"საჯარო სამართლის იურიდიული პირის - მეწარმეობის განვითარების სააგენტოს დებულების დამტკიცების შესახებ" საქართველოს ეკონომიკისა და მდგრადი განვითარების მინისტრის 2014 წლის 4 აპრილის №1-1/90 ბრძანებაში ცვლილებების შეტანის თაობაზე

საქართველოს ეკონომიკისა და მდგრადი განვითარების მინისტრის

2016 წლის 29 თებერვალი

ქ. თბილისი

„4. დირექტორს ჰყავს ორი მოადგილე,  რომლებსაც თანამდებობაზე ნიშნავს და თანამდებობიდან ათავისუფლებს დირექტორი სამინისტროსთან შეთანხმებით. მოადგილეებს შორის უფლებამოსილებებსა და ფუნქციებს ანაწილებს დირექტორი. დირექტორის ერთ-ერთი მოადგილე ხელმძღვანელობს სააგენტოს ადმინისტრაციულ დეპარტამენტს.“.

2. მე-4 მუხლის მე-2 პუნქტს დაემატოს შემდეგი შინაარსის  „ვ“ ქვეპუნქტი:

„ვ) შემოქმედებითი მეწარმეობის და მომსახურების განვითარების დეპარტამენტი.“.

3. მე-5 მუხლს დაემატოს შემდეგის შინაარსის  მე-6 პუნქტი:

„6. შემოქმედებითი მეწარმეობის და მომსახურების განვითარების დეპარტამენტის ამოცანები და ფუნქციებია:

ა) ქვეყანაში  შემოქმედებითი მეწარმეობის და მომსახურების განვითარების საჭიროებების იდენტიფიცირება და შესაბამისი აქტივობების დაგეგმვა/განხორციელება;

ბ) შემოქმედებითი მეწარმეობის და მომსახურების განვითარებისათვის საჭირო აქტივობების ხელშეწყობისთვის აუცილებელი მექანიზმების ინიციირება და განხორციელება;

გ) ქვეყანაში შემოქმედებითი მეწარმეობისა და მომსახურების კულტურის განვითარების ხელშეწყობა საკონსულტაციო, საგანმანათლებლო და სხვა სახის ტექნიკური მხარდაჭერის აღმოჩენის გზით;

დ) ქვეყნისთვის შემოქმედებითი მეწარმეობის და მომსახურების განვითარების კუთხით პრიორიტეტული სფეროების იდენტიფიცირება და მათ მხარდასაჭერად ბაზრის პრინციპებზე მორგებული მექანიზმების შემუშავება;

ე) შემოქმედებითი მეწარმეობის და მომსახურების განვითარებისკენ ორიენტირებული სახელმწიფო პროგრამების განხორციელება რელევანტურ მხარეებთან და ინსტიტუტებთან თანამშრომლობის მეშვეობით;

ვ) ქვეყანაში შემოქმედებითი მეწარმეობის და მომსახურების განვითარების მიზნით ადგილობრივ და საერთაშორისო ორგანიზაციებთან მჭიდრო თანამშრომლობა;

ზ) შემოქმედებითი მეწარმეობის და მომსახურების განვითარების მიზნით ფინანსებზე ხელმისაწვდომობის მექანიზმების შემუშავება და დანერგვა;

თ) შემოქმედებითი მეწარმეობის და მომსახურების სფეროს წარმომადგენლებთან ყოველდღიური კომუნიკაციის დამყარება და მათი საჭიროებების ანალიზი;

ი) შემოქმედებითი მეწარმეობის და მომსახურების პრაქტიკების შესახებ საზოგადოების ცნობიერების ამაღლება, განსაკუთრებით რეგიონის მოსახლეობისთვის;

კ) ქვეყნის რეგიონებში შემოქმედებითი მეწარმეობის და მომსახურების განვითარების ხელშემწყობი მექანიზმების იდენტიფიცირება, რეგიონებს შორის განვითარების არათანაბარი დონის აღმოფხვრის მიზნით.“.