,,ახმეტის მუნიციპალიტეტის გამგეობის საფინანსო-საბიუჯეტო და მუნიციპალური შესყიდვების სამსახურის დებულების დამტკიცების შესახებ“ ახმეტის მუნიციპალიტეტის საკრებულოს 2014 წლის 5 აგვისტოს №31 დადგენილებაში ცვლილების შეტანის თაობაზე

1. დადგენილებით დამტკიცებული დანართი №1-ის  მე-2 მუხლის პირველი პუნქტი ჩამოყალიბდეს შემდეგი რედაქციით:

,,1. სამსახური შედგება სამსახურის უფროსისა და სტრუქტურული ქვედანაყოფების-განყოფილებებისაგან.“.

2. დადგენილებით დამტკიცებული დანართი №1-ის  მე-2 მუხლის მეორე პუნქტი ჩამოყალიბდეს შემდეგი რედაქციით:

,,2. სამსახურის სტრუქტურული ქვედანაყოფებია:

ა ) საფინანსო- საბიუჯეტო განყოფილება;

ბ)  შესყიდვების განყოფილება.“.

3. დადგენილებით დამტკიცებულ დანართ №1-ს  დაემატოს შემდეგი შინაარსის მე-7 მუხლი:

,,მუხლი 7. საფინანსო- საბიუჯეტო განყოფილების ფუნქციები:

სამსახურის საფინანსო- საბიუჯეტო განყოფილება უზრუნველყოფს :

ა)  წლის ბიუჯეტის პროექტის შემუშავებას;

ბ) ბიუჯეტის პროექტის თაობაზე გამოთქმული შენიშვნებისა და წინადადებების სისტემატიზაციას, ანალიზს, შესაბამისი დასკვნების და რეკომენდაციების შემუშავებას;

გ) წლის ბიუჯეტის პროექტის რედაქტირებას საფინანსო-საბიუჯეტო კომისიის მიერ გამოთქმული შენიშვნების გათვალისწინებით;

დ) წინადადებების მომზადებას მუნიციპალიტეტის მიერ სესხის აღებისა და გაცემის შესახებ;

ე) მონაწილეობას ადგილობრივი გადასახადებისა და მოსაკრებლების შემოღება-გაუქმების, მათი განაკვეთების განსაზღვრის შესახებ წინადადებების მომზადებაში;

ვ) მუნიციპალური პროგრამების საფინანსო გაანგარიშებას, შესაბამისი დასკვნებისა და რეკომენდაციების შემუშავებას;

ზ) მუნიციპალიტეტის მიერ დაფუძნებული საწარმოების საფინანსო მდგომარეობის შესწავლაში მონაწილეობის მიღებას;

თ) საჭირო ინფორმაციის შეკრება-დამუშავებას ფინანსთა სამინისტროს მიერ გამოთანაბრებითი, მიზნობრივი და სპეციალური ტრანსფერის მოცულობათა გასაანგარიშებლად;

ი) წინადადებების მომზადებას ბიუჯეტის სარეზერვო ფონდის ოდენობის თაობაზე;

კ) ბიუჯეტის შემოსულობებისა და გადასახდელების განწერას კვარტალებისა და თვეების მიხედვით;

ლ) ბიუჯეტის შესრულების ანგარიშგების შედგენაში მონაწილეობის მიღებას;

მ) ბიუჯეტის  ხარჯვის  მიზნობრიობის,  ეკონომიკური  მიზანშეწონილობის     და ეფექტიანობის   ანალიზს, შესაბამისი წინადადებების,  დასკვნებისა   და  რეკომენდაციების  შემუშავებას;

ნ) ბიუჯეტის   შესრულების   ანგარიშგებაში   მონაწილეობის   მიღებას;

ო) ბიუჯეტით გათვალისწინებული   ასიგნებების   შესაბამისად ხარჯის   გაწევასა და  საფინანსო  ოპერაციების   წარმოებას;

პ) მუნიციპალიტეტის   მიერ   დაფუძნებული  იურიდიული  პირების   მიერ   გაწეული   ხარჯების   მიზნობრიობის,   მიზანშეწონილობის   და   ეფექტიან   შეფასებას,  შესაბამისი   დასკვნებისა   და   რეკომენდაციების   შემუშავებას;

ჟ) ადგილობრივი   ბიუჯეტის   საკასო  შესრულებაზე   ზედამხედველობას;

რ) მუნიციპალიტეტის ორგანოების საბუღალტრო  აღრიცხვის წარმოებას;

ს) ბიუჯეტით  გათვალისწინებული ასიგნებების   შესაბამისად ხარჯების  გაწევასა და  საფინანსო ოპერაციების  წარმოებას;

ტ) მუნიციპალიტეტის   საბანკო ანგარიშების   მართვასა და  ურთიერთობებს ხაზინასთან, აგრეთვე    საბანკო  დაწესებულებებთან;

უ)  მუნიციპალიტეტის მიერ  აღებული და გაცემული  სესხების მართვას;

ფ)  საკრებულოს,  მუნიციპალური   სამსახურებისა  და ადმინისტრაციული ერთეულების  სარგებლობაში   არსებული  ქონების  აღწერა-ინვენტარიზაციას;

ქ) მუნიციპალიტეტის  საჯარო  მოსამსახურეთა  ხელფასების,   სამივლინებო ხარჯებისა  და სხვა  გადასახდელების   გაცემას;

ღ) მოქმედი კანონმდებლობითა და მუნიციპალიტეტის  სამართლებრივი  აქტებით განსაზღვრული  სხვა  ფუნქციების   განხორციელებას.“.