებებისა   და საქმიანობის სფეროების გათვალისწინებით წარმართავს და ზედამხედველობს დეპარტამენტში შემავალი ცალკეული ქვედანაყოფების საქმიანობას; ბ) კომპეტენციის ფარგლებში მონაწილეობს დეპარტამენტში შემოსული საქმიანი კორესპონდენციის განაწილებაში; გ) ანაწილებს მოვალეობებს დეპარტამენტის სხვა თანამშრომლებს შორის, აძლევს მათ მითითებებსა და განკარგულებებს; დ) მინისტრისა და დეპარტამენტის დირექტორის დავალებების შესაბამისად ახორციელებს სხვა უფლება-მოვალეობებს; ე) დეპარტამენტის დირექტორის არყოფნის შემთხვევაში ასრულებს მის მოვალეობას; ვ) ანგარიშვალდებულია მინისტრისა და დეპარტამენტის დირექტორის წინაშე. 6. დეპარტამენტის დირექტორის არყოფნისას, ორი ან მეტი მოადგილის შემთხვევაში, დეპარტამენტის დირექტორის წარდგინებითა და მინისტრის გადაწყვეტილებით დეპარტამენტის დირექტორის მოვალეობის შესრულება ეკისრება ერთ-ერთ მოადგილეს. 7. დეპარტამენტის  სხვა  თანამშრომელთა  ფუნქციურ  მოვალეობებს  ამტკიცებს მინისტრი. მუხლი 4🔗. დეპარტამენტში შემავალი სტრუქტურული ქვედანაყოფები დეპარტამენტში  სამმართველოს  სახით  შედის  შემდეგი  სტრუქტურული ქვედანაყოფები: ა) ევროპის ქვეყნების სამმართველო; ბ) ამერიკის, აზიის, აფრიკის, ავსტრალიისა და ოკეანეთის ქვეყნების სამმართველო; გ) მეზობელი ქვეყნების სამმართველო. მუხლი    5🔗.    დეპარტამენტში   შემავალი   სტრუქტურული   ქვედანაყოფები,   მათი ძირითადი ამოცანები და ფუნქციები 1. დეპარტამენტში შემავალი სტრუქტურული ქვედანაყოფები, მათ კომპეტენციაში შემავალ რეგიონებში მდებარე დიპლომატიურ წარმომადგენლობებსა და საკონსულო დაწესებულებებთან დაკავშირებით ახორციელებენ შემდეგ ფუნქციებს: ა) საქართველოს დიპლომატიური წარმომადგენლობებისა და საკონსულო დაწესებულებების უსაფრთხოების პოლიტიკის სტრატეგიული დაგეგმვა; ბ) საჭირო   ღონისძიებების   განხორციელება   დიპლომატიურ   წარმომადგენლობებზე მოსალოდნელი საფრთხეების პრევენციის მიზნით; გ) საქართველოს დიპლომატიური წარმომადგენლობებისა და საკონსულო დაწესებულებების უსაფრთხოების ცალკეული ღონისძიებების განსახორციელებლად კონკრეტული სამოქმედო გეგმების, რეკომენდაციებისა და ინსტრუქციების შემუშავება; დ) საქართველოს დიპლომატიურ წარმომადგენლობებისა და საკონსულო დაწესებულებების უსაფრთხო კომუნიკაციის,      ვიდეო კონტროლის, დაშვების კონტროლის, დაცვის, სახანძრო დაცვის, ავტოსიგნალიზაციის, საგანგაშო, მოძრაობის კონტროლის საშუალებებით დაცვის განხორციელება; ე) საქართველოს დიპლომატიური წარმომადგენლობების და საკონსულო დაწესებულებების ხელმძღვანელის ფიზიკური უსაფრთხოების უზრუნველყოფა; ვ)  კომპლექსური უსაფრთხოების სისტემის ექსპლოატაცია და უწყვეტი მონიტორინგი; ზ)  საქართველოს      დიპლომატიურ      წარმომადგენლობებში      და      საკონსულო დაწესებულებებში გატარება-დაშვების რეჟიმისა და ვიზიტორთა აღრიცხვის ორგანიზება; თ) ექსტრემალური (კრიზისული) ვითარების შექმნის შემთხვევაში   სამობილიზაციო ღონისძიებების  განხორციელება. 2. დაკისრებული     ამოცანებისა     და     ფუნქციების     შესრულებისას     სამმართველო უფლებამოსილია: ა) სამინისტროს  სტრუქტურული  ქვედანაყოფებისაგან  მოითხოვოს  ნებისმიერი  სახის ინფორმაცია, რომელიც განეკუთვნება სამმართველოს საქმიანობის სფეროში შემავალ საკითხებს; ბ) დიპლომატიური   წარმომადგენლობებიდან   და   საკონსულო   დაწესებულებებიდან გამოითხოვოს ნებისმიერი სახის ინფორმაცია, რომელიც განეკუთვნება სამმართველოს საქმიანობის სფეროში შემავალ საკითხებს; გ)  მოამზადოს ანგარიში სამმართველოს საქმიანობის სფეროში გაწეული საქმიანობის შესახებ; დ) საჭიროების    შემთხვევაში    საქართველოს   დიპლომატიურ    წარმომადგენლობებს გაუგზავნოს  რეკომენდაციები  იმ  საკითხთა  შესახებ,  რომლებიც  ამ  დებულების შესაბამისად მიეკუთვნება სამმართველოს ფუნქციებსა და ამოცანებს. მუხლი      6🔗.      დეპარტამენტში      შემავალი      სტრუქტურული      ქვედანაყოფების ხელმძღვანელობა 1. დეპარტამენტში   სამმართველოს   სახით   შემავალ   სტრუქტურულ   ქვედანაყოფებს ხელმძღვანელობს სამმართველოს უფროსი, რომელსაც კანონმდებლობით დადგენილი წესით, დეპარტამენტის დირექტორის წარდგინებით თანამდებობაზე ნიშნავს და თანამდებობიდან ათავისუფლებს მინისტრი. 2. სამმართველოს უფროსი: ა) ხელმძღვანელობს და წარმართავს სამმართველოს საქმიანობას; ბ) პასუხისმგებელია დეპარტამენტის დირექტორის და დეპარტამენტის დირექტორის მოადგილის წინაშე სამმართველოზე დაკისრებული ფუნქციებისა და ამოცანების შესრულებაზე; გ) თვალყურს    ადევნებს    და    ზედამხედველობს    სამმართველოს    თანამშრომელთა სამსახურებრივი მოვალეობების ჯეროვან შესრულებას, ახორციელებს მათ მიერ სამინისტროს შინაგანაწესის შესრულების კონტროლს; დ) ორგანიზებას უწევს ამ დებულებით სამმართველოსათვის დაკისრებული ფუნქციების შესრულებას, რისთვისაც დეპარტამენტის დირექტორის მოადგილესთან შეთანხმებით დეპარტამენტის დირექტორს წარუდგენს წინადადებებს ცალკეული საკითხების მოწესრიგებისა და გადაწყვეტის თვალსაზრისით; ე) დეპარტამენტის    დირექტორს    და    დეპარტამენტის    დირექტორის    მოადგილეს წარუდგენს ანგარიშს სამმართველოს მიერ გაწეული საქმიანობის შესახებ; ვ) დეპარტამენტის      დირექტორის      მოადგილესთან      შეთანხმებით      წარუდგენს დეპარტამენტის  დირექტორს  წინადადებებს  სამმართველოს  თანამშრომელთა წახალისების ან მათთვის დისციპლინური პასუხისმგებლობის დაკისრების შესახებ; ზ) ასრულებს სამინისტროს ხელმძღვანელობის ცალკეულ დავალებებს. 3. დეპარტამენტის     დანარჩენ     თანამშრომელთა     ფუნქციონალურ     მოვალეობებს ამტკიცებს მინისტრი.