სახელმწიფო რწმუნებულის-გუბერნატორის ადმინისტრაციულ-ტერიტორიულ ერთეულებში (ამბროლაურის, ლენტეხის, ონის, ცაგერის მუნიციპალიტეტებსა და ქალაქ ამბროლაურის მუნიციპალიტეტში) ადმინისტრაციის 2015 წლის 10 დეკემბრის ანგარიში
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო რწმუნებულის-გუბერნატორის ადმინისტრაციულ-ტერიტორიულ ერთეულებში (ამბროლაურის, ლენტეხის, ონის, ცაგერის მუნიციპალიტეტებსა და ქალაქ ამბროლაურის მუნიციპალიტეტში) ადმინისტრაციის 2015 წლის 10 დეკემბრის
ანგარიში
(საქართველოს კანონის ,,საქართველოს ზოგადი ადმინისტრაციული კოდექსის“ 49-ე მუხლის შესაბამისად)
1. 2015 წლის 01 იანვრიდან 10 დეკემბრის ჩათვლით სახელმწიფო რწმუნებულის-გუბერნატორის ადმინისტრაციაში საჯარო ინფორმაციის გაცემასთან დაკავშირებით შემოვიდა 23 მოთხოვნა, რომელთაგან დაკმაყოფილდა ყველა და გასაჩივრების ფაქტი არ დაფიქსირებულა.
2. სახელმწიფო რწმუნებულის-გუბერნატორის ადმინისტრაციაში საჯარო ინფორმაციაში შესწორების შეტანის თაობაზე წერილობით მოთხოვნას ადგილი არ ჰქონია.
3. საჯარო დაწესებულების მიერ პერსონალური მონაცემების შეგროვება, დამუშავება, შენახვა და სხვისთვის გადაცემა არ მომხდარა .
4. საანგარიშო პერიოდში ადმინისტრაციის თანამშრომლების მიერ ზოგადი ადმინისტრაციული კოდექსის მოთხოვნები არ დარღვეულა და შესაბამისად პასუხისმგებელ პირებს არ დაკისრებია დისციპლინარული პასუხისმგებლობა.
5. სახელმწიფო რწმუნებულის-გუბერნატორის ადმინისტრაციაში საჯარო ინფორმაციის გაცემასთან დაკავშირებით ხარჯების გაწევის აუცილებლობა არ წარმოქმნილა.
სახელმწიფო რწმუნებულის-გუბერნატორის
პირველი მოადგილე არჩილ ჯაფარიძე