ზუგდიდის მუნიციპალიტეტის სიმბოლოების (გერბი და დროშა) დამტკიცების შესახებ

ზუგდიდის მუნიციპალიტეტის სიმბოლოების (გერბი და დროშა) დამტკიცების შესახებ ზუგდიდის მუნიციპალიტეტის საკრებულოს დადგენილება №39 2015 წლის 6 ნოემბერი ქ.ზუგდიდი ზუგდიდის მუნიციპალიტეტის სიმბოლოების (გერბი და დროშა) დამტკიცების შესახებ საქართველოს ორგანული კანონის ,,ადგილობრივი თვითმმართველობის კოდექსი“ მე-8 მუხლის მე-2 პუნქტის, 24-ე მუხლის პირველი პუნქტის ,,ა.გ“ ქვეპუნქტისა და „ნორმატიული აქტების შესახებ“ საქართველოს კანონის მე-20 მუხლის შესაბამისად,ზუგდიდის მუნიციპალიტეტის საკრებულო ადგენს: მუხლი 1🔗    დამტკიცდეს ზუგდიდის მუნიციპალიტეტის გერბი, თანახმად №1 დანართისა. მუხლი 2🔗 დამტკიცდეს ზუგდიდის მუნიციპალიტეტის დროშა, თანახმად №2 დანართისა. მუხლი 3🔗 დადგენილება ამოქმედდეს გამოქვეყნებისთანავე.ზუგდიდის მუნიციპალიტეტის საკრებულოს თავმჯდომარელაშა გოგია დანართი №1 ზუგდიდის მუნიციპალიტეტის გერბი აღწერილობა გერბის ფარი პირობითად  გაყოფილია  3  (სამი) ნაწილად. I ნაწილი - ძოწისფერ (წითელ) ველზე გამოსახულია ოქროს ჯვარი (ცაიშის ტაძრის სიმბოლოდ) ჰერალდიკური 4 ვარდით (ღვთისმშობლის სიმბოლო).  ველს უკავია ფარის სიმაღლის 2/6. II ნაწილი - წარმოადგენს ვერცხლის (თეთრ) ქონგურებიან სარტყელს (რუხის ციხის სიმბოლოდ) რომელზეც მოთავსებულია სევადი (შავი) შეჭურვილი (წითელი ენით) მერანი, როგორც სიქველისა და მეომრული სულის ნიშანი.  ფარის სიმაღლის 3/6. III ნაწილი- წარმოადგენს ლაჟვარდ (ლურჯ)  ტალღოვან  სარტყელს (ზღვის სიმბოლო),  ფარის სიმაღლის 1/6.     გერბის ფარს ზემოთ მოთავსებულია საქალაქო ვერცხლის გვირგვინი სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკარით.      ფარს ქვემოთ მოთავსებულია გერბის დევიზის ვერცხლ-ძოწის ბაფთა, რომლის ვერცხლის ველზე შავით ჩაწერილია გერბის დევიზი - ,,ზუგდიდი“. დანართი №2 ზუგდიდის მუნიციპალიტეტის დროშა აღწერილობა       დროშის მეწამული ველი გაკვეთილ-გადაკვეთილია ოქროს (ყვითელი) ჯვრით, ოთხ არათანაბარ   ნაწილად. პირველი და მესამე მეოთხედების სიმაღლე და სიგანე შეადგენს დროშის სიმაღლის 2/4 -ს.  ჯვრის მხრების სისქე დროშის სიმაღლის 1/5 -ია.         1  მეოთხედში  განათავსებულია ოქროს მოტივტივე ვარდი (ღვთისმშობლის სიმბოლო).   დროშის პროპორციაა 2:3.