„საქართველოს სასჯელაღსრულებისა და პრობაციის სამინისტროს იურიდიული დეპარტამენტის ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე“ საქართველოს სასჯელაღსრულებისა და პრობაციის მინისტრის 2015 წლის 24 ივნისის №50 ბრძანებაში ცვლილების შეტანის შესახებ

1. მე-8 მუხლი ამოღებულ იქნეს.

2. მე-10 მუხლის შემდეგ დაემატოს შემდეგი შინაარსის 10¹ მუხლი:

,,მუხლი 10¹

1. იურიდიული დეპარტამენტის სასამართლოებთან ურთიერთობის სამმართველოს სპეციალისტის ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) უმაღლესი იურიდიული განათლება;

ბ) სპეციალობით მუშაობის  ან სტაჟირების  გამოცდილება (სასურველია);

გ) საოფისე პროგრამების საფუძვლიანი ცოდნა;

დ) უცხო ენის ცოდნა (სასურველია);

ე) სასამართლოებთან ურთიერთობის გამოცდილება;

ვ) ადგილობრივ თუ საერთაშორისო ტრენინგებში, კონფერენციებსა და სემინარებში მონაწილეობის მიღება ჩაითვლება უპირატესობად.

2. იურიდიული დეპარტამენტის სასამართლოებთან ურთიერთობის  სამმართველოს მრჩევლის ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) საქართველოს კონსტიტუცია;

ბ) საქართველოს კანონი „პატიმრობის კოდექსი“;

გ) საქართველოს კანონი „საქართველოს სისხლის სამართლის კოდექსი“;

დ) საქართველოს კანონი „საქართველოს სისხლის სამართლის საპროცესო კოდექსი“;

ე) საქართველოს კანონი „საჯარო სამსახურის შესახებ“;

ვ) საქართველოს ორგანული კანონი „შრომის კოდექსი“;

ზ) საქართველოს კანონი „არასაპატიმრო სასჯელთა აღსრულების წესისა და პრობაციის შესახებ“;

თ) საქართველოს კანონი „ საქართველოს ზოგადი ადმინისტრაციული კოდექსი“;

ი) საქართველოს კანონი „საქართველოს ადმინისტრაციული საპროცესო კოდექსი“;

კ) საქართველოს კანონი „პერსონალურ მონაცემთა დაცვის შესახებ“;

ლ) საქართველოს კანონი „სამოქალაქო კოდექსი“(წიგნი მესამე);

მ) საქართველოს კანონი „სამოქალაქო საპროცესო კოდექსი“;

ნ) საქართველოს კანონი ,,სპეციალური პენიტენციური სამსახურის შესახებ“;

ო) საქართველოს კანონი „საერთო სასამართლოების შესახებ“;

პ) საქართველოს ორგანული კანონი „საქართველოს საკონსტიტუციო სასამართლოს შესახებ“;

ჟ) საქართველოს კანონი „საკონსტიტუციო სამართალწარმოების შესახებ“;

რ) საქართველოს სასჯელაღსრულებისა და პრობაციის სამინისტროს დებულების დამტკიცების შესახებ“ საქართველოს მთავრობის 2015 წლის 19 ივნისის №275 დადგენილება;

ს) „საქართველოს სასჯელაღსრულებისა და პრობაციის სამინისტროს იურიდიული დეპარტამენტის დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის ბრძანება;

ტ) ადამიანის უფლებათა ევროპული კონვენცია;

უ) პატიმრებთან მოპყრობის გაეროს მინიმალური სტანდარტული წესები;

ფ) ციხის ევროპული წესები;

ქ) გაეროს მინიმალური სტანდარტული წესები არასრულწლოვანთა მიმართ მართლმსაჯულების განხორციელების შესახებ („პეკინის წესები“).“.