,,პროფესიული ტესტირების ჩატარების დებულების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 27 სექტემბრის №152/ნ ბრძანებაში ცვლილების შეტანის შესახებ
ჰკითხე AI-ს ამ კანონის შესახებ
დოკუმენტის ტექსტი
|
საქართველოს განათლებისა და მეცნიერების მინისტრის ბრძანება №111/ნ |
|
2015 წლის 2 სექტემბერი ქ. თბილისი |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 21-ე მუხლის საფუძველზე, ვ ბ რ ძ ა ნ ე ბ:
|
| მუხლი 1 |
„პროფესიული ტესტირების ჩატარების დებულების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 27 სექტემბრის №152/ნ ბრძანებაში (www.matsne.gov.ge, 30/09/2013, სარეგისტრაციო კოდი: 430030000.22.022.016672) შეტანილ იქნეს ცვლილება და ბრძანების პირველი მუხლით დამტკიცებული „პროფესიული ტესტირების ჩატარების დებულების“ 241 მუხლის მე-2 და მე-3 პუნქტები ჩამოყალიბდეს შემდეგი რედაქციით:
„2. ქულის შენახვის მიზნით ცენტრის მიერ ორგანიზებულ ტესტირებაზე აპლიკანტი რეგისტრირდება ამ დებულების მე-14 მუხლით დადგენილი წესით სარეგისტრაციო ცენტრში. 3. აპლიკანტი ქულის შენახვის მიზნით სარეგისტრაციო ცენტრში ამ დებულების მე-14 მუხლით დადგენილი წესით რეგისტრაციასთან ერთად ავსებს განაცხადს, რომელშიც მოცემული უნდა იყოს შემდეგი მონაცემები: ა) აპლიკანტის სახელი; ბ) აპლიკანტის გვარი; გ) აპლიკანტის პირადი ნომერი; დ) აპლიკანტის საკონტაქტო ტელეფონის ნომერი; ე) ცენტრისა და სამინისტროს მიერ მოთხოვნილი სხვა ინფორმაცია.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|