„ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის შემოღებისა და მისი გადახდის ინსტრუქციის დამტკიცების შესახებ“ თვითმმართველი ქალაქის – ბათუმის საკრებულოს 2013 წლის 30 ივლისის №27 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ

მუნიციპალიტეტის საკრებულოს დადგენილება ძალადაკარგული მოსაკრებლები

მიღების თარიღი

01.09.2015

გამომცემი ორგანო

ქალაქ ბათუმის მუნიციპალიტეტი

ნომერი

№21

სარეგისტრაციო კოდი

210020010.35.132.016267

გამოქვეყნების წყარო

matsne.gov.ge , 03/09/2015

📥 მინიშნება 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

მუნიციპალიტეტისა და თვითმმართველი ქალაქის საკრებულოს დადგენილება (1)

ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის შემოღებისა და მისი გადახდის ინსტრუქ 30.07.2013

დოკუმენტის ტექსტი

ქალაქ ბათუმის საკრებულოს

დადგენილება №21

2015 წლის 1 სექტემბერი

ქ. ბათუმი

„ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის შემოღებისა და მისი გადახდის ინსტრუქციის დამტკიცების შესახებ“ თვითმმართველი ქალაქის – ბათუმის საკრებულოს 2013 წლის 30 ივლისის №27 დადგენილებაში ცვლილების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის 1-ლი პუნქტის „დ.ბ“ ქვეპუნქტის, „ადგილობრივი მოსაკრებლების შესახებ“ საქართველოს კანონის მე-3 მუხლის 1-ლი პუნქტის, მე-4 მუხლის მე-2 პუნქტისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ქალაქ ბათუმის მუნიციპალიტეტის საკრებულო ადგენს:

1. „ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის შემოღებისა და მისი გადახდის ინსტრუქციის დამტკიცების შესახებ“ თვითმმართველი ქალაქის - ბათუმის საკრებულოს 2013 წლის 30 ივლისის №27 დადგენილებით დამტკიცებულ „ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის განაკვეთების განსაზღვრისა და მისი გადახდის ინსტრუქციაში“ (შემდგომში - „ინსტრუქცია“) (სსმ, 02.08.2013 წ.) შეტანილ იქნეს შემდეგი ცვლილებები:

ა) მე-5 პუნქტი შეიცვალოს და ჩამოყალიბდეს შემდეგი რედაქციით:

„5. მოსაკრებელი გადაიხდევინება მშენებლობის ნებართვის გაცემისას, მშენებლობის ნებართვის გაცემის III სტადიაზე, გარდა წინამდებარე დადგენილების 5¹ პუნქტით განსაზღვრული შემთხვევებისა. თუკი სპეციალური (ზონალური) შეთანხმება გაცემული იქნა სხვა პირზე და მშენებლობის ნებართვის გაცემის III სტადიაზე მშენებელობის ნებართვის გაცემა ხდება სხვა პირზე მოქმედი კანონმდებლობით დადგენილი წესით, მაშინ მოსაკრებელი უნდა გადაიხადოს მშენებლობის ნებართვის მიმღებმა პირმა.“.

ბ) მე-5 პუნქტის შემდეგ დაემატოს შემდეგი შინაარსის „5¹“ პუნქტი:

„5¹. ქალაქ ბათუმის მუნიციპალიტეტის მერიასთან გაფორმებული ხელშეკრულების საფუძველზე მოსაკრებელი შეიძლება გადახდილ იქნეს ნაწილ-ნაწილ, კერძოდ მოსაკრებლის მთლიანი ოდენობის 40% მშენებლობის ნებართვის გაცემის III სტადიაზე, ხოლო დარჩენილი 60% მშენებლობის ნებართვის მიღებიდან 06 (ექვსი) თვის განმავლობაში თუ: მშენებლობის ნებართვის მიმღები პირი წარმოადგენს დარჩენილი გადასახდელი მოსაკრებლის ოდენობის საბანკო გარანტიას, რომელიც ერთი თვით უნდა აღემატებოდეს დარჩენილი თანხის გადახდის საბოლოო ვადას ან, მშენებლობის ნებართვის მიმღები პირი დარჩენილი გადასახდელი მოსაკრებლის უზრუნველყოფის მიზნით ქალაქ ბათუმის მუნიციპალიტეტის მერიის სასარგებლოდ დატვირთავს უძრავ ქონებას, რომლის ღირებულება საქართველოს მთავრობის სამართლებრივი აქტით განსაზღვრული რომელიმე აუდიტორული კომპანიის აუდიტორული დასკვნის საფუძველზე უნდა აღემატებოდეს გადასახდელი მოსაკრებლის ოდენობას.“.

2. დადგენილება ძალაშია გამოქვეყნებისთანავე.

ქალაქ ბათუმის მუნიციპალიტეტის საკრებულოს თავმჯდომარე		ირაკლი ჭეიშვილი