სსიპ საქართველოს კინემატოგრაფიის ეროვნული ცენტრის 2015 წლის ანგარიში

სსიპ საქართველოს კინემატოგრაფიის ეროვნული ცენტრის

2015 წლის ანგარიში

საქართველოს ზოგადი ადმინისტრაციული კოდექსის 49-ე მუხლის შესაბამისად, წარმოგიდგენთ სსიპ საქართველოს კინემატოგრაფიის ეროვნული ცენტრის 2015 წლის ანგარიშს საქართველოს ზოგადი ადმინისტრაციული კოდექსის მე-3 თავით (ინფორმაციის თავისუფლება) გათვალისწინებული მოთხოვნების შესრულების თაობაზე:

ა) შესული საჯარო ინფორმაციის გაცემისა და საჯარო ინფორმაციაში შესწორების შეტანის მოთხოვნათა რაოდენობის შესახებ და მოთხოვნაზე უარის თქმის თაობაზე მიღებულ გადაწყვეტილებათა რაოდენობის შესახებ.

ბ) მოთხოვნის დაკმაყოფილების ან მოთხოვნაზე უარის თქმის შესახებ მიღებულ გადაწყვეტილებათა რაოდენობის, გადაწყვეტილების მიმღები საჯარო მოსამსახურის ვინაობის, აგრეთვე კოლეგიური საჯარო დაწესებულების მიერ საკუთარი სხდომის  დახურვის თაობაზე მიღებული გადაწყვეტილების შესახებ.

სსიპ საქართველოს კინემატოგრაფიის ეროვნული ცენტრის მიერ საჯარო ინფორმაციის მოთხოვნის დაკმაყოფილების შესახებ გადაწყვეტილება მიღებული იქნა 30 (ოცდაათი) შემთხვევაში, ერთი მოთხოვნა დაკმაყოფილდა ნაწილობრივ.

გ) ინფორმაცია საჯარო მონაცემთა ბაზების და კინოცენტრის მიერ პერსონალური მონაცემების შეგროვების, დამუშავების, შენახვისა და სხვისთვის გადაცემის შესახებ.

სსიპ საქართველოს კინემატოგრაფიის ეროვნული ცენტრის საქმიანობის პროცესში  ადგილი აქვს კინოცენტრის თანამშრომელთა, რეჟისორების, სცენარისტების, პროდიუსერებისა და გადამღები ჯგუფის წევრთა პერსონალური მონაცემების (სახელი, გვარი, პირადი ნომერი) შეგროვება, დამუშავებასა და შენახვას.   

დ) ინფორმაცია კინოცენტრის თანამშრომელთა მიერ საქართველოს ზოგადი ადმინისტრაციული კოდექსის მოთხოვნების დარღვევის რაოდენობისა და პასუხისმგებელი პირებისათვის დისციპლინური სახდელების დადების შესახებ.

საანგარიშო პერიოდში, სსიპ საქართველოს კინემატოგრაფიის ეროვნულ ცენტრის მიერ, თანამშრომელთა მხრიდან საქართველოს ზოგადი ადმინისტრაციული კოდექსის მოთხოვნათა დარღვევის ფაქტები არ გამოვლენილა,  შესაბამისად დისციპლინური სახდელების გამოყენებას ადგილი არ ჰქონია.

ე) იმ საკანონმდებლო აქტების შესახებ, რომლებსაც საჯარო დაწესებულება ეყრდნობოდა საჯარო ინფორმაციის გაცემაზე უარის თქმისას ან კოლეგიური საჯარო დაწესებულების სხდომის დახურვისას.

სსიპ საქართველოს კინემატოგრაფიის ეროვნული ცენტრის გადაწყვეტილება მოთხოვნილ საჯარო ინფორმაციის გაცემაზე უარის თქმის შესახებ  ეყრდნობოდა საქართველოს ზოგადი ადმინისტრაციული კოდექსის 28-ე მუხლს.

სსიპ საქართველოს კინემატოგრაფიის ეროვნული ცენტრს მიერ სხდომის დახურვის შესახებ გადაწყვეტილების მიღებას ადგილი არ ჰქონია.

ვ)ინფორმაცია საჯარო ინფორმაციის გაცემაზე უარის თქმის შესახებ მიღებული გადაწყვეტილების გასაჩივრების თაობაზე.

საჯარო ინფორმაციის გაცემაზე სსიპ საქართველოს კინემატოგრაფიის ეროვნულ ცენტრის უარის გასაჩივრებას ადგილი არ ჰქონია.

ზ) კინოცენტრის მიერ ინფორმაციის დამუშავებასა და გაცემასთან, აგრეთვე საჯარო ინფორმაციის  გაცემაზე უარის თქმის შესახებ მიღებული გადაწყვეტილების ან კოლეგიური საჯარო დაწესებულების სხდომის დახურვის თაობაზე მიღებული გადაწყვეტილების  გასაჩივრებასთან დაკავშირებული ხარჯების, მათ შორის მხარის სასარგებლოდ გადახდილი თანხების შესახებ.

სსიპ საქართველოს კინემატოგრაფიის ეროვნული ცენტრის მიერ ინფორმაციის დამუშავებასა და გაცემასთან, აგრეთვე საჯარო ინფორმაციის გაცემაზე უარის თქმის შესახებ მიღებული გადაწყვეტილების ან კოლეგიური საჯარო დაწესებულების სხდომის დახურვის თაობაზე მიღებული გადაწყვეტილების გასაჩივრებასთან დაკავშირებულ ხარჯების გაწევას კინოცენტრის მხრიდან ადგილი არ ჰქონია, მათ შორის არ გადახდილა თანხები მხარის სასარგებლოდ.

დირექტორი

დირექტორის პირველი მოადგილე                                       მაია ჭილაშვილი