სახელმწიფო საკუთრებაში არსებული უძრავი ქონების ფიზიკური პირების − მერაბ ცინცქილაძისათვის და მაია მიქელაძისათვის პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №194

2016 წლის 11 თებერვალი

ქ. თბილისი

სახელმწიფო საკუთრებაში არსებული უძრავი ქონების ფიზიკური პირების − მერაბ ცინცქილაძისათვის და მაია მიქელაძისათვის პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, ქ. ბათუმში, ვაჟა-ფშაველას ქუჩა №5-7-ში მდებარე 121.40 კვ.მ ბინა №3-4 და მასზე წილობრივად დამაგრებული მიწის ნაკვეთი (მიწის (უძრავი ქონების) საკადასტრო კოდი: №05.22.11.007.01.504) პირდაპირი მიყიდვის ფორმით, სიმბოლურ ფასად, 1 (ერთი) ლარად, საკუთრებაში გადაეცეთ ფიზიკურ პირებს − მერაბ ცინცქილაძესა (პ/ნ 61001006729) და მაია მიქელაძეს (პ/ნ 61001006605).

2.  საპრივატიზებო პირობად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) კალენდარულ დღეში;

ბ) ფიზიკური პირების − მერაბ ცინცქილაძისა და მაია მიქელაძის მხრიდან სახელმწიფოს მიმართ ქონებრივი ან სხვა სახის ზიანის (მათ შორის, საქართველოს საერთო სასამართლოების მიერ დადგენილის) ანაზღაურებაზე, ასევე ყოველგვარ მოთხოვნაზე, საჩივარზე, სარჩელზე უარის თქმა, როგორც საქართველოს საერთო სასამართლოებში, ისე ნებისმიერი სხვა ქვეყნის, მათ შორის, ადამიანის უფლებათა ევროპულ სასამართლოში ან/და არბიტრაჟში.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

 

პრემიერ-მინისტრი                              გიორგი კვირიკაშვილი