„საქართველოს სასჯელაღსრულებისა და პრობაციის სამინისტროს შიდა აუდიტის სამსახურის დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 25 ივნისის №57 ბრძანებაში ცვლილების შეტანის თაობაზე

1. მე-6 მუხლი ამოღებულ იქნეს.

2. მე-9 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) ახორციელებს სამინისტროს სისტემის წინაშე არსებული რისკების მართვის ხარისხის შეფასებას;“;

ბ) „გ“ ქვეპუნქტი ჩამოყალიბდეს შემდეგი რედაქციით:

„გ) ახორციელებს სამინისტროს სისტემის საქმიანობის საქართველოს კანონმდებლობასთან შესაბამისობის შეფასებას;“;

გ) „კ“ ქვეპუნქტს დაემატოს შემდეგი შინაარსის „კ¹“ ქვეპუნქტი:

„კ¹) მინისტრის დავალებით, უზრუნველყოფს არაგეგმური აუდიტის განახორციელებას;“.

3. მე-10 მუხლის „ბ“ ქვეპუნქტი ჩამოყალიბდეს შემდეგი რედაქციით:

„ბ) შიდა აუდიტის განხორციელებამდე შიდა აუდიტის ობიექტს წარუდგინოს აუდიტორული შემოწმების ინდივიდუალურ გეგმა;“.

4. მე-11 მუხლის პირველი პუნქტი ჩამოყალიბდეს შემდეგი რედაქციით:

„1. შიდა აუდიტის დაწყების საფუძველია კანონისა და დებულების მოთხოვნათა შესაბამისად, შიდა აუდიტის სტრატეგიული გეგმის საფუძველზე შემუშავებული და მინისტრის მიერ დამტკიცებული შიდა აუდიტის წლიური გეგმა, რომელშიც აისახება მოქმედების სფერო, ამოცანები, ხანგრძლივობა და რესურსების განაწილება, შიდა აუდიტის მეთოდები, სახე და რაოდენობა. შიდა აუდიტის ობიექტს შიდა აუდიტის განხორციელებამდე წარედგინება შიდა აუდიტის სამსახურის უფროსის მიერ  შედგენილი და დამტკიცებული აუდიტორული შემოწმების ინდივიდუალური გეგმა, რომელშიც აისახება მოქმედების სფერო, ამოცანები, ხანგრძლივობა და რესურსების განაწილება, შიდა აუდიტის მეთოდები, სახე და რაოდენობა.“.

5. მე-12 მუხლის მე-3 პუნქტის „ს“ ქვეპუნქტი ჩამოყალიბდეს შემდეგი რედაქციით:

„ს) უზრუნველყოფს სამსახურის მოსამსახურეთა კვალიფიკაციის ამაღლებისა და გადამზადების ხელშეწყობას;“.

6. მე-14 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) შიდა აუდიტის განხორციელებამდე შიდა აუდიტის ობიექტს წარუდგენს შიდა აუდიტორული შემოწმების ინდივიდუალური გეგმას;“;

ბ) „ა“ ქვეპუნქტს დაემატოს შემდეგი შინაარსის „ა¹“ ქვეპუნქტი:

„ა¹) ახორციელებს შიდა აუდიტს „სახელმწიფო შიდა ფინანსური კონტროლის შესახებ“ საქართველოს კანონით დადგენილი წესით;“.