ა) საჯარო დაწესებულებაში შესული საჯარო ინფორმაციის გაცემისა და საჯარო ინფორმაციაში შესწორების შეტანის მოთხოვნათა რაოდენობის შესახებ და მოთხოვნაზე უარის თქმის თაობაზე მიღებულ გადაწყვეტილებათა რაოდენობის შესახებ;

საანგარიშო პერიოდში საჯარო ინფორმაციის გაცემის მოთხოვნით შემოსულია 847 განცხადება, მათგან გაცემულია პასუხი 825 განცხადებაზე, ხოლო 22 განცხადებაზე მიმდინარეობს საქმის წარმოება (სსიპ - სახელმწიფო ქონების ეროვნული სააგენტოს დოკუმენტბრუნვის ელექტრონული სისტემის მონაცემები);

რაც შეეხება, საჯარო ინფორმაციაში შესწორების შეტანის მოთხოვნათა რაოდენობას, საანგარიშო პერიოდში ადგილი ქონდა 1 ფაქტს.

ბ) მოთხოვნის დაკმაყოფილების ან მოთხოვნაზე უარის თქმის შესახებ მიღებულ გადაწყვეტილებათა რაოდენობის, გადაწყვეტილების მიმღები საჯარო მოსამსახურის ვინაობის, აგრეთვე კოლეგიური საჯარო დაწესებულების მიერ საკუთარი სხდომის დახურვის შესახებ მიღებული გადაწყვეტილების შესახებ;

საანგარიშო პერიოდში საჯარო ინფორმაციის გაცემის მოთხოვნით სსიპ-სახელმწიფო ქონების ეროვნულ სააგენტოში შემოსული განცხადებებიდან:

1) საჯარო ინფორმაცია, განმცხადებლის მოთხოვნის შესაბამისად გაიცა 596 შემთხვევაში;

2) მოთხოვნა დაკმაყოფილდა ნაწილობრივ 26 შემთხვევაში;

3) განხილვის პროცესშია 22 განცხადება;

4) 203 შემთხვევაში მიღებულ იქნა გადაწყვეტილება საჯარო ინფორმაციის გაცემის მოთხოვნის დაკმაყოფილებაზე უარის თქმის შესახებ (კატეგორიები: არ მოიპოვება, კონფიდენციალური, პერსონალური, გრიფით „საიდუმლო“ და ცილდება კომპეტენციას).

სსიპ - სახელმწიფო ქონების ეროვნული სააგენტოს საჯარო ინფორმაციის ხელმისაწვდომობის უზრუნველყოფაზე პასუხისმგებელ პირად განსაზღვრულია სააგენტოს კორესპონდენციის მართვის სამსახურის უფროსი;

მოთხოვნის დაკმაყოფილების თაობაზე გადაწყვეტილება მიღებულია სააგენტოს საჯარო ინფორმაციის გაცემის უზრუნველყოფაზე პასუხისმგებელი პირის, სსიპ- სახელმწიფო ქონების ეროვნული სააგენტოს კორესპონდენციის მართვის სამსახურის უფროსის მიერ;

კოლეგიური საჯარო დაწესებულების მიერ სხდომის დახურვის შესახებ მიღებული გადაწყვეტილების ფაქტს ადგილი არ ჰქონია.

გ) საჯარო მონაცემთა ბაზების თაობაზე;

საჯარო ინფორმაციის მოპოვება ხორციელდება შემდეგი პროგრამების საშუალებით:

1) დოკუმენტბრუნვის ელექტრონული სისტემა „დესი“;

2) ელექტრონული არქივის პროგრამა;

3) Priv-ის ელექტრონული პროგრამა;

სახელმწიფოს წილობრივი მონაწილეობით მოქმედ საწარმოებზე ინფორმაცია განთავსებულია:

www.data.ge-ის ვებგვერდზე;

საჯარო ინფორმაცია განთავსებულია:

www.nasp.gov.ge-ის ვებგვერდზე.

დ) საჯარო მოსამსახურეთა მიერ ამ კოდექსის მოთხოვნების დარღვევის რაოდენობისა და პასუხისმგებელი პირებისათვის დისციპლინური სახდელების დადების შესახებ;

2014 წლის მანძილზე სააგენტოს საჯარო მოსამსახურეთა მიმართ დისციპლინური პასუხისმგებლობის ზომები გამოყენებული არ ყოფილა.

ე) იმ საკანონმდებლო აქტების შესახებ, რომლებსაც დაწესებულება ეყრდნობოდა საჯარო ინფორმაციის გაცემაზე უარის თქმისას ან კოლეგიური საჯარო დაწესებულების სხდომის დახურვისას;

საჯარო ინფორმაციის გაცემაზე უარის თქმის ან კოლეგიური საჯარო დაწესებულების სხდომის დახურვის ფაქტს ადგილი არ ჰქონია.

ვ) საჯარო ინფორმაციის გაცემაზე უარის თქმის შესახებ მიღებული გადაწყვეტილების გასაჩივრების შესახებ;

საჯარო ინფორმაციის გაცემაზე უარის თქმის შესახებ გადაწყვეტილება არ მიღებულა.

ზ) საჯარო დაწესებულების მიერ ინფორმაციის დამუშავებასა და გაცემასთან, აგრეთვე საჯარო ინფორმაციის გაცემაზე უარის თქმის შესახებ მიღებული გადაწყვეტილების ან კოლეგიური საჯარო დაწესებულების სხდომის დახურვის თაობაზე მიღებული გადაწყვეტილების გასაჩივრებასთან დაკავშირებული ხარჯების, მათ შორის, მხარის სასარგებლოდ გადახდილი თანხების შესახებ;

ზემოაღნიშნულ ფაქტებს ადგილი არ ჰქონია.

სსიპ-სახელმწიფო ქონების ეროვნული მირიან ჩაჩავა

სააგენტოს თავმჯდომარის მოვალეობის

შემსრულებელი