ქალაქ ხობში ავტოსატრანსპორტო საშუალებების მოძრაობის რეგულირების შესახებ

ქალაქ ხობში ავტოსატრანსპორტო საშუალებების მოძრაობის რეგულირების შესახებ ხობის მუნიციპალიტეტის საკრებულოს დადგენილება №11 2016 წლის 29 თებერვალი ქ.ხობი ქალაქ ხობში ავტოსატრანსპორტო საშუალებების მოძრაობის რეგულირების შესახებ საქართველოს ორგანული კანონის „ადგილობრივი თვითმართველობის კოდექსი“ მე-16 მუხლის მე-2 პუნქტის „კ“ ქვეპუნქტის, 24-ე მუხლის მე-2 პუნქტის და „საგზაო მოძრაობის შესახებ“  საქართველოს კანონის მე-2 მუხლის პირველი პუნქტის „ა“ ქვეპუნქტის შესაბამისად, ხობის მუნიციპალიტეტის საკრებულო ადგენს: მუხლი 1🔗 ქალაქ ხობში 9 აპრილისა და ბერიას ქუჩებზე შემოღებულ იქნეს ცალმხრივი მოძრაობა, ცოტნე დადიანის ქუჩიდან აიკრძალოს ბერიას ქუჩის მიმართულებით შეხვევა და ამ ქუჩების გადაკვეთაზე განთავსდეს ამკრძალავი ნიშანი „მოძრაობა აკრძალულია“. 9 აპრილისა და სტალინის ქუჩების გადაკვეთაზე განთავსდეს ამკრძალავი ნიშანი „მოძრაობა აკრძალულია“ და 9 აპრილის ქუჩიდან აიკრძალოს ცოტნე დადიანის ქუჩის მიმართულებით ავტოსატრანსპორტო საშუალებათა მოძრაობა. მუხლი 2🔗 ხობის მუნიციპალიტეტის გამგეობამ ამ დადგენილების ამოქმედებიდან 30 დღის ვადაში უზრუნველყოს საგზაო ნიშნების განთავსებისათვის აუცილებელი ღონისძიებების გატარება. მუხლი 3🔗 დადგენილება ამოქმედდეს გამოქვეყნებისთანავე. ხობის მუნიციპალიტეტის საკრებულოს თავმჯდომარეედიშერ ჯობავა