გურჯაანის მუნიციპალიტეტის საკუთრებაში არსებული ქონების პრივატიზებისას და სარგებლობის უფლებით გაცემისას ელექტრონულ აუქციონში გამარჯვების დამადასტურებელი ოქმების, ნასყიდობისა და სარგებლობის უფლებით გაცემის ხელშეკრულებისა და საკუთრების უფლების დამადასტურებელი მოწმობის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველის პუნქტის, „ე.გ“ ქვეპუნქტის, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის, „მუნიციპალიტეტის ქონების პრივატიზების, სარგებლობისა და მართვის უფლებებით  გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესების დამტკიცების შესახებ“ საქართველოს მთავრობის 2014 წლის 8 დეკემბრის №669 დადგენილებით დამტკიცებული წესის მე-4 მუხლისა და ამავე დადგენილების  მე-11 მუხლის მე-7 პუნქტის შესაბამისად, გურჯაანის მუნიციპალიტეტის საკრებულო ადგენს:

დამტკიცდეს პრივატიზების მიზნით, პირობის გარეშე გამოცხადებულ, ელექტრონულ აუქციონში გამარჯვების დამადასტურებელი ოქმის ფორმა დანართი №1-ის შესაბამისად. 

  დამტკიცდეს პრივატიზების მიზნით, პირობით გამოცხადებულ ელექტრონულ აუქციონში გამარჯვების დამადასტურებელი ოქმის ფორმა დანართი  №2-ის შესაბამისად. 

  დამტკიცდეს საკუთრების უფლების დამადასტურებელი მოწმობის ფორმა დანართი №3-ის  შესაბამისად. 

 დამტკიცდეს პრივატიზების მიზნით, პირობის გარეშე გამოცხადებულ ელექტრონულ აუქციონში გამარჯვებულის  ნასყიდობის ხელშეკრულების ფორმა დანართი №4-ის  შესაბამისად.

 დამტკიცდეს პრივატიზების მიზნით პირობით გამოცხადებულ ელექტრონული აუქციონში გამარჯვებულის ნასყიდობის ხელშეკრულების ფორმა  დანართი №5-ის შესაბამისად. 

დამტკიცდეს ქონების სარგებლობის უფლებით გადაცემის მიზნით პირობის გარეშე გამოცხადებულ ელექტრონული აუქციონში გამარჯვების  დამადასტურებელი ოქმის ფორმა  დანართი №6-ის შესაბამისად. 

 დამტკიცდეს ქონების სარგებლობის უფლებით გადაცემის მიზნით პირობიან ელექტრონული აუქციონში გამარჯვების  დამადასტურებელი ოქმის ფორმა  დანართი №7-ის შესაბამისად.

ძალადაკარგულად გამოცხადდეს „აუქციონში გამარჯვების დამადასტურებელი ოქმის და პირობიან აუქციონში გამარჯვების დამადასტურებელი ოქმის ფორმების დამტკიცების შესახებ“ გურჯაანის მუნიციპალიტეტის საკრებულოს  2011 წლის 9თებერვლის  №9 დადგენილება (გამოქვეყნების წყარო: www.matsne.gov.ge, 22/02/2011 200250000.35.166.016031) .

 დადგენილება ამოქმედდეს გამოქვეყნებისთანავე.