„საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესისა და პირობების, აგრეთვე პრივატიზების შედეგად ამონაგები თანხის განაწილების წესის დამტკიცების თაობაზე“ საქართველოს ფინანსთა მინისტრის 2012 წლის 2 აგვისტოს №310 ბრძანებაში ცვლილების შეტანის შესახებ

საქართველოს ფინანსთა მინისტრის

2015 წლის 3 დეკემბერი

ქ. თბილისი

1. მე-7 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. სააგენტო განსაზღვრავს უპირობო და გამოუხმობი საბანკო გარანტიის/ბეს თანხის ოდენობას, რომელიც უნდა შეადგენდეს საწყისი საპრივატიზებო საფასურის არანაკლებ 10%-ს (მრგვალდება სტანდარტული მათემატიკური   წესებით, ერთი თეთრის სიზუსტით). უპირობო და გამოუხმობი საბანკო გარანტიის მოქმედების ვადა არანაკლებ 30 დღით უნდა აღემატებოდეს საპრივატიზებო საფასურის გადახდის ვადას.“;

ბ) 3² პუნქტი ჩამოყალიბდეს შემდეგი რედაქციით:

„3².  სააგენტო განსაზღვრავს სავაჭრო ბიჯის ოდენობას, რომელიც  უნდა შეადგენდეს ქონების საწყისი საპრივატიზებო საფასურის 2%-ს (მრგვალდება სტანდარტული მათემატიკური   წესებით, ერთი თეთრის სიზუსტით). ქონების საწყისი საპრივატიზებო საფასურის ნული ლარით განსაზღვრის შემთხვევაში, სავაჭრო ბიჯის ოდენობა შეადგენს  არანაკლებ 5 ლარს.“;

გ) 13³  პუნქტის შემდეგ დაემატოს 13⁴ – 13⁶ პუნქტები შემდეგი რედაქციით:

,,13⁴. ამ მუხლის მე-12 – 13² და 13⁶  პუნქტების გათვალისწინებით, ქონების საწყისი საპრივატიზებო საფასური მრგვალდება სტანდარტული მათემატიკური წესებით, ერთი თეთრის სიზუსტით.

 13⁵.  ამ მუხლის მე-12 – 13² პუნქტების მოქმედება არ ვრცელდება ძვირფას ლითონებზე, ძვირფას ქვებსა და მათ ნაწარმზე. აღნიშნული ქონების განმეორებით აუქციონზე პრივატიზებისას, იმავე ფასით პრივატიზების ან ფასის შემცირების  ოდენობის თაობაზე,  გადაწყვეტილებას იღებს სააგენტოს გენერალური დირექტორი.

13⁶. ამ მუხლის 13⁵ პუნქტით გათვალისწინებულ შემთხვევებში, სააგენტოს გენერალური დირექტორი უფლებამოსილია:

 ა) თუ პირველი აუქციონის დროს არ მოხდება ქონების პრივატიზება, მიიღოს გადაწყვეტილება ქონების საწყისი საპრივატიზებო საფასურის არაუმეტეს 25%-ით შემცირების თაობაზე;

 ბ) თუ ამ მუხლის ,,ა“ ქვეპუნქტით გათვალისწინებულ შემთხვევაში ვერ განხორციელდა ქონების პრივატიზება, მიიღოს გადაწყვეტილება ქონების საწყისი საპრივატიზებო  საფასურის არაუმეტეს 50%-ით შემცირების თაობაზე;

გ) თუ ამ მუხლის ,,ბ“ ქვეპუნქტით გათვალისწინებულ შემთხვევაშიც ვერ განხორციელდა ქონების პრივატიზება, მიიღოს გადაწყვეტილება ქონების  საწყისი საპრივატიზებო საფასურის არაუმეტეს  70%-ით შემცირების თაობაზე;

დ) თუ ამ მუხლის ,,გ“ ქვეპუნქტით გათვალისწინებულ შემთხვევაშიც ვერ განხორციელდა ქონების პრივატიზება, მიიღოს გადაწყვეტილება ქონების საწყისი  საპრივატიზებო საფასურის 70%-ზე მეტად შემცირებული ფასით პრივატიზების თაობაზე.“.

2. მე-8 მუხლის:

ა) მე-4 პუნქტი ჩამოყალიბდეს შემდეგი რედაქციით:

„4. სააგენტო განსაზღვრავს უპირობო და გამოუხმობი საბანკო გარანტიის/ბეს თანხის ოდენობას, რომელიც უნდა შეადგენდეს საწყისი საპრივატიზებო საფასურის არანაკლებ 10%-ს (მრგვალდება სტანდარტული მათემატიკური   წესებით, ერთი თეთრის სიზუსტით). უპირობო და გამოუხმობი საბანკო გარანტიის მოქმედების ვადა არანაკლებ 30 დღით უნდა აღემატებოდეს საპრივატიზებო საფასურის გადახდის ვადას.“;

ბ) მე-15 პუნქტის შემდეგ დაემატოს მე-16 და მე-17 პუნქტები შემდეგი რედაქციით:

,,16. ამ მუხლის მე-11 – მე-14 და მე-17 პუნქტების გათვალისწინებით, ქონების საწყისი საპრივატიზებო საფასური მრგვალდება სტანდარტული მათემატიკური წესებით, ერთი თეთრის სიზუსტით.

17.  ამ მუხლის მე-11 – მე-14 პუნქტების მოქმედება არ ვრცელდება ძვირფას ლითონებზე, ძვირფას ქვებსა და მათ ნაწარმზე. აღნიშნული ქონების განმეორებით აუქციონზე პრივატიზებისას, იმავე ფასით პრივატიზების ან ფასის შემცირების ოდენობის თაობაზე,  გადაწყვეტილებას იღებს სააგენტოს გენერალური დირექტორი, ამ წესის მე-7 მუხლის მე-13⁶  პუნქტით გათვალისწინებული პრინციპის დაცვით.“.

3. მე-14 მუხლს დაემატოს მე-5 პუნქტი შემდეგი რედაქციით:

„5. ამ მუხლის მე-3 – მე-4 პუნქტების გათვალისწინებით, ქონების საპრივატიზებო საფასური მრგვალდება სტანდარტული მათემატიკური წესებით, ერთი თეთრის სიზუსტით.“.

4. მე-15 მუხლს დაემატოს მე-6 პუნქტი შემდეგი რედაქციით:

„6. ამ მუხლის მე-4 და მე-5 პუნქტების გათვალისწინებით, ქონების საპრივატიზებო საფასური მრგვალდება სტანდარტული მათემატიკური წესებით, ერთი თეთრის სიზუსტით.“.