შეთანხმება საქართველოს მთავრობასა და არგენტინის რესპუბლიკის მთავრობას შორის ორდინალური პასპორტების მფლობელთათვის უვიზო მიმოსვლის შესახებ

თითოეული მხარის მოქალაქეებს, რომლებიც ფლობენ თავიანთი მოქალაქეობის ქვეყნის ორდინალურ პასპორტებს, შეუძლიათ ვიზის გარეშე შევიდნენ, იმყოფებოდნენ და დატოვონ მეორე მხარის ტერიტორია შესვლის თარიღიდან 90 (ოთხმოცდაათ) დღემდე.

წინამდებარე შეთანხმება არ ათავისუფლებს არცერთი მხარის მოქალაქეებს, რომლებიც ფლობენ ორდინალურ პასპორტებს მეორე მხარის ტერიტორიაზე მოქმედი კანონმდებლობის დაცვის ვალდებულებისაგან. ამ მოქალაქეებს არ შეუძლიათ დასაქმება – იქნება ეს ანაზღაურებადი თუ არა, არც პროფესიული ან კომერციული საქმიანობის შესრულება მათი პირადი სარგებლობისთვის, თუ მასპინძელი სახელმწიფოს მთავრობის მიერ არ იქნება გაცემული შესაბამისი ნებართვა.

მხარეებმა დიპლომატიური არხების მეშვეობით, უმოკლეს ვადაში ერთმანეთს უნდა აცნობონ შიდა კანონმდებლობაში ნებისმიერი ცვლილებების შესახებ, რომელიც ეხება უცხოელთა ქვეყანაში შესვლას, გასვლას და ყოფნას.

1. წინამდებარე ხელშეკრულებაში ხსენებული თითოეული მხარის მოქალაქეები შევლენ და დატოვებენ მეორე მხარის ტერიტორიას მხოლოდ კანონიერად დადგენილი და აღიარებული სასაზღვრო გამტარი პუნქტების გავლით.

2. მხარეები ინარჩუნებენ უფლებას, უარი უთხრან მათ ტერიტორიაზე შესვლაზე, აგრეთვე შეუჩერონ ყოფნის ვადა მოქალაქეებს, რომელთაც persona non grata-დ მიიჩნევენ ან მათ, ვინც შესაძლოა საფრთხე შეუქმნან ეროვნულ უსაფრთხოებას და საზოგადოებრივ წესრიგს.

თითოეულ მხარეს შეუძლია დროებით შეაჩეროს წინამდებარე შეთანხმების მოქმედება მთლიანად ან ნაწილობრივ. წინამდებარე შეთანხმების მოქმედების შეჩერების ან ამგვარი შეჩერების გაუქმების შესახებ მეორე მხარეს წინასწარ უნდა ეცნობოს დიპლომატიური არხების საშუალებით. შეჩერება და მისი შემდგომი გაუქმება ძალაში შევა შეტყობინების მიღების დღეს.

მხარეები გაცვლიან შესაბამისი ორდინალური პასპორტების ნიმუშებს, წინამდებარე შეთანხმების ძალაში შესვლისას. იმ შემთხვევაში, თუ რომელიმე მხარე შემოიღებს ახალ ან შეცვლილ შეთანხმებაში აღნიშნულ პასპორტებს, მან უნდა აცნობოს მეორე მხარეს ხსენებული გარემოების შესახებ დიპლომატიური არხების მეშვეობით ცვლილებების ძალაში შესვლამდე 60 (სამოცი) დღით ადრე და მიაწვდის შესაბამის ნიმუშებს.

მხარეთა ურთიერთშეთანხმებით, ამ შეთანხმებაში შესაძლებელია ცვლილებებისა და დამატებების შეტანა, რომელიც ძალაში შევა წინამდებარე შეთანხმების მე - 9 მუხლის შესაბამისად.

წინამდებარე შეთანხმების იმპლემენტაციასთან ან ინტერპრეტაციასთან დაკავშირებით წარმოშობილი ნებისმიერი უთანხმოება გადაწყდება მეგობრულად, დიპლომატიური არხების მეშვეობით, კონსულტაციებისა და მოლაპარაკების გზით.

წინამდებარე შეთანხმება ძალაში შედის შეთანხების ძალაში შესვლისთვის აუცილებელი შიდასახელმწიფოებრივი პროცედურების დასრულების შესახებ, დიპლომატიური არხებით, უკანასკნელი შეტყობინების მიღების თარიღიდან 30 (ოცდაათი) დღის შემდეგ.

წინამდებარე შეთანხმება იდება განუსაზღვრელი ვადით. თითოეულ მხარეს შეუძლია ნებისმიერ დროს მოქმედება შეუწყვიტოს შეთანხმებას დიპლომატიური არხების მეშვეობით მეორე მხარისთვის წერილობითი შეტყობინების გაგზავნის გზით. წინამდებარე შეთანხმება მოქმედებას შეწყვეტს მეორე მხარის მიერ ასეთი შეტყობინების მიღების დღიდან ოთხმოცდაათი (90) დღის შემდეგ.

შესრულებულია 2015 წლის 23 ივნისს ქ. ბუენოს-აირესში ორ დედნად, თითოეული ქართულ, ესპანურ და ინგლისურ ენებზე. ორივე ტექსტი თანაბრად ავთენტიკურია. წინამდებარე შეთანხმების დებულებათა განსხვავებული განმარტების ან აღსრულების შემთხვევაში, უპირატესობა ენიჭება ტექსტს ინგლისურ ენაზე. 

(ხელმოწერილია)                                                                      (ხელმოწერილია)