„საჯარო სამართლის იურიდიული პირის – საქართველოს ტურიზმის ეროვნული ადმინისტრაციის დებულების დამტკიცების შესახებ” საქართველოს ეკონომიკისა და მდგრადი განვითარების მინისტრის 2012 წლის 17 იანვრის №1-1/131 ბრძანებაში ცვლილების შეტანის თაობაზე

საქართველოს ეკონომიკისა და მდგრადი განვითარების მინისტრის

2016 წლის 15 თებერვალი

ქ. თბილისი

ა) მე-2 მუხლის პირველი პუნქტი ჩამოყალიბდეს შემდეგი რედაქციით:
„1. ადმინისტრაციის მიზნებია საქართველოში ტურიზმის განვითარების სახელმწიფო პოლიტიკის ჩამოყალიბება და განხორციელება, მდგრადი ტურიზმის განვითარების ხელშეწყობა, ტურიზმის განვითარების საფუძველზე, ქვეყანაში მაღალი საექსპორტო შემოსავლების ზრდისა და ახალი სამუშაო ადგილების შექმნის ხელშეწყობა, შესაბამისი ბიუჯეტიდან გამოყოფილი თანხებით ან/და სხვა შემოსავლის წყაროს საშუალებით, საქართველოს პოპულარიზაციისა და საერთაშორისო და შიდა ტურისტული ნაკადების ზრდის მიზნით, ტურისტულად მიმზიდველი კომერციული ან/და არაკომერციული ხასიათის ღონისძიებების რეკლამა/პროპაგანდა.”;

ბ) მე-3 მუხლის მე-6 პუნქტის „ლ" ქვეპუნქტის შემდეგ დაემატოს შემდეგი შინაარსის „ლ¹" ქვეპუნქტი:
„ლ¹) უფლებამოსილია მინისტრთან შეთანხმებით სააგენტოში დასაქმებულ პირებზე დააწესოს დანამატი გარკვეული პერიოდის განმავლობაში (არაუმეტეს შესაბამისი საბიუჯეტო წლის ბოლომდე) „საქართველოს შრომის კოდექსის“ მე-17 მუხლით განსაზღვრული ზეგანაკვეთური სამუშაოს შესრულების, სააგენტოს ან/და უშუალო ხელმძღვანელის დავალებით, იმ სამუშაოს შესრულებისათვის, რაც სცდება დასაქმებული პირის უშუალო მოვალეობას, თუმცა პირდაპირ არის დაკავშირებული სააგენტოს ან/და სამინისტროს საქმიანობის მიზნებთან და ამოცანებთან, აგრეთვე განსაკუთრებული სირთულის ან/და მნიშვნელობის დავალების შესრულებისათვის, რომელიც დაკავშირებულია სააგენტოსა ან/და სამინისტროს საქმიანობასთან.“;
გ) მე-3 მუხლის მე-6 პუნქტის „ნ" ქვეპუნქტის შემდეგ დაემატოს შემდეგი შინაარსის „ნ¹“ და „ნ²“  ქვეპუნქტები:

„ნ¹) ამტკიცებს საქართველოს საკონვენციო და საგამოფენო ბიუროს საქმიანობის სახელმძღვანელოს, რომელიც წამოადგენს საკონვენციო ბიუროსა და მის წევრებს შორის თანამშრომლობის წესს;

ნ²) ამტკიცებს საქართველოს საკონვენციო და საგამოფენო ბიუროს საქმიანი ტურიზმის სფეროში მომსახურების ადგილობრივი მიმწოდებლების მონაცემთა ბაზაში გაწევრიანების კრიტერიუმებს;”

დ) მე-4 მუხლის მე-3 პუნქტს დაემატოს „პ“ და „ჟ“  ქვეპუნქტები შემდეგი რედაქციით:

„პ) კურორტებისა და საკურორტო ადგილების განვითარების სამმართველო;

ჟ) საქართველოს საკონვენციო და საგამოფენო ბიურო.“;

ე) მე-4 მუხლის მე-8 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ტურიზმის ინდუსტრიის შესახებ პუბლიკაციებისა და კვლევის შედეგების ამსახველი ანალიტიკური ნაშრომების მომზადება/გამოცემა;“;

ვ) მე-4 მუხლის მე-8 პუნქტს დაემატოს „თ“ ქვეპუნქტი შემდეგი რედაქციით:

„თ) კომპეტენციის ფარგლებში, ღონისძიებების, პროექტების დაგეგმვა, განხორციელება და მონაწილეობა.” ;

ზ) მე-4 მუხლის მე-10 პუნქტის „თ“ ქვეპუნქტი ამოღებულ იქნეს.

თ) მე-4 მუხლის მე-12 პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) საქართველოს ტურისტული პოტენციალის უკეთ გაცნობის მიზნით საზღვარგარეთის ქვეყნებსა და ქვეყნის შიგნით, პრეზენტაციების, პრეს-კონფერენციებისა და სხვა მარკეტინგული ღონისძიებების მოწყობა;“;
ი) მე-4 მუხლის მე-12 პუნქტის „ვ“ ქვეპუნქტის შემდეგ დაემატოს შემდეგი შინაარსის  „ვ¹“ ქვეპუნქტი:
„ვ¹) საქართველოს ტურისტული პოტენციალის პოპულარიზაციისა და მისი წარმოჩენის მიზნით, საერთაშორისო და შიდა ბაზრებზე, ტურისტულად მიმზიდველი კომერციული ან/და არაკომერციული ხასიათის ღონისძიებების პროპაგანდა, დაგეგმილ პრეზენტაციებში, პრეს-კონფერენციებსა და სხვა მარკეტინგულ ღონისძიებებსა და მარკეტინგულ კამპანიებში შესაბამისი ინფორმაციის/რეკლამის ინტეგრირების გზით;“;
კ) მე-4 მუხლის მე-12 პუნქტის „ზ“ ქვეპუნქტის შემდეგ დაემატოს შემდეგი შინაარსის „ზ¹“ ქვეპუნქტი:
„ზ¹) ტურისტული პროდუქტების, პროექტებისა და საქართველოს შესახებ სარეკლამო-საინფორმაციო მასალაში ტურისტულად მიმზიდველი კომერციული ან/და არაკომერციული ხასიათის ღონისძიებების შესახებ შესაბამისი ინფორმაციის/რეკლამის ინტეგრირება;“;
ლ) მე-4 მუხლის მე-12 პუნქტის "ი" ქვეპუნქტის შემდეგ დაემატოს შემდეგი შინაარსის „კ" ქვეპუნქტი:
„კ) ადგილობრივ და საერთაშორისო ტურისტულ გამოფენებსა და ბაზრობების ფარგლებში ადმინისტრაციის მიერ განსახორციელებელი შესყიდვისთვის ჩასატარებელი ბაზრის გამოკვლევის წარმოება/მონაწილეობა, სამეურნეო და სახელმწიფო შესყიდვების განყოფილებასთან კოორდინირებულად.“;
მ) მე-4 მუხლის მე-13 პუნქტის „გ“ ქვეპუნქტი ჩამოყალიბდეს შემდეგი რედაქციით:
„გ) უცხოელი ჟურნალისტების, ბლოგერებისა და ცნობადი სახეების  საქართველოში მოწვევის, ჩამოყვანისა და მასპინძლობის უზრუნველყოფა.“;

ნ) მე-4 მუხლის მე-18 პუნქტის „ა“ ქვეპუნქტები ჩამოყალიბდეს შემდეგი რედაქციით:
„ა) ტურიზმის სფეროში მომსახურების ადგილობრივი მიმწოდებლების ბაზის მუდმივი განახლებისათვის საჭირო ინფორმაციის შეფროვება;“;
ო) მე-4 მუხლის მე-18 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ტურიზმის სფეროში მომსახურების მიმწოდებლების მხრიდან ტურიზმში არსებული სიახლეების შესახებ ინფორმაციის გავრცელება;“;

პ) მე-4 მუხლის მე-18 პუნქტის „დ“ ქვეპუნქტი ამოღებულ იქნეს;

ჟ) მე-4 მუხლის მე-19 პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) ტურისტული მომსახურების ადგილობრივი მიმწოდებლების ხარისხის გაუმჯობესების მიზნით სხვადასხვა ორგანიზაციებთან თანამშრომლობა;“;

„ბ) ხარისხის ნიშნის შემუშავების ხელშეწყობა;“;

რ) მე-4 მუხლის მე-19 პუნქტის „გ“ ქვეპუნქტი ამოღებულ იქნეს;

ს) მე-4 მუხლის მე-19 პუნქტის "დ" ქვეპუნქტი ჩამოყალიბდეს შემდეგი რედაქციით:

„დ) საქართველოს ტურიზმის ეროვნული ადმინისტრაციის მიერ დატრენინგებული ტურისტული მომსახურების ადგილობრივი მიმწოდებლების მონაცემთა ბაზის წარმოება;“;

ტ) მე-4 მუხლის მე-20 პუნქტის შემდეგ დაემატოს შემდეგი შინაარსის „20¹“ და „20²“  პუნქტები:

„20¹. კურორტებისა და საკურორტო ადგილების განვითარების
სამმართველოს ფუნქციები და ამოცანებია:

ა) საქართველოს კანონმდებლობის შესაბამისად, შესაბამის უწყებებთან შეთანხმებით, სანიტარიული დაცვის ზონების პროექტების შედგენა და შესაბამისი უწყებებისათვის წარდგენა;

ბ) აფხაზეთისა და აჭარის ავტონომიურ რესპუბლიკებში შესაბამისი აღმასრულებელი ხელისუფლების უფლებამოსილი ორგანოების მიერ შედგენილი სანიტარიული დაცვის ზონების განხილვა და შეთანხმება;

გ) კომპეტენციის ფარგლებში, ადგილობრივი თვითმმართველობის ორგანოებთან შეთანხმებით, „კურორტებისა და საკურორტო ადგილების სანიტარული დაცვის ზონების შესახებ“ საქართველოს კანონით გათვალისწინებულ საკითხებზე რეკომენდაციების გაცემა და გასატარებელ ღონისძიებათა კოორდინაცია;

დ) საქართველოს კურორტების ნუსხისა და სტატუსის შემუშავება, განახლება, აღნიშნული მიზნით საჭიროების შემთხვევაში შესაბამისი კვლევების ჩატარება და კანონდებლობის შესაბამისად საქართველოს მთავრობისათვის წარდგენა;

ე) კომპეტენციის ფარგლებში, საჭირო კვლევების ჩასატარებლად ტექნიკური დავალებისა და შესაბამისი დოკუმენტაციის მომზადება;

ვ) კომპეტენციის ფარგლებში, საქარველოში კურორტების და საკურორტო ადგილების განვითარების მიზნით სხვადასხვა ღონისძიებებისა და აქტივობების დაგეგმვა, განხორციელება, თანამონაწილეობა.

„20². საქართველოს საკონვენციო და საგამოფენო ბიუროს ფუნქციები და ამოცანებია:

ა) საქართველოში საქმიანი ტურიზმის განვითარებისა და სხვადასხვა სახის შეხვედრების, წამახალისებელი ტურების, კონფერენციების, გამოფენებისა და სხვა მსგავსი საერთაშორისო ღონისძიებების მოზიდვის ხელშეწყობა;

ბ) საქმიანი ტურიზმის სფეროში მომსახურების ადგილობრივი მიმწოდებლების მონაცემთა ბაზის შექმნა და განახლება. მონაცემთა ბაზის წევრებთან თანამშრომლობისას, ბიურო მოქმედებს ხელმძღვანელის მიერ დამტკიცებული საკონვენციო და საგამოფენო ბიუროს საქმიანობის სახელმძღვანელოს ფარგლებში. საქმიანი ტურიზმის სფეროში მომსახურების ადგილობრივი მიმწოდებლების მონაცემთა ბაზაში გაწევრიანება ხდება ხელმძღვანელის მიერ დამტკიცებული საქართველოს საკონვენციო და საგამოფენო ბიუროს საქმიანი ტურიზმის სფეროში მომსახურების ადგილობრივი მიმწოდებლების მონაცემთა ბაზაში გაწევრიანების კრიტერიუმების შესაბამისად;

გ) საქმიანი ტურიზმის განვითარების ხელშეწყობის მიზნით საერთაშორისო ტენდერების და განაცხადების (ბიდები) მოძიება, საქმიანი ტურიზმის სფეროში მომსახურების ადგილობრივი მიმწოდებლების მონაცემთა ბაზის წევრებისათვის აღნიშნულის შესახებ ინფორმაციის მიწოდება, შესაბამისი მასალის მომზადება და მათში მონაწილეობის მიღება;

დ) საქართველოში საქმიანი ტურიზმის განვითრების ხელშეწყობის მიზნით, საქართველოს საქმიანი ტურიზმის ბრენდის ჩამოყალიბება და განვითარების ხელშეწყობა;

ე) საქართველოს საქმიანი ტურიზმის პოტენციალის პოპულარიზაცია და მისი წარმოჩენა  საერთაშორისო და შიდა ბაზრებზე;

ვ) საქართველოს საქმიანი ტურიზმის პოტენციალის პოპულარიზაციის მიზნით კომუნიკაციის არხების/მეთოდების განსაზღვრა და განხორციელება მიზნობრივი ბაზრების მიხედვით;

ზ) შესაბამისი ადგილობრივი და საერთაშორისო ტურისტული გამოფენებისა და ბაზრობების ნუსხის შედგენა, დაგეგმვა და საქართველოს საკონვენციო და საგამოფენო ბიუროს სახელით მონაწილეობა;

თ) საქართველოს საქმიანი ტურიზმის პოტენციალის უკეთ გაცნობის მიზნით, საქართველოს საკონვენციო და საგამოფენო ბიუროს სახელით, საზღვარგარეთის ქვეყნებში პრეზენტაციების, პრეს-კონფერენციებისა და სხვა ღონისძიებების მოწყობა/თანამონაწილეობა;

ი) საერთაშორისო ბაზარზე ქვეყანაში არსებული საქმიანი ტურიზმის პოტენციალის წარმოსაჩენად, შესაბამის საერთაშორისო ორგანიზაციებთან და უწყებებთან თანამშრომლობა. მიზნობრივ ფორუმებსა და კონფერენციებში მონაწილეობა და შეხვედრების გამართვა;

კ) კომპეტენციის ფარგლებში, შესაბამისი პირების, მათ შორის, ადგილზე ინსპექტირების ჩატარებაზე პასუხისმგებელი პირების საქართველოში მოწვევის, ჩამოყვანისა და მასპინძლობის უზრუნველყოფა;

ლ) საქართველოს საქმიანი ტურიზმის პოტენციალის წარმოჩენის მიზნით, შესაბამისი სარეკლამო საინფორმაციო მასალის (ბეჭდვითი, ვიდეო, ციფრული და სხვა) მომზადებისა და მასიური არხებით გავრცელების ორგანიზება/თანამონაწილეობა;

მ) შესაბამისი ვებგვერდების შექმნა და პერიოდული განახლება;

ნ) საქართველოს საქმიანი ტურიზმის ბრენდის განვითარების მიზნით, საჭირო კვლევების ჩასატარებლად ტექნიკური დავალების მომზადებაში მონაწილეობა;

ო) საქართველოში საქმიანი ტურიზმის სფეროსთან დაკავშირებული კერძო სექტორის წარმომადგენლებთან და სახელმწიფო სტრუქტურებთან თანამშრომლობა, კომპეტენციის ფარგლებში პროექტების დაგეგმვა და განხორციელებაში მონაწილეობა.“
უ) მე-7 მუხლის "ე" ქვეპუნქტი ჩამოყალიბდეს შემდეგი რეგაქციით:
„ე) თანამშრომელთა მატერიალური წახალისებისთვის და დანამატებისთვის გამოსაყოფი სახსრების, აგრეთვე ადმინისტრაციას მიერ შესაძენი საწვავისა და გასაწევი საკომუნიკაციო ხარჯების ლიმიტების განსაზღვრა.“.