„საქართველოს სასჯელაღსრულებისა და პრობაციის სამინისტროს ეკონომიკური დეპარტამენტის ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე“ საქართველოს სასჯელაღსრულებისა და პრობაციის მინისტრის 2015 წლის 24 ივნისის №49 ბრძანებაში ცვლილების შეტანის შესახებ

1. მე-2 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) უმაღლესი განათლება (ეკონომიკურ განათლებასა და მაგისტრის ან დოქტორის აკადემიურ ხარისხს მიენიჭება უპირატესობა);“.

2. მე-3 მუხლის პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) უმაღლესი განათლება (ეკონომიკურ ან იურიდიულ განათლებას მიენიჭება უპირატესობა);

ბ) შესყიდვების მიმართულებით მუშაობის არანაკლებ 1-წლიანი გამოცდილება;“.

3. მე-4 მუხლის პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) უმაღლესი განათლება (ეკონომიკურ ან იურიდიულ განათლებას მიენიჭება უპირატესობა);

ბ) შესყიდვების მიმართულებით მუშაობის არანაკლებ 1-წლიანი გამოცდილება;“.

4. მე-5 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) შესყიდვების მიმართულებით მუშაობის არანაკლებ 6-თვიანი გამოცდილება;“.

5. მე-7 მუხლის პირველი პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) ხაზინის ელექტრონული პროგრამისა და ორის მენეჯერის ცოდნა;“.

6. მე-8 მუხლის პირველი პუნქტის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) უმაღლესი განათლება (ეკონომიკურ განათლებას მიენიჭება უპირატესობა);“;

ბ) „გ“ ქვეპუნქტი ჩამოყალიბდეს შემდეგი რედაქციით:

„გ) ხაზინის ელექტრონული პროგრამისა და ორის მენეჯერის ცოდნა (სასურველია);“.

7. მე-9 მუხლის პირველი პუნქტის „ა“ - „გ“ ქვეპუნქტები ჩამოყალიბდეს შემდეგი რედაქციით:

„ა) უმაღლესი განათლება (ეკონომიკურ განათლებას მიენიჭება უპირატესობა);

ბ) ბუღალტრად მუშაობის არანაკლებ 6-თვიანი გამოცდილება;

გ) ხაზინის ელექტრონული პროგრამისა და ორის მენეჯერის ცოდნა (სასურველია);“.

8. მე-10 მუხლის პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) უმაღლესი განათლება (ეკონომიკურ განათლებას მიენიჭება უპირატესობა);

ბ) საბიუჯეტო სექტორში საფინანსო მიმართულებით მუშაობის არანაკლებ 1-წლიანი გამოცდილება;“.

9. მე-11 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საფინანსო მიმართულებით მუშაობის არანაკლებ 1-წლიანი გამოცდილება;“.