ხაშურის მუნიციპალიტეტის საკრებულოს 10 დეკემბრის ანგარიში საჯარო ინფორმაციის მოთხოვნით შემოსული განცხადებებისა და საჯარო ინფორმაციის გაცემის შესახებ

საქართველოს ზოგადი ადმინისტრაციული კოდექსის 49-ე მუხლის თანახმად, წარმოგიდგენთ ხაშურის მუნიციპალიტეტის საკრებულოს საჯარო ინფორმაციის მოთხოვნით შემოსული განცხადებებისა და გაცემული ინფორმაციის შესახებ 12 თვის ანგარიშს. ანგარიშში მოცემულია 2014 წლის 10 დეკემბრიდან 2015 წლის 9 დეკემბრის მდგომარეობით, საქართველოს ზოგადი ადმინისტრაციული კოდექსით განსაზღვრული საჯარო ინფორმაციის მოთხოვნით შემოსული ყველა განცხადება.

2014 წლის 10 დეკემბრიდან 2015 წლის 9 დეკემბრის ჩათვლით, საჯარო ინფორმაციის მოთხოვნით, საკრებულოს აპარატში სულ შემოვიდა 23 განცხადება.

ყველა მათგანზე მოხდა რეაგირება და ამის შესახებ საჯარო ინფორმაციის გამომთხოვ პირებს წერილობითი ფორმით ეცნობა.

ამ განცხადებებიდან:

ü 23 განცხადება სრულად დაკმაყოფილდა

ü 0 განცხადებას უარი ეთქვა.

ხაშურის მუნიციპალიტეტის საკრებულოში საჯარო ინფორმაციის გაცემაზე პასუხისმგებელ პირს წარმოადგენს საკრებულოს თავმჯდომარის თანაშემწე მარიამ ქათამაძე.

საჯარო ინფორმაციის გაცემისას საქართველოს ზოგადი ადმინისტრაციული კოდექსით დადგენილი 10-დღიანი ვადა ყოველთვის დაცულია.

- 12 თვის განმავლობაში საჯარო ინფორმაციის მოთხოვნით შემოსული ყველა განცხადება დაკმაყოფილდა. უარის შესახებ მიღებულ გადაწყვეტილებაზე ადმინისტრაციული საჩივარი არ შემოსულა.

12 თვის განმავლობაში საკრებულოს მიერ ინფორმაციის დამუშავებისა და გაცემის ხარჯებმა ასლის მოსაკრებლის სახით,შეადგინა 0 ლარი.

საანგარიშო პერიოდში მოთხოვნა საჯარო ინფორმაციაში შესწორების შეტანის თაობაზე საკრებულოში არ შემოსულა. შესაბამისად, შესწორებები საჯარო ინფორმაციაში არ განხორციელებულა.

საანგარიშო პერიოდში საკრებულოს საჯარო მოსამსახურეთა მიერ სზაკ-ის მოთხოვნების დარღვევისთვის დისციპლინური სახდელის დადების შემთხვევები არ ყოფილა.

საკრებულოს თავმჯდომარე ვაჟა შუბითიძე