„პერსონალურ მონაცემთა დაცვის ინსპექტორის აპარატის მოხელეთა დამატებითი საკვალიფიკაციო მოთხოვნების დამტკიცების თაობაზე“ პერსონალურ მონაცემთა დაცვის ინსპექტორის 2014 წლის 11 დეკემბრის №2 ბრძანებაში ცვლილების შეტანის თაობაზე

1.მე-15 მუხლის მე-2 პუნქტი ჩამოყალიბდეს შემდეგი რედაქციით:

„2. საკონკურსო თემატიკა:

საქართველოს კონსტიტუცია; საქართველოს კანონი „პერსონალურ მონაცემთა დაცვის შესახებ“; საქართველოს კანონი „ინფორმაციული უსაფრთხოების შესახებ“.“

2.მე-16 მუხლი ჩამოყალიბდეს შემდეგი რედაქციით:

„მუხლი 16. მონაცემთა უსაფრთხოების ანალიტიკოსი

1. მონაცემთა უსაფრთხოების ანალიტიკოსი უნდა აკმაყოფილებდეს შემდეგ საკვალიფიკაციო მოთხოვნებს:

ა) უმაღლესი განათლება იურიდიული, საერთაშორისო სამართლის, საჯარო ან ბიზნესის ადმინისტრირების მიმართულებით;

ბ) სპეციალობით მუშაობის არანაკლებ 2-წლიანი გამოცდილება;

გ) პროფესიული უნარები: გუნდური მუშაობის, სამუშაოს დაგეგმვისა და პროცესის მართვის, შემჭიდროებულ ვადებში მუშაობის, ეფექტური კომუნიკაციის, აკადემიური წერისა და ანალიტიკური აზროვნების უნარები;

დ) საოფისე კომპიუტერული პროგრამების ცოდნა (Microsoft Office Word, Microsoft Office Excel, Microsoft Office PowerPoint, Microsoft Office Outlook);

ე) სასურველია ინგლისური ენის ცოდნა.

2. საკონკურსო თემატიკა:

საქართველოს კონსტიტუცია; საქართველოს კანონი „პერსონალურ მონაცემთა დაცვის შესახებ“; „პერსონალურ მონაცემთა ავტომატური დამუშავებისას ფიზიკური პირების დაცვის შესახებ“ ევროპის საბჭოს 1981 წლის 28 იანვრის №108 კონვენცია და კონვენციის დამატებითი ოქმი; საქართველოს მთავრობის 2013 წლის 19 ივლისის №180 დადგენილება „პერსონალურ მონაცემთა დაცვის ინსპექტორის საქმიანობისა და მის მიერ უფლებამოსილების განხორციელების წესის შესახებ დებულების დამტკიცების თაობაზე“.

3. შეფასების კრიტერიუმები:

ა) განათლება/კვალიფიკაცია;

ბ) სამუშაო გამოცდილება;

გ) პროფესიული უნარები.“

3.მე-17 მუხლი ჩამოყალიბდეს შემდეგი რედაქციით:

„მუხლი 17. უფროსი აუდიტორი

1. უფროსი აუდიტორი უნდა აკმაყოფილებდეს შემდეგ საკვალიფიკაციო მოთხოვნებს:

ა) უმაღლესი განათლება იურიდიული ან საერთაშორისო სამართლის მიმართულებით;

ბ) სპეციალობით მუშაობის არანაკლებ 3-წლიანი გამოცდილება (სასურველია გამოცდილება სისხლის სამართლის პროცესის მიმართულებით);

გ) პროფესიული უნარები: გუნდური მუშაობის, ეფექტური კომუნიკაციის, შემჭიდროებულ ვადებში მუშაობის უნარი და დროის ეფექტური მენეჯმენტი;

დ) საოფისე კომპიუტერული პროგრამების ცოდნა (Microsoft Office Word, Microsoft Office Excel, Microsoft Office PowerPoint, Microsoft Office Outlook, სასურველია აუდიტის სპეციალიზებული საშუალებების გამოყენების ცოდნა);

ე) სასურველია უცხო ენის (ინგლისური, ფრანგული ან გერმანული) ცოდნა.

2. საკონკურსო თემატიკა:

საქართველოს კონსტიტუცია; საქართველოს სისხლის სამართლის საპროცესო კოდექსი; საქართველოს კანონი „პერსონალურ მონაცემთა დაცვის შესახებ“; 2013 წლის 19 ივლისის №180 დადგენილება „პერსონალურ მონაცემთა დაცვის ინსპექტორის საქმიანობისა და მის მიერ უფლებამოსილების განხორციელების წესის შესახებ დებულების დამტკიცების თაობაზე.

3. შეფასების კრიტერიუმები:

ა) განათლება/კვალიფიკაცია;

ბ) სამუშაო გამოცდილება;

გ) სამართლებრივი აქტების ცოდნა;

დ) პროფესიული უნარები.“

4.მე-18 მუხლი ჩამოყალიბდეს შემდეგი რედაქციით:

„მუხლი 18. აუდიტორი

1. აუდიტორი უნდა აკმაყოფილებდეს შემდეგ საკვალიფიკაციო მოთხოვნებს:

ა) უმაღლესი განათლება, ეკონომიკის, ფინანსების, ბიზნესის ადმინისტრირების ან იურიდიული მიმართულებით;

ბ) სპეციალობით მუშაობის არანაკლებ 2-წლიანი გამოცდილება (სასურველია გარე აუდიტის ჩატარების გამოცდილება);

გ) საოფისე კომპიუტერული პროგრამების ცოდნა (Microsoft Office Word, Microsoft Office Excel, Microsoft Office PowerPoint, Microsoft Office Outlook, (სასურველია აუდიტის სპეციალიზებული საშუალებების გამოყენების ცოდნა);

დ) პროფესიული უნარები: გუნდური მუშაობის, ეფექტური კომუნიკაციის, შემჭიდროებულ ვადებში მუშაობის უნარი და დროის ეფექტური მენეჯმენტი;

ე) სასურველია ინგლისური ენის ცოდნა.

2. საკონკურსო თემატიკა:

საქართველოს კონსტიტუცია; საქართველოს კანონი „პერსონალურ მონაცემთა დაცვის შესახებ“.

3. შეფასების კრიტერიუმები:

ა) განათლება/კვალიფიკაცია;

ბ) სამუშაო გამოცდილება;

გ) პროფესიული უნარები.“

5.დაემატოს 19¹ მუხლი შემდეგი რედაქციით:

„მუხლი 19¹. ინფორმაციული ტექნოლოგიების დეპარტამენტის უფროსი

1. ინფორმაციული ტექნოლოგიების დეპარტამენტის უფროსი უნდა აკმაყოფილებდეს შემდეგ საკვალიფიკაციო მოთხოვნებს:

ა) უმაღლესი განათლება ინფორმაციული ტექნოლოგიების მიმართულებით, მაგისტრის ხარისხი;

ბ) ინფორმაციული ტექნოლოგიების სფეროში მუშაობის არანაკლებ 7- წლიანი გამოცდილება, მათ შორის 3 წელი ხელმძღვანელ თანამდებობაზე;

გ) თანამედროვე საინფორმაციო ტექნოლოგიების და ინფორმაციული სისტემების მართვის ცოდნა;

დ) ელექტრონული პროგრამული უზრუნველყოფის პროექტების მართვის გამოცდილება;

ე) პროექტების მეთოდოლოგიური მართვის გამოცდილება;

ვ) სასურველია მონაცემთა დაცვის თანამედროვე ტენდენციების ცოდნა;

ზ) სასურველია პარტნიორი ქვეყნების პერსონალურ მონაცემთა დაცვის სფეროში მოქმედი ინფორმაციული უსაფრთხოების სტანდარტების ცოდნა;

ი) სასურველია სერვერების ადმინისტრირების გამოცდილება ან/და პროგრამული უზრუნველყოფის შექმნის გამოცდილება;

კ) პროფესიული უნარები: გუნდის მართვისა და გუნდური მუშაობის, სამუშაოს დაგეგმვისა და პროცესის მართვის, შემჭიდროებულ ვადებში მუშაობის, ეფექტური კომუნიკაციის, პრეზენტაციისა და აკადემიური წერის უნარები; დროის ეფექტური მართვის; გადაწყვეტილების დამოუკიდებლად მიღების უნარი; პასუხისმგებლობის მაღალი გრძნობა;

ლ) საოფისე კომპიუტერული პროგრამების ცოდნა: MS Office applications, MS Windows;

მ) სასურველია ინგლისური ენის სრულყოფილად ცოდნა.

2. საკონკურსო თემატიკა:

საქართველოს კონსტიტუცია; საქართველოს კანონი „პერსონალურ მონაცემთა დაცვის შესახებ“; საქართველოს კანონი „ინფორმაციული უსაფრთხოების შესახებ“; საკვალიფიკაციო მოთხოვნების შესაბამისი ტექნიკური საკითხები.

3. შეფასების კრიტერიუმები:

ა) განათლება/კვალიფიკაცია;

ბ) სამუშაო გამოცდილება;

გ) სამართლებრივი აქტების ცოდნა;

დ) პროფესიული უნარები.“

6.დაემატოს 19² მუხლი შემდეგი რედაქციით:

„მუხლი 19². მონაცემთა ბაზის ადმინისტრატორი

1. მონაცემთა ბაზის ადმინისტრატორი უნდა აკმაყოფილებდეს შემდეგ საკვალიფიკაციო მოთხოვნებს:

ა) უმაღლესი ტექნიკური განათლება;

ბ) სპეციალობით მუშაობის 5-წლიანი გამოცდილება, მათ შორის მონაცემთა ბაზების ადმინისტრატორად მუშაობის არანაკლებ 2-წლიანი გამოცდილება;

გ) რელაციურ მონაცემთა ბაზებთან მუშაობის გამოცდილება. T-SQL-ის სრულყოფილი ცოდნა;

დ) MS SQL Server 2008 R2, MS Windows 2008R2 და Linux based OS სერვერების ადმინისტრირების გამოცდილება;

ე) მონაცემთა ბაზების სარეზერვო ასლების კეთება და მათი აღდგენის ცოდნა და გამოცდილება;

ვ) ვირტუალური სერვერების VMware ESXi მართვის სერვერის ადმინისტრირების გამოცდილება;

ზ) CISCO-ს ქსელური მოწყობილობებთან მუშაობის გამოცდილება. მარშუტიზირების პროტოკოლების საფუძვლიანი ცოდნა, ვირტუალური ტუნელების აწყობის ცოდნა, 2-3 დონის კონცენტრატორებთან მუშაობის გამოცდილება; Firwall-ებთან მუშაობის გამოცდილება;

თ) სასურველია სხვადასხვა პროექტზე ერთდროულად მუშაობის უნარი და გამოცდილება;

ი) პროფესიული უნარები: გუნდური მუშაობის, სამუშაოს დაგეგმვისა და პროცესის მართვის, შემჭიდროებულ ვადებში მუშაობის, კომუნიკაციის, დროის ეფექტური მართვის, გადაწყვეტილების დამოუკიდებლად მიღების უნარი; პასუხისმგებლობის მაღალი გრძნობა;

კ) საოფისე კომპიუტერული პროგრამების ცოდნა:MS Office applications, MS Windows;

ლ) სასურველია ინგლისური ენის ცოდნა.

2. საკონკურსო თემატიკა:

საქართველოს კონსტიტუცია; საქართველოს კანონი „პერსონალურ მონაცემთა დაცვის შესახებ“; საქართველოს კანონი „ინფორმაციული უსაფრთხოების შესახებ“; საკვალიფიკაციო მოთხოვნების შესაბამისი ტექნიკური საკითხები.

3. შეფასების კრიტერიუმები:

ა) განათლება/კვალიფიკაცია;

ბ) სამუშაო გამოცდილება;

გ) სამართლებრივი აქტების ცოდნა;

დ) პროფესიული უნარები.“

7.დაემატოს 19³ მუხლი შემდეგი რედაქციით:

„მუხლი 19³. დეველოპერი

1. დეველოპერი უნდა აკმაყოფილებდეს შემდეგ საკვალიფიკაციო მოთხოვნებს:

ა) უმაღლესი ტექნიკური განათლება;

ბ) პროგრამისტის პოზიციაზე მუშაობის არანაკლებ 2-წლიანი გამოცდილება;

გ) NET, C# ტექნოლოგიების ცოდნა;

დ) MS SQL, ASP.NET, C#, Html, MVC 5, Web Api, JavaScript, PHP, CSS ცოდნა;

ე) რელიაციურ მონაცემთა ბაზებთან მუშაობის გამოცდილება; T-SQL-ის ცოდნა;

ვ) სასურველია სხვადასხვა პროექტზე ერთდროულად მუშაობის უნარი და გამოცდილება;

კ) პროფესიული უნარები: გუნდური მუშაობის, სამუშაოს დაგეგმვისა და პროცესის მართვის, შემჭიდროებულ ვადებში მუშაობის, კომუნიკაციის, დროის ეფექტური მართვის უნარები; პასუხისმგებლობის მაღალი გრძნობა;

ლ) საოფისე კომპიუტერული პროგრამების ცოდნა:MS Office applications, MS Windows;

მ) ინგლისური ენის სრულყოფილად ცოდნა.

2. საკონკურსო თემატიკა:

საქართველოს კონსტიტუცია; საქართველოს კანონი „პერსონალურ მონაცემთა დაცვის შესახებ“; საკვალიფიკაციო მოთხოვნების შესაბამისი ტექნიკური საკითხები.

3. შეფასების კრიტერიუმები:

ა) განათლება/კვალიფიკაცია;

ბ) სამუშაო გამოცდილება;

გ) სამართლებრივი აქტების ცოდნა;

დ) პროფესიული უნარები.“