„სენაკის მუნიციპალიტეტის საკრებულოსა და მერიაში სტაჟირების გავლის წესისა და პირობების დამტკიცების შესახებ”;

„სენაკის მუნიციპალიტეტის საკრებულოსა და მერიაში სტაჟირების გავლის წესისა და პირობების დამტკიცების შესახებ”; სენაკის მუნიციპალიტეტის საკრებულოს დადგენილება №11 2016 წლის 25 მარტი ქ. სენაკი სენაკის მუნიციპალიტეტის საკრებულოსა და გამგეობაში სტაჟირების გავლის წესისა და პირობების დამტკიცების შესახებ საქართველოს ორგანული კანონის ,,ადგილობრივი თვითმმართველობის კოდექსი“ 24-ე მუხლის მეორე პუნქტის და ,,საჯარო დაწესებულებაში სტაჟირების გავლის წესისა და პირობების შესახებ” სახელმწიფო პროგრამის დამტკიცების თაობაზე“ საქართველოს მთავრობის 2014  წლის 18 ივნისის  №410  დადგენილების შესაბამისად, სენაკის მუნიციპალიტეტის საკრებულო ადგენს: მუხლი 1🔗 დამტკიცდეს თანდართული სენაკის მუნიციპალიტეტის საკრებულოსა და გამგეობაში სტაჟირების გავლის წესი. მუხლი 2🔗        დადგენილება ამოქმედდეს გამოქვეყნებისთანავე. სენაკის მუნიციპალიტეტის საკრებულოს თავმჯდომარის მოადგილებადრი კალანდარიშვილი დანართი სენაკის მუნიციპალიტეტის საკრებულოსა და გამგეობაში სტაჟირების გავლის წესი და პირობები ეს წესი განსაზღვრავს სენაკის მუნიციპალიტეტის საკრებულოსა და გამგეობაში სტაჟირების გავლის წესსა და პირობებს. მუხლი 1🔗. სტაჟირების მიზანი ა) მსურველ პირთათვის პროფესიული გამოცდილების შეძენის შესაძლებლობის შექმნა, სტუნდენტებისა  და კურსდამთავრებულთათვის  პრაქტიკული უნარ-ჩვევების გამომუშავება; ბ) კვალიფიკაციური კადრების მომზადება; გ) მაღალკვალიფიციური კადრების მოზიდვის გზით ერთიანი საკადრო პოლიტიკის გატარების ხელშეწყობა. ერთიანი სტანდარტის შემუშავება, რომელიც ხელს შეუწყობს საკრებულოსა და გამგეობაში დასაქმების მსურველთათვის ჯანსაღი კონკურენციის შექმნასა და დასაქმების ხელმისაწვდომობის უზრუნველყოფას; დ) დასაქმების თანაბარი პირობების შექმნა რეგიონში მცხოვრებ პირთათვის. მუხლი 2🔗. სტაჟიორები 1. საკრებულოსა და გამგეობაში სტაჟირებაზე  მიიღება  საქართველოს  ქმედუნარიანი  მოქალაქე,  რომელიც სწავლობს საქართველოს უმაღლეს საგანმანათლებლო დაწესებულებაში, ბაკალავრიატის  აკრედიტირებულ  საგანმანათლებლო პროგრამაზე და არის  დამამთავრებელი სემესტრის  (ბოლო  ორი სემესტრი) სტუდენტი; ფლობს სახელმწიფო ენას; სწავლობს სამაგისტრო ან სადოქტორო   საგანმანათლებლო პროგრამაზე და სწავლისას გამოირჩევა მაღალი აკადემიური მოსწრებით, რაც  დასტურდება GPA-თ (მინიმუმ 3.0 შესაბამის უმაღლეს საგანმანათლებლო დაწესებულებაში GPA-ს   გამოთვლის წესის არსებობის შემთხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ /B/ ძალიან  კარგი  80-90%); ასევე პირი,  რომელმაც დაასრულა ბაკალავრიატის, სამაგისტრო  ან  სადოქტორო საგანმანათლებლო  პროგრამა,   ამ საგანმანათლებლო პროგრამის დასრულებიდან გასული არ არის ორ წელიწადზე მეტი და სწავლისას გამოირჩეოდა მაღალი აკადემიური  მოსწრებით,  რაც დასტურდება  GPA-თ (მინიმუმ  3.0  შესაბამის უმაღლეს საგანმანათლებლო დაწესებულებაში GPA-ს გამოთვლის წესის არსებობის შემთხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ /B/ ძალიან კარგი 80-90%). 2. სტაჟირება შესაძლებელია გაიაროს საქართველოს ქმედუნარიანმა მოქალაქემ, რომელსაც   განათლება მიღებული აქვს კანონმდებლობით დადგენილი წესით აღიარებულ უცხო ქვეყნის   უმაღლეს საგანმანათლებლო დაწესებულებაში, რაც დასტურდება  საჯარო სამართლის იურიდიული პირის – განათლების ხარისხის განვითარების ეროვნული ცენტრის მიერ გაცემული გადაწყვეტილებით უცხოეთში მიღებული განათლების აღიარების შესახებ, მისი სწავლის დასრულებიდან გასული არ არის ორ წელიწადზე მეტი და სწავლისას გამოირჩეოდა მაღალი აკადემიური მოსწრებით, რაც დასტურდება GPA-თ (მინიმუმ 3.0 შესაბამის უმაღლეს  საგანმანათლებლო დაწესებულებაში GPA-ს გამოთვლის წესის არსებობის შემთხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ /B/ ძალიან კარგი 80-90%). 3. სტაჟიორის კვალიფიკაცია ან საგანმანათლებლო პროგრამა თანხვედრაში უნდა იყოს  მუნიციპალიტეტის საკრებულოსა და  გამგეობის სტრუქტურული ერთეულის პროფილთან. მუხლი 3🔗. სტაჟირების ვადა, ანაზღაურება და სტაჟიორთა სავალდებულო კვოტა 1. სტაჟირების ხანგრძლივობა განისაზღვრება 1 თვიდან 6 თვემდე ვადით. 2. სტაჟირება ერთჯერადი ხასიათისაა, ტარდება სასწავლო/პროფესიული გამცდილების მიღების მიზნით და  ანაზღაურების გარეშე. 3. სტაჟირების ვადა აქტიური სტატუსის მქონე სტუდენტებისათვის შესაძლებელია აისახოს სტუდენტის სასწავლო კრედიტების რაოდენობაში, შესაბამისი უმაღლესი საგანმანათლებლო დაწესებულების მიერ დადგენილი წესის შესაბამისად. 4. სტაჟიორთა მიღების მიზნით საკრებულოს თავმჯდომარე და მუნიციპალიტეტის გამგებელი  განსაზღვრავენ სტაჟიორთა სავალდებულო კვოტას, მაგრამ არანაკლებ, შტატით გათვალისწინებულ თანამდებობებზე ფაქტობრივად დასაქმებულთა 10%-ისა. მუხლი 4🔗. სტაჟირების გავლის წესი და მიღება 1. სენაკის მუნიციპალიტეტის თვითმმართველობის ორგანოებში სტაჟიორთა მიღება  ხორციელდება ორ ნაკადად. პირველი ნაკადის მიღება ხდება შემოდგომაზე, სექტემბერის თვეში,  ხოლო მეორე  ნაკადისა – გაზაფხულზე, მარტის თვეში. 2.  პირი  სტაჟიორად  მიიღება  შესაბამისი  განცხადების  საფუძველზე.   განცხადების  წარდგენა  ხდება სსიპ  საჯარო სამსახურის ბიუროს (შემდგომში – ბიურო) მიერ ადმინისტრირებული ვებგვერდის მეშვეობით. 3. სტაჟიორების კანდიდატების განცხადებების მიღება, მათი რეგისტრაციის (კურსდამთავრებულებისათვის) ან უნივერსიტეტის ადგილმდებარეობის (აქტიური სტატუსის მქონე  სტუდენტებისათვის) და პროფილის, ასევე მათი აკადემიური მოსწრების მიხედვით განაწილება შესაბამის საჯარო დაწესებულებებში ხდება ელექტრონულად, ბიუროს მიერ ადმინისტრირებული ვებგვერდის მეშვეობით. სტაჟიორობის კანდიდატებისთვის პროგრამული რეგისტრაციის ვადა არ უნდა იყოს ათ დღეზე ნაკლები. 4. დარეგისტრირებული სტაჟიორობის კანდიდატები, რომლებიც ვერ განაწილდნენ საჯარო დაწესებულებებში ვაკანტური ადგილების შევსების გამო, ირიცხებიან რეზერვში. სტაჟირების  მომდევნო ნაკადის ფორმირებისას, რეზერვში ჩარიცხული პირები, ავტომატურად გაივლიან  სტაჟირებას  შესაბამის საჯარო დაწესებულებაში ხელახალი რეგისტრაციის გარეშე. 5. ბიურო თითოეული ნაკადისათვის გათვალისწინებული ვადის დაწყებამდე 3 თვით ადრე, ელექტრონული ფოსტის მეშვეობით და წერილობით აცნობებს სენაკის მუნიციპალიტეტის ორგანოებს სტაჟირების გამოცხადების ვალდებულების შესახებ, ხოლო უმაღლეს საგანმანათლებლო  დაწესებულებებს, სტუდენტებისა და კურსდამთავრებულების  მონაცემთა ბაზის ფორმირების მიზნით, შესაბამისი ინფორმაციის მიწოდების შესაძლებლობის შესახებ. 6. საკრებულოსა და გამგეობის შესაბამისი სამსახურები ვალდებულნი არიან, შესაბამისი ნაკადის ვადის დაწყებამდე 2 თვით ადრე მიაწოდონ ბიუროს ინფორმაცია სტაჟიორთა კვოტისა  და პროფილის  შესახებ, ხოლო უმაღლესი საგანმანათლებლო დაწესებულება, სტუდენტთა და კურსდამთავრებულთა თაობაზე ინფორმაციას აწვდის ბიუროს, მოთხოვნიდან 10 დღის ვადაში. 7. სტაჟირების დაწყებამდე 10 დღით ადრე, კანდიდატი ვალდებულია გამოცხადდეს სტაჟირების ადგილზე და გაიაროს რეგისტრაცია. სტაჟიორობის კანდიდატის მიერ სტაჟირების ადგილზე გამოუცხადებლობის შემთხვევაში, საკრებულო და მერია ინფორმაციას აწვდის ბიუროს, რომელიც შესაბამისი სტაჟიორობის კანდიდატს აგზავნის სტაჟიორთა რეზერვიდან, რიგითობის პრინციპით, სტაჟირების ადგილზე. მუხლი 5🔗. სტაჟირების ვადაზე ადრე შეწყვეტა 1. სტაჟირების ვადაზე ადრე შეწყვეტის საფუძველი შეიძლება გახდეს სტაჟიორის პირადი განცხადება. სტაჟირების პერიოდში არასაპატიო მიზეზით 5 დღის განმავლობაში სტაჟირების გავლის ადგილზე გამოუცხადებლობა, დავალების არაერთგზის ბრალეული შეუსრულებლობა ან არაჯეროვანი შესრულება, რაც დასტურდება ხელმძღვანელის მიერ დასაბუთებული დასკვნით, საქართველოს კანონმდებლობით, სენაკის მუნიციპალიტეტის  საკრებულოსა  და სენაკის  მუნიციპალიტეტის  გამგეობის შინაგანაწესის ან/და შესაბამის უმაღლეს საგანმანათლებლო დაწესებულებას შორის გაფორმებული შეთანხმებით განსაზღვრული სხვა შემთხვევებით. 2. სტაჟირების ვადაზე ადრე შეწყვეტის შესახებ გადაწყვეტილებას იღებს საკრებულოს თავმჯდომარე და სენაკის მუნიციპალიტეტის გამგებელი, რის შესახებაც ერთი კვირის ვადაში აცნობებს ბიუროს. მუხლი 6🔗. სტაჟიორის უფლება-მოვალეობები 1. სტაჟიორს,  სტაჟირების  პერიოდში  ენიშნება  სტაჟირების  ხელმძღვანელი,  რომელიც  მას უწევს მეთოდურ ზედამხედველობას სამუშაოს აღწერილობის ფარგლებში. 2. სტაჟიორს უფლება აქვს, სტაჟირების ხელმძღვანელის თანხმობით: ა) გაეცნოს  სტრუქტურული  ერთეულის მუშაობის  სპეციფიკას, მონაწილეობა მიიღოს სხვადასხვა საკითხზე გადაწყვეტილებების მომზადების პროცესში; ბ) გაეცნოს სამსახურებრივ დოკუმენტაციას, მათ შორის, საარქივო მასალებს, ისარგებლოს სათანადო ინფორმაციით (ელექტრონული საშუალებებით და  სხვა), საქართველოს კანონმდებლობით   დადგენილი წესით; გ) დაესწროს და მონაწილეობა მიიღოს საკრებულოსა და გამგეობის მიერ ორგანიზებულ ღონისძიებებში; დ) განახორციელოს კანონმდებლობით დადგენილი სხვა უფლებები. 3. სტაჟიორი ვალდებულია: ა) დადგენილ ვადებში შეასრულოს ყველა დავალება, რომელიც მას დაეკისრება სტაჟირების ხელმძღვანელის მიერ  და  რომელიც  გამომდინარეობს  საკრებულოს  რეგლამენტიდან,  გამგეობის  და  შესაბამისი სტრუქტურული ერთეულის დებულებიდან; ბ) დაიცვას კონფიდენციალურობის პრინციპი. მუხლი 7🔗. საკრებულოსა და გამგეობის უფლებამოსილებანი 1. საკრებულო  და გამგეობას  სტაჟიორს  სტაჟირების გასავლელად  უქმნის სათანადო პირობებს პროფესიული უნარ-ჩვევებისა და პრაქტიკული გამოცდილების შესაძენად. 2. აქტიური სტატუსის მქონე  სტაჟიორებთან  დაკავშირებით საკრებულო, გამგეობა  და შესაბამისი უმაღლესი საგანმანათლებლო  დაწესებულება თანხმდებიან სტაჟიორის საჯარო დაწესებულებაში   ყოფნის გრაფიკის თაობაზე, სასწავლო პროცესთან სტაჟირების ინტეგრირების მიზნით. 3. მუნიციპალიტეტის საკრებულო და გამგეობა, წელიწადში ორჯერ, ბიუროს აწვდიან სრულ ინფორმაციას სტაჟირებასთან დაკავშირებით, სტაჟირების თითოეული ეტაპის დასრულებისთანავე. მუხლი 8🔗. სტაჟირების ხელმძღვანელის უფლება-მოვალეობები 1. სტაჟირების ხელმძღვანელი ვალდებულია, სენაკის მუნიციპალიტეტის საკრებულოს  თავმჯდომარისა და სენაკის მუნიციპალიტეტის   გამგებლის თანხმობით, კოორდინაცია გაუწიოს   სტაჟიორთა ჯგუფს ან პერსონალურად, კონკრეტულ სტაჟიორს. 2. სტაჟიორის ხელმძღვანელი პირადად აკონტროლებს სტაჟიორის მიერ გაწეულ მუშაობას, პერიოდულად აწვდის სასწავლო თემატიკას, აძლევს დავალებებს, კოორდინაციას უწევს სტაჟიორის საქმიანობას. 3. სტაჟირების ხელმძღვანელი ვალდებულია, სტაჟიორს შეუქმნას შესაბამისი გარემო სათანადო პროფესიული გამოცდილების მიღების მიზნით. 4.  სტაჟირების  ხელმძღვანელი  ვალდებულია,  სტაჟირების  შედეგები  აცნობოს  საკრებულოსა  და გამგეობის შესაბამის სამსახურებს ბიუროსათვის წარსადგენ ანგარიშში ასახვის ან/და შესაბამისი უმაღლესი საგანმანათლებლო დაწესებულების ადმინისტრაციისათვის გაგზავნის მიზნით. მუხლი 9🔗. სტაჟირების დასრულება 1. სტაჟირების ვადის გასვლის შემდეგ მუნიციპალიტეტის საკრებულოს თავმჯდომარე და გამგებელი იღებენ  გადაწყვეტილებას: ა) სტაჟირების შედეგების დადებითად შეფასების შესახებ; ბ) სტაჟირების შედეგების უარყოფითად შეფასების შესახებ. 2. სტაჟირების  შედეგების  დადებითად  შეფასების  შემთხვევაში სტაჟიორს  ეძლევა სტაჟირების წარმატებით გავლის დამადასტურებელი სერტიფიკატი, რომელიც გაიცემა საკრებულოს თავმჯდომარისა და მუნიციპალიტეტის გამგებლის მიერ.