„სამოქალაქო აქტების ჩანაწერების და სამოქალაქო აქტების რეგისტრაციის მოწმობების ფორმების, რეკვიზიტებისა და ბლანკების ნიმუშების დამტკიცების შესახებ“ საქართველოს იუსტიციის მინისტრის 2012 წლის 21 მარტის №39 ბრძანებაში ცვლილების შეტანის თაობაზე

საქართველოს იუსტიციის მინისტრი ს

2016 წლის 15 თებერვალი

ქ. თბილისი

1. 3³ პუნქტის:

ა) მე-3 აბზაცი ჩამოყალიბდეს შემდეგი რედაქციით:

„მოწმობის მეორე და მესამე  გვერდებზე დატანილია ვერცხლისფერი ორნამენტი (გაშლილ მდგომარეობაში ფურცლის შუა ნაწილში გადაკეცვის ადგილას ზედა და ქვედა მხარეს). მოწმობის რეკვიზიტების გენერირება ხორციელდება პროგრამულად და დაიტანება დოკუმენტის ბეჭდვისას. მოწმობის მეოთხე გვერდის მარცხენა მხარეს დატანილია ვერტიკალური ვერცხლისფერი ორნამენტი, ხოლო გვერდის ქვედა მხარეს – წარწერა: „მოწმობის ვალიდურობა შეგიძლიათ გადაამოწმოთ სააგენტოს ვებგვერდზე - www.sda.gov.ge“.“;

ბ) მე-5 აბზაცი ჩამოყალიბდეს შემდეგი რედაქციით:

„ყდის პირველ გვერდზე დატანილია ვერტიკალური ვერცხლისფერი ორნამენტი. ორნამენტის  გვერდით, ცენტრში, დატანილია ფოლგირებული წარწერა „დაბადების მოწმობა“. ყდის მეორე და მესამე გვერდი ცარიელია. მეოთხე გვერდის ქვედა მხარეს განთავსებულია სააგენტოს სრული ვერტიკალური ლოგო ერთ ფერში, ქვევით მოთავსებულია წარწერა: „მოწმობის ვალიდურობა შეგიძლიათ გადაამოწმოთ სააგენტოს ვებგვერდზე - www.sda.gov.ge”. ყდის პირველ და მეოთხე გვერდები ჩასმულია ვერცხლისფერ ჩარჩოში და მათზე დატანილია მცირე ზომის ორნამენტირებული ელემენტები.“.

2. 3⁴ პუნქტის:

ა) მე-2 აბზაცი ჩამოყალიბდეს შემდეგი რედაქციით:

„მოწმობის პირველ გვერდზე დატანილია წარწერა:  „ქორწინების მოწმობა“.  გვერდი ჩასმულია ოქროსფერ ჩარჩოში. მოწმობის მეორე გვერდზე ზედა მხარეს დატანილია სიტყვა  „საქართველო“, მცირე სახელმწიფო  გერბი და წარწერა „ქორწინების მოწმობა“.  მოწმობის მეორე და მესამე  გვერდებზე  დატანილია ოქროსფერი ჩარჩო. მოწმობის მესამე გვერდის ქვედა მარჯვენა კუთხეში დატანილია ოქროსფერი ორნამენტი, რომელშიც ჩასხმულია ოხრა. მოწმობის რეკვიზიტების გენერირება ხორციელდება პროგრამულად და დაიტანება დოკუმენტის ბეჭდვისას. მოწმობის მეოთხე გვერდზე დატანილია წარწერა: „მოწმობის ვალიდურობა შეგიძლიათ გადაამოწმოთ სააგენტოს ვებგვერდზე -  www.sda.gov.ge“. გვერდი ჩასმულია ჩარჩოში.“;

ბ) მე-4 აბზაცი ჩამოყალიბდეს შემდეგი რედაქციით:

„ყდის პირველ გვერდზე დატანილია ოქროსფერი ჩარჩო. ამავე გვერდის ცენტრში არის  ფოლგირებული წარწერა: „ქორწინების მოწმობა“, რომელიც ჩასმულია  ორნამენტირებულ ჩარჩოში. გვერდის ქვედა მარჯვენა კუთხეში დატანილია ოქროსფერი ორნამენტი.  ყდის მეორე და მესამე გვერდები ცარიელია. ყდის მეოთხე გვერდზე დატანილია ოქროსფერი ჩარჩო.  გვერდის  ქვედა მხარეს განთავსებულია სააგენტოს სრული ვერტიკალური ლოგო ერთ ფერში, ქვევით მოთავსებულია წარწერა: „მოწმობის ვალიდურობა შეგიძლიათ გადაამოწმოთ სააგენტოს ვებგვერდზე – www.sda.gov.ge“.“.

3. ბრძანებით დამტკიცებული დანართი:

ა) №1ა დაბადების მოწმობა – ჩამოყალიბდეს თანდართული რედაქციით;

ბ) №7ა ქორწინების მოწმობა – ჩამოყალიბდეს თანდართული რედაქციით.