„ეკოლოგიური ექსპერტიზის ჩატარების წესის დამტკიცების თაობაზე“ საქართველოს გარემოსა და ბუნებრივი რესურსების დაცვის მინისტრის 2013 წლის 14 მაისის №28 ბრძანებაში ცვლილების შეტანის თაობაზე

,,4. ეკოლოგიური ექსპერტიზის შედეგები აისახება კომისიის დასკვნაში, რომელსაც ამზადებს ეკოლოგიური ექსპერტიზის საექსპერტო კომისია და ხელს აწერს კომისიის თავმჯდომარე, მდივანი და კომისიის წევრები.".

,,3) საექსპერტო კომისია  შედგება არანაკლებ 3 დამოუკიდებელი ექსპერტის ან/და ექსპერტისაგან. კომისიის ერთ-ერთ წევრს წარმოადგენს გარემოზე ზემოქმედების ნებართვების დეპარტამენტის თანამშრომელი, რომელიც ამავდროულად ითავსებს კომისიის მდივნის ფუნქციებს.“.

„5) საექსპერტო კომისიის შემადგენლობას (მათ შორის, საექსპერტო კომისიის თავმჯდომარესა და მდივანს) ინდივიდუალური ადმინისტრაციულ-სამართლებრივი აქტით ამტკიცებს საქართველოს გარემოსა და ბუნებრივი რესურსების დაცვის მინისტრი.“.

,,2. საექსპერტო კომისიის მდივანი, გარდა ამ მუხლის პირველი პუნქტით განსაზღვრული უფლებამოსილებისა, ახორციელებს:

ა) საექსპერტო კომისიის საქმიანობის ორგანიზებას;

ბ) საქართველოს კანონმდებლობით დადგენილი წესით ნებართვის/ეკოლოგიური ექსპერტიზის დასკვნის გაცემისათვის აუცილებელი დოკუმენტების მიღებასა და აღრიცხვას;

გ) საქართველოს კანონმდებლობით დადგენილი წესით ნებართვის/ეკოლოგიური ექსპერტიზის დასკვნის გაცემისათვის აუცილებელი დოკუმენტების სამინისტროს სტრუქტურულ ქვედანაყოფებსა ან/და სამინისტროს სისტემაში შემავალ საჯარო სამართლის იურიდიულ პირებში, ასევე დამოუკიდებელ ექსპერტებთან დაგზავნას სათანადო განხილვის, შეთანხმების, დასკვნის მომზადებისა და დეპარტამენტში წარმოდგენისთვის“.