ფაქტობრივ მდგომარეობათა ამსახველი ცნობებისა და ინფორმაციის გაცემის წესის დამტკიცების შესახებ

ფაქტობრივ მდგომარეობათა ამსახველი ცნობებისა და ინფორმაციის გაცემის წესის დამტკიცების შესახებ ბოლნისის მუნიციპალიტეტის საკრებულოს დადგენილება №6 2016 წლის 1 თებერვალი ქ. ბოლნისი ფაქტობრივ მდგომარეობათა ამსახველი ცნობებისა და ინფორმაციის გაცემის წესის დამტკიცების შესახებ საქართველოს ორგანული კანონის  „ადგილობრივი თვითმმართველობის კოდექსი“  მე-16 მუხლის მესამე პუნქტის, 61-ე მუხლის მეორე  პუნქტის,  საქართველოს  კანონის  ,,ნორმატიული  აქტების შესახებ“ მე-20 მუხლის, ბოლნისის  მუნიციპალიტეტის საკრებულო  ადგენს: მუხლი 1🔗 დამტკიცდეს  ფაქტობრივ   მდგომარეობათა   ამსახველი  ცნობებისა და   ინფორმაციის  გაცემის   წესი დანართი  №1-ის  შესაბამისად. მუხლი 2🔗 დადგენილება ამოქმედდეს გამოქვეყნებისთანავე.ბოლნისის მუნიციპალიტეტის საკრებულოს თავმჯდომარეთამაზ ჟორჟოლიანი დანართი N1 ფაქტობრივ  მდგომარეობათა  ამსახველი  აქტების     შედგენისა   და  ცნობის   გაცემის     წესი თავი I ზოგადი   დებულებანი მუხლი 1🔗. რეგულირების   სფერო 1. ეს წესი განსაზღვრავს  საქართველოს   კანონმდებლობით,  „ბოლნისის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ბოლნისის მუნიციპალიტეტის  საკრებულოს 2014 წლის 20 ოქტომბრის №39 დადგენილებითა და „ბოლნისის მუნიციპალიტეტის გამგეობის  დებულების დამტკიცების შესახებ“ ბოლნისის მუნიციპალიტეტის საკრებულოს 2014 წლის 14 ივლისის №16  დადგენილებით გათვალისწინებული გამგებლის წარმომადგენლის მიერ დაინტერესებული პირის განცხადების საფუძველზე პირის კონკრეტულ მისამართზე  ფაქტობრივი ცხოვრებისა და საქონლის ადგილწარმოშობის  ფაქტის დადასტურების, აგრეთვე  ბოლნისის მუნიციპალიტეტის გამგეობის ადმინისტრაციული სამსახურის უფროსის მიერ ფაქტობრივ  მდგომარეობათა  ამსახველი ინფორმაციის  გაცემის  წესს და აწესრიგებს  აღნიშნულ  საქმიანობასთან  დაკავშირებულ  საკითხებს. 2. ბოლნისის მუნიციპალიტეტის გამგებლის წარმომადგენლის მიერ დაინტერესებული პირის განცხადების საფუძველზე, პირის კონკრეტულ მისამართზე  ფაქტობრივი ცხოვრებისა და  საქონლის   ადგილწარმოშობის    ფაქტის  დადასტურების  მიზნით ცნობები,  აგრეთვე, ბოლნისის მუნიციპალიტეტის გამგეობის ადმინისტრაციული სამსახურის უფროსის მიერ ფაქტობრივ  მდგომარეობათა  ამსახველი  ინფორმაცია  გაიცემა ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის  ადმინისტრაციულ   ერთეულებში   არსებული  საკითხების    შესწავლის, ანალიზისა და მონიტორინგის განყოფილების მიერ მოკვლეული  ინფორმაციისა  და     შესაბამისი   დოკუმენტის - ფაქტობრივ  მდგომარეობათა  ამსახველი  აქტების  ან/და  ნოტარიუსის ან/და ადმინისტრაციული  ორგანოების  მიერ  გაცემული  დოკუმენტების   საფუძველზე. 2. ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის  ადმინისტრაციულ  ერთეულებში  არსებული  საკითხების    შესწავლის, ანალიზისა და მონიტორინგის განყოფილების საჯარო მოსამსახურის  მიერ  ფაქტობრივ  მდგომარეობათა  ამსახველი  აქტის   შედგენა  ხორციელდება   ამ  წესის შესაბამისად. მუხლი 2🔗. წარმოსადგენი  დოკუმენტაცია 1. ცნობის გაცემის საფუძველს  წარმოადგენს  დაინტერესებული  პირის  მიერ  ბოლნისის მუნიციპალიტეტის გამგეობაში  შეტანილი    განცხადება  ცნობის   გაცემის მოთხოვნით. 2. დაინტერესებულმა  პირმა   ფაქტობრივი  მდგომარეობის ამსახველი ცნობის გაცემის თაობაზე  განცხადებასთან  ერთად  უნდა   წარმოადგინოს: ა) განმცხადებლის  პირადობის  დამადასტურებელი  მოწმობის  ასლი; ბ) მოწმეების ნოტარიალურად დამოწმებული  განცხადება  ფაქტობრივი მდგომარეობის ამსახველი ფაქტის  შესახებ; ან/და გ) საარქივო ცნობა  ან/და  საკომლო წიგნის ამონაწერი; ან/და დ) ცნობა  ტექნიკური  აღრიცხვის არქივიდან. თავი II უფლებამოსილებათა   შესრულების   ზოგადი     დებულებები მუხლი 3🔗. ფაქტობრივ   მდგომარეობათა   ამსახველი   აქტები 1.ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის  ადმინისტრაციულ  ერთეულებში  არსებული  საკითხების    შესწავლის, ანალიზისა და მონიტორინგის განყოფილების საჯარო მოსამსახურე  შესაბამისი ადმინისტრაციული ერთეულის  გამგებლის წარმომადგენლის თანდასწრებით,  ამოწმებს ფაქტობრივ მდგომარეობას, თუ იგი უშუალოდ ესწრებოდა ფაქტის დადგომას, ან უშუალოდ აღიქვამს დამდგარ ფაქტს. იგი ვალდებულია ზუსტად აღწეროს  ის  ფაქტი, რომლის დადგომის  ან  არსებობის  ნამდვილობასაც  ამოწმებს. 2. ფაქტობრივი  მდგომარეობის  დადგენის მიზნით, ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის ადმინისტრაციულ   ერთეულებში             არსებული   საკითხების    შესწავლის, ანალიზისა და მონიტორინგის განყოფილების  საჯარო მოსამსახურე  შესაბამისი ადმინისტრაციული ერთეულის გამგებლის წარმომადგენლის თანდასწრებით, უფლებამოსილია შეადგინოს   აქტი, რომელიც შედგენილი უნდა იქნეს მოწმეთა თანდასწრებით (არანაკლებ 2 მოწმისა). 3.ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის  ადმინისტრაციულ   ერთეულებში  არსებული   საკითხების   შესწავლის,       ანალიზისა და მონიტორინგის განყოფილების საჯარო მოსამსახურე: ა)  ოქმის  შედგენისას  ეყრდნობა   მოწმეთა  ჩვენებას. ბ) ამოწმებს მოწმეთა ვინაობას, ფაქტობრივი მდგომარეობის  ნამდვილობას  შესაძლებლობის  ფარგლებში. გ)ადგენს აქტის შედგენის მონაწილე (განმცხადებელი, მოწმე) ფიზიკური პირის პირადობას მის მიერ წარდგენილი პირადობის დამადასტურებელი დოკუმენტის მეშვეობით. პირადობის დამადასტურებელ დოკუმენტად მიიჩნევა მოქალაქის პასპორტი  და   პირადობის მოწმობა . დ) თუ ეჭვი ეპარება წარდგენილი დოკუმენტის წარმდგენისადმი კუთვნილებაში, ან პირადობის დამადასტურებელი დოკუმენტი ეჭვს იწვევს,  ვალდებულია უარი თქვას აქტის შედგენაზე. ე) ვალდებულია აქტის შედგენისას მონაწილეებს განუმარტოს აქტის შინაარსი და მისი სამართლებრივი შედეგები. განმარტება შეიძლება ატარებდეს ზეპირ ხასიათს და იგი შეიძლება არ აისახოს აქტში, გარდა კანონმდებლობით გათვალისწინებული შემთხვევებისა. ვ) უფლებამოსილია გამოითხოვოს და მიიღოს აუცილებელი ინფორმაცია ადმინისტრაციული ორგანოებიდან, ფიზიკური თუ იურიდიული პირებისგან. 5. აქტში ასახული უნდა იყოს, როგორც განმცხადებლის, ასევე მოწმეთა საიდენტიფიკაციო მონაცემები (პირადი ნომერი, საცხოვრებელი ადგილი) 6.ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის ადმინისტრაციულ   ერთეულებში  არსებული   საკითხების    შესწავლის, ანალიზისა და მონიტორინგის განყოფილების  საჯარო მოსამსახურეს არ ეკისრება პასუხისმგებლობა  მოწმეთა  მიერ  ცრუ  დამოწმების  ფაქტის   დადგენის   შემთხვევაში. მუხლი 4🔗. საქონლის ადგილწარმოშობის, პირის კონკრეტულ მისამართზე ფაქტობრივად ცხოვრების   ფაქტის   დადასტურებისა   და   საქართველოს  კანონმდებლობით გათვალისწინებული   სხვა   ცნობებისა და  ინფორმაციის   გაცემა 1. ბოლნისის მუნიციპალიტეტის გამგეობის ადმინისტრაციული სამსახურის უფროსის მიერ   ფაქტობრივ  მდგომარეობათა  ამსახველი (ქონების   ფაქტობრივი   ფლობა/განკარგვის თაობაზე, აგრეთვე კანონმდებლობით გათვალისწინებული სხვა ინფორმაცია)  ინფორმაცია გაიცემა წერილობითი ფორმით შესაბამის ტიტულიან ბლანკზე. 2. გამგებლის წარმომადგენლის მიერ ცნობა გაიცემა შესაბამის ტიტულიან ბლანკზე და მოწმდება გამგებლის წარმომადგენლის ხელმოწერით. 3. მოქმედება არ სრულდება იმ დოკუმენტის საფუძველზე, რომელშიც არის ამოშლილი, ამოფხეკილი  ან/და  გადახაზული სიტყვები, წინადადებები და მსგავსი გადასწორებანი და ამ შესწორებების თაობაზე არ არის განხორციელებული  შესაბამისი ორგანოს დასტური. არ მიიღება ფანქრით შედგენილი დოკუმენტები. 4. თუ წინამდებარე წესით ან სხვა ნორმატიული აქტით სხვა რამ არ არის დადგენილი, ცნობის გაცემის საფუძვლად ფაქსით ან სხვა ელექტრონული საშუალებით გამოგზავნილი დოკუმენტები მიიღება მხოლოდ მაშინ, თუ შესაძლებელია გამომგზავნის (წყაროს) უტყუარი იდენტიფიკაცია და შეტყობინება მიღებულია ისეთი არხებით ან საშუალებით, რაც გამორიცხავს მის შინაარსში მესამე პირთა არაავტორიზებულ ჩარევას. მუხლი 5🔗. გამგებლის   წარმომადგენლის   მიერ   ცნობის    შედგენის   ტექნიკური   წესი 1. ცნობა  უნდა შედგეს მკაფიო და გამართული ენით, სადაც გამოირიცხება მისი არაერთგვაროვანი გაგება. 2. ხელნაწერი  უნდა  იკითხებოდეს  ადვილად. 3. სიტყვათა  და  ტერმინთა  შემოკლება  დასაშვებია  მხოლოდ იმ შემთხვევაში,  თუ შემოკლება საყოველთაოდ  მიღებული  და ცნობილია. 4.ცნობა  უნდა დაიბეჭდოს ტექნიკური საშუალებით ან დაიწეროს ხელით.   ხელით შევსებისას ან ხელმოწერების შესრულებისას გამოყენებული უნდა იქნეს მხოლოდ ბურთულიანი, სინათლემდგრადი და წყალმდგრადი ავტოკალამი. 5.დოკუმენტები, რომელთა საფუძველზეც გაიცა ცნობა, დაერთვის ცნობის  იმ ეგზემპლარს, რომელიც ინახება გამგებლის  წარმომადგენელთან  რეესტრში. მუხლი 6🔗. ფაქტობრივ  მდგომარეობათა  ამსახველი  აქტებისა  და  გამგებლის   წარმომადგენლის   მიერ  გაცემული    ცნობების  ენა 1.აქტი და ცნობა უნდა შედგეს სახელმწიფო ენაზე, ხოლო აქტის მონაწილის მიერ სახელმწიფო ენის არცოდნისას, ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის ადმინისტრაციულ  ერთეულებში  არსებული   საკითხების    შესწავლის, ანალიზისა და მონიტორინგის განყოფილების საჯარო მოსამსახურე აქტის  შედგენას ახორციელებს თარჯიმნის მონაწილეობით. 2. თარჯიმანი უნდა აირჩიოს აქტის მონაწილემ. 3. თარჯიმნის მიმართ ვრცელდება  მოწმისთვის  ამ  წესით  დადგენილი  მოთხოვნები. მუხლი 7🔗. ხელის მოწერის  წესი აქტის ტექსტს ხელი უნდა მოაწეროს ყველა მონაწილემ (მხარე, მოწმე, თარჯიმანი) გამგებლის წარმომადგენლისა და ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის ადმინისტრაციულ   ერთეულებში  არსებული   საკითხების შესწავლის, ანალიზისა და მონიტორინგის განყოფილების საჯარო მოსამსახურის  თანდასწრებით. ხელმოწერა უნდა შეიცავდეს სახელს და გვარს და უნდა დაიწეროს სრულად და გარკვევით. აქტს ბოლოს აწერს ხელს  გამგებლის წარმომადგენელი და ბოლნისის მუნიციპალიტეტის გამგეობის ადმინისტრაციული სამსახურის მუნიციპალიტეტის ადმინისტრაციულ   ერთეულებში  არსებული   საკითხების    შესწავლის, ანალიზისა და მონიტორინგის განყოფილების  საჯარო მოსამსახურე. თავი III საქონლის ადგილწარმოშობის, პირის კონკრეტულ მისამართზე ფაქტობრივად ცხოვრების   ფაქტის   დადასტურებისა   და   საქართველოს  კანონმდებლობით გათვალისწინებული   სხვა   ინფორმაცია         მუხლი 8🔗.  ცნობა  საქონლის   ადგილწარმოშობის  შესახებ საქონლის ადგილწარმოშობის შესახებ ცნობა შესაძლებელია  იყოს როგორც  სასოფლო-სამეურნეო პროდუქციის (შინაური ცხოველები, ფრინველები) მოპოვების  ფაქტის დადასტურების თაობაზე, ასევე ნებისმიერი მოძრავი ქონების თაობაზე,  გარდა მექანიკური სატრანსპორტო საშუალებებისა. ცნობა გაიცემა ფაქტობრივი მდგომარეობის ამსახველი აქტის საფუძველზე. ცნობაში მიეთითება პროდუქციის სავარაუდო მაქსიმალური ოდენობა.   მუხლი 9🔗. ცნობა  ფაქტობრივი  საცხოვრებელი  ადგილის  თაობაზე 1. ცნობა  პირის კონკრეტულ მისამართზე  ფაქტობრივი ცხოვრების ფაქტის დადასტურების შესახებ შეიძლება გაცემულ იქნეს ოჯახის სულადობის, ბავშვის მშობლებთან ერთად ცხოვრების(სკოლაში წარსადგენად), პირის კონკრეტულ მისამართზე ფაქტობრივად ცხოვრების ფაქტის დასადასტურებლად. პირის კონკრეტულ მისამართზე ფაქტობრივად ცხოვრების ფაქტის დადასტურების  თაობაზე ცნობა  გაიცემა იმ შემთხვევაში, თუ პირი ცხოვრობს მუნიციპალიტეტის ტერიტორიაზე ერთ თვეზე მეტი ხნის განმავლობაში. 2. ოჯახის წევრად ითვლება: მშობელი, მეუღლე, შვილი ან გერი და მასთან მუდმივად მცხოვრები პირი. ოჯახის წევრების ნათესაური კავშირი აქტში ჩაიწერება განმცხადებელთან მიმართებით. 3. მოქმედების  ვადა  ცნობაში არ მიეთითება. იგი განისაზღვრება ცნობის   გაცემის   დღით.  მუხლი 10🔗. ინფორმაცია   ქონების   ფაქტობრივი   ფლობა/განკარგვის, აგრეთვე კანონმდებლობით გათვალისწინებული სხვა ინფორმაცია ინფორმაცია   ქონების  (უძრავი ქონება,  გარდა მექანიკური სატრანსპორტო საშუალებებისა) ფაქტობრივი ფლობა/განკარგვის, აგრეთვე კანონმდებლობით გათვალისწინებული სხვა ინფორმაცია გაიცემა კომუნალური  გადასახდელების   დამადასტურებელი  დოკუმენტის   და/ან  ამ   წესის II თავის შესაბამისად.