,,ჩოხატაურის მუნიციპალიტეტის გამგეობის დებულების დამტკიცების შესახებ“ - ჩოხატაურის მუნიციპალიტეტის საკრებულოს 2014 წლის 24 ივლისის N19 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მეოთხე პუნქტის შესაბამისად ჩოხატაურის მუნიციპალიტეტის საკრებულო ადგენს:

დადგილებით დამტკიცებული დებულების მე-6 მუხლის მესამე პუნქტის „ა.თ.“ ქვეპუნქტი ჩამოყალიბდეს ახალი რედაქციით: „ა.თ) ამტკიცებს გამგების შინაგანაწესს და თანამდებობრივ ინსტრუქციებს, აგრეთვე გამგეობის მოხელეთა დამატებით საკვალიფიკაციო მოთხოვნებს;“;

დადგენილებით დამტკიცებული დებულების მე-6 მუხლის მესამე პუნქტის ,,გ.ვ“ ქვეპუნქტი ჩამოყალიბდეს ახალი რედაქციით: ,,გ.ვ) არაუგვიანეს თებერვლისა საკრებულოს უგზავნის შესყიდვების გეგმის შესაბამისად წინა წელს განხორციელებული შესყიდვების შესახებ ანგარიშს, ახორციელებს შესყიდვებს კანონმდებლობით დადგენილი წესით;“;

დადგენილებით დამტკიცებული დებულების მე-6 მუხლის მესამე პუნქტის ,,დ.ბ“ ქვეპუნქტი ჩამოყალიბდეს ახალი რედაქციით: ,,დ.ბ) საკრებულოს თანხმობით იღებს გადაწყვეტილებებს: შესაბამისი კერძო სამართლის იურიდიული პირის დაფუძნების, რეორგანიზაციისა და ლიკვიდაციის შესახებ, ამ კანონის შესაბამისად, კერძო სამართლის იურიდიული პირის დაფუძნებაში მონაწილეობისა და მასში გაწევრების შესახებ, მეწარმე იურიდიული პირის წილის/აქციების შეძენის შესახებ;“;

დადგენილებით დამტკიცებული დებულების მე-18 მუხლის მეხუთე პუნქტი  ჩამოყალიბდეს ახალი რედაქციით: ,,5 დამატებითი საკვალიფიკაციო მოთხოვნები განისაზღვრება გამგებლის ინდივიდუალურ-ადმინისტრაციულ სამართლებრივი აქტით.”.

დადგენილება ამოქმედდეს გამოქვეყნებისთანავე.