რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის დამტკიცების შესახებ

რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის დამტკიცების შესახებ საქართველოს მთავრობის დადგენილება №150 2016 წლის 29 მარტი ქ. თბილისი რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის დამტკიცების შესახებ მუხლი 1🔗 „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ვ“ ქვეპუნქტის შესაბამისად, დამტკიცდეს თანდართული „რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამა“.  მუხლი 2🔗 ამ დადგენილების პირველ მუხლში აღნიშნული „რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის“ დაფინანსება განხორციელდეს „საქართველოს 2016 წლის სახელმწიფო ბიუჯეტის შესახებ“ საქართველოს კანონით გათვალისწინებული ქვეპროგრამიდან – „სასოფლო-სამეურნეო კოოპერატივების ხელშეწყობის ღონისძიებები“ (პროგრამული კოდი:  37 01 05). მუხლი 3🔗 დადგენილება ამოქმედდეს გამოქვეყნებისთანავე.   პრემიერ-მინისტრიგიორგი კვირიკაშვილი რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამა  მუხლი 1🔗. ზოგადი დებულებები  1. „რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამა“ (შემდგომში – პროგრამა) წარმოადგენს სასოფლო-სამეურნეო დარგში კოოპერაციის განვითარების მხარდაჭერის ერთ-ერთ ღონისძიებას, რომელიც ხორციელდება საქართველოში რძის წარმოების ხელშეწყობის მიზნით.  2. პროგრამის მიზანია:  ა) საქართველოში რძისა და რძის ნაწარმის წარმოების ხელშეწყობა;  ბ) რძის გადამამუშავებელი ინდუსტრიის ნედლი რძით უზრუნველყოფა;  გ) სასოფლო-სამეურნეო კოოპერატივების ფარგლებში, თანამედროვე ტექნოლოგიებით აღჭურვილი ნედლი რძის მიმღებ-გადამამუშავებელი საწარმოების ჩამოყალიბების სტიმულირება;  დ) ადგილობრივი რძისა და რძის ნაწარმის ხარისხის გაუმჯობესება და კონკურენტუნარიანობის ამაღლება;  ე) სასოფლო-სამეურნეო კოოპერატივებში არსებული მსხვილფეხა საქონლის ჯიშობრივი გაუმჯობესება;  ვ) სოფლად მცხოვრები მოსახლეობის სოციალურ-ეკონომიკური პირობების გაუმჯობესება.  3. პროგრამის ამოცანებია:  ა) სასოფლო-სამეურნეო კოოპერატივებისათვის თანამედროვე სტანდარტების შესაბამისი ინფრასტრუქტურით აღჭურვისათვის კაპიტალური ინვესტირების განხორციელება და ტექნიკური მხარდაჭერა;  ბ) ნედლი რძის კონტროლის მიზნით, საველე ლაბორატორიული აღჭურვილობით უზრუნველყოფის მხარდაჭერა;  გ) უვნებელი, ხარისხიანი რძისა და რძის ნაწარმის წარმოების ხელშეწყობა საერთაშორისოდ აღიარებული სტანდარტებისა და საქართველოს კანონმდებლობით განსაზღვრული მოთხოვნების შესაბამისად;  დ) დაბალპროდუქტიული მსხვილფეხა საქონლის ჯიშობრივი გაუმჯობესებისა და პროდუქტიულობის ამაღლების მიზნით, ხელოვნური განაყოფიერებისათვის საჭირო აღჭურვილობის სასოფლო-სამეურნეო კოოპერატივებისათვის გადაცემა და ტექნიკური მხარდაჭერა.  მუხლი 2🔗. პროგრამის განმახორციელებლები და მათ შორის უფლებამოსილების გადანაწილება  1. პროგრამის განხორციელების კოორდინაციას ახორციელებს საქართველოს სოფლის მეურნეობის სამინისტრო.  2. პროგრამის ძირითადი განმახორციელებელია საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ – სასოფლო-სამეურნეო კოოპერატივების განვითარების სააგენტო (შემდგომში – სააგენტო).  3. პროგრამის განხორციელებაში მონაწილეობენ:  ა) საქართველოს სოფლის მეურნეობის სამინისტროს ტერიტორიული ორგანოები, რომლებიც უზრუნველყოფენ საინფორმაციო კამპანიის ხელშეწყობას, კომპეტენციის ფარგლებში;  ბ) საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ – სურსათის ეროვნული სააგენტო, რომელიც, კომპეტენციის ფარგლებში, უზრუნველყოფს ამ პროგრამის მე-6 მუხლის მე-3 პუნქტის „ა“ და „ბ“ ქვეპუნქტებით გათვალისწინებული ღონისძიებების განხორციელებას;   გ) საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ – საქართველოს სოფლის მეურნეობის სამინისტროს ლაბორატორია, რომელიც, კომპეტენციის ფარგლებში, უზრუნველყოფს ამ პროგრამის მე-6 მუხლის მე-3 პუნქტის „გ“ ქვეპუნქტით გათვალისწინებული ღონისძიებების განხორციელებას.  მუხლი 3🔗. ტერმინთა განმარტება  ა) სასოფლო-სამეურნეო კოოპერატივი – იურიდიული პირი, რომელიც ახორციელებს სასოფლო-სამეურნეო საქმიანობას და რომელსაც „სასოფლო-სამეურნეო კოოპერატივის შესახებ“ საქართველოს კანონის შესაბამისად მინიჭებული აქვს სასოფლო-სამეურნეო კოოპერატივის სტატუსი;  ბ) პრეტენდენტი – სასოფლო-სამეურნეო კოოპერატივი, რომელიც პროგრამაში მონაწილეობის მიზნით წარადგენს განაცხადს;  გ) მონაწილე – სასოფლო-სამეურნეო კოოპერატივი, რომლის მონაწილეობაც პროგრამაში დადასტურებულ იქნა სააგენტოს მიერ;  დ) ხელშეკრულება – მონაწილესთან გაფორმებული ხელშეკრულება, რომელიც განსაზღვრავს პროგრამის ფარგლებში კაპიტალური ინვესტირებისა და ტექნიკური მხარდაჭერის მიღებამდე და მიღების შემდეგ პროგრამის მონაწილის მხრიდან შესასრულებელ ვალდებულებებს;  ე) ინფრასტრუქტურა – ამ პროგრამის ფარგლებში, თანდართული დანართებით გათვალისწინებული ნედლი რძის შეკრების, გაცივების, ყველის ხარშვის წარმოების და პირუტყვის ხელოვნური განაყოფიერებისათვის საჭირო შესაბამისი მოწყობილობები და დანადგარები;  ვ) ნედლი რძე – რძე, რომელსაც არ გაუვლია 40​0C-ზე მაღალ ტემპერატურაზე თერმული (თბური) დამუშავება ან სხვაგვარი დამუშავება, რომელიც მისი შემადგენელი კომპონენტ(ებ)ის ცვლილებას გამოიწვევს.  მუხლი 4🔗. პროგრამის კომპონენტები  პროგრამა მოიცავს შემდეგ კომპონენტებს:  ა) კაპიტალური ინვესტირება;  ბ) ტექნიკური დახმარება.  მუხლი 5🔗. კაპიტალური ინვესტირება  1. კაპიტალური ინვესტირების ფარგლებში:  ა) მაღალმთიან დასახლებაში რეგისტრირებულ კოოპერატივებს, რომელთა მეპაიეებს წარმოადგენენ მხოლოდ სასოფლო-სამეურნეო კოოპერატივები, მოთხოვნის შესაბამისად გადაეცემათ რძის საწარმოს აღჭურვილობა (№1 დანართით ან №2 დანართით), თუ ამ სასოფლო-სამეურნეო კოოპერატივის ან/და მისი მეპაიე სასოფლო-სამეურნეო კოოპერატივის ან/და მეპაიე სასოფლო-სამეურნეო კოოპერატივების მეპაიეთა საკუთრებაში არსებული ფურების რაოდენობა ჯამურად აღემატება 50 სულს;  ბ) მთელი საქართველოს მასშტაბით, სასოფლო-სამეურნეო კოოპერატივებს გადაეცემათ:  ბ.ა) რძის საწარმოს აღჭურვილობა (№3 დანართით), თუ ამ სასოფლო-სამეურნეო კოოპერატივის ან/და მისი მეპაიე სასოფლო-სამეურნეო კოოპერატივის ან/და მეპაიე სასოფლო-სამეურნეო კოოპერატივების მეპაიეთა საკუთრებაში არსებული ფურების რაოდენობა ჯამურად შეადგენს არანაკლებ 150 სულს;  ბ.ბ) რძის საწარმოს აღჭურვილობა (№4 დანართით), თუ ამ კოოპერატივის ან/და მისი მეპაიე სასოფლო-სამეურნეო კოოპერატივის ან/და მეპაიე კოოპერატივების მეპაიეთა საკუთრებაში არსებული ფურების რაოდენობა ჯამურად შეადგენს არანაკლებ 300 სულს.  2. კაპიტალური ინვესტირება არ მოიცავს იმ შენობა-ნაგებობის აშენება/მოწყობა/რეკონსტრუქციის სამუშაოებს, რომელშიც განთავსდება შესაბამისი ინფრასტრუქტურა. შენობა-ნაგებობის აშენება ან/და მოწყობა/რეკონსტრუქცია წარმოადგენს პროგრამის მონაწილის ვალდებულებას, რომელიც უნდა შესრულდეს პროგრამაში მონაწილეობის შემთხვევაში, მონაწილესთან გაფორმებული ხელშეკრულებით გათვალისწინებული პირობების შესაბამისად.  3. ინფრასტრუქტურის შესყიდვა ხორციელდება სააგენტოს მიერ თითოეული მონაწილის მიერ მოთხოვნილი ნედლი რძის შემკრები პუნქტის წარმადობის შესაბამისად, ამ მუხლის პირველი პუნქტით გათვალისწინებული პირობების მიხედვით.  4. მონაწილისათვის ნედლი რძის შემკრები პუნქტის მოწყობილობების და დანადგარების მონტაჟი ხორციელდება სააგენტოს მიერ, კაპიტალური ინვესტირების ფარგლებში.  5. სააგენტოს მიერ კონკრეტული მონაწილისათვის საჭირო ინფრასტრუქტურის შესყიდვა განხორციელდება მონაწილის პროგრამაში რეგისტრაციის თაობაზე მიღებული გადაწყვეტილების საფუძველზე.  მუხლი 6🔗. ტექნიკური დახმარება  1. მონაწილე პროგრამის ფარგლებში მიიღებს ტექნიკურ დახმარებას.  2. მონაწილეს არ აქვს უფლება, უარი თქვას ტექნიკური დახმარების მიღებაზე და ვალდებულია, ხელშეკრულების მოქმედების მთელი პერიოდის განმავლობაში, პირნათლად შეასრულოს ტექნიკური დახმარების გამწევის მიერ სწავლებისა და კონსულტაციების ფარგლებში მიღებული მითითებები და რეკომენდაციები.  3. მონაწილე ტრენინგის სახით მიიღებს ტექნიკურ დახმარებას შემდეგი მიმართულებით:  ა) ნედლი რძის შემკრები პუნქტის ფუნქციონირებასთან დაკავშირებული ტექნიკური და მეთოდოლოგიური საკითხები;  ბ) ნედლი რძის მიღებასა და გადამუშავებასთან დაკავშირებული სპეციფიკური მოთხოვნების დანერგვა;  გ) ადგილზე ნედლი რძის ლაბორატორიული გამოკვლევისათვის შესაბამისი მეთოდოლოგიის დანერგვა;  დ) ხელოვნურ განაყოფიერებასა და აღჭურვილობის გამოყენებასთან დაკავშირებული სწავლება.  მუხლი 7🔗. პროგრამაში მონაწილეობის მისაღებად დადგენილი პირობები  1. პროგრამაში მონაწილეობის მიღების უფლება აქვთ იმ სასოფლო-სამეურნეო კოოპერატივებს, რომლებიც პროგრამაში მონაწილეობის განაცხადის წარდგენისას აკმაყოფილებენ შემდეგ პირობებს:  ა) „სასოფლო-სამეურნეო კოოპერატივის შესახებ“ საქართველოს კანონის შესაბამისად მინიჭებული აქვთ სასოფლო-სამეურნეო კოოპერატივის სტატუსი;  ბ) განაცხადის წარდგენისას სააგენტოსაგან არ აქვთ მიღებული რეკომენდაცია საქმიანობაში ხარვეზის გამოსწორების შესახებ, გარდა იმ შემთხვევისა, თუ კოოპერატივს მსგავსი რეკომენდაცია მიღებული აქვს განაცხადის წარდგენამდე და წარმოადგენს ხარვეზის აღმოფხვრის შესახებ შესაბამის მტკიცებულებას;  გ) პრეტენდენტ სასოფლო-სამეურნეო კოოპერატივს ან/და მის მეპაიე სასოფლო-სამეურნეო კოოპერატივს ან/და მეპაიე სასოფლო-სამეურნეო კოოპერატივის მეპაიეებს საკუთრებაში ჰყავთ ამ პროგრამის მე-5 მუხლის პირველი პუნქტით დადგენილი ფურების რაოდენობა;  დ) არ გააჩნიათ საგადასახადო დავალიანება;  ე) საკუთრებაში გააჩნიათ სსიპ – საჯარო რეესტრის ეროვნულ სააგენტოში საკადასტრო კოდით რეგისტრირებული მიწის ნაკვეთი ან შენობა, სადაც სურთ ნედლი რძის შემკრებ-გადამამუშავებელი პუნქტის მოწყობა. შენობა, სსიპ – სურსათის ეროვნული სააგენტოს დასკვნის შესაბამისად, უნდა აკმაყოფილებდეს საქართველოს კანონმდებლობით დადგენილ მოთხოვნებს.  2. პრეტენდენტი სასოფლო-სამეურნეო კოოპერატივის მიერ წარსადგენი დოკუმენტების ნუსხას განსაზღვრავს სააგენტო.  მუხლი 8🔗. პროგრამაში მონაწილეობაზე ელექტრონული განაცხადის წარდგენა  1. პროგრამაში მონაწილეობაზე განაცხადის მიღება წარმოებს ელექტრონული ფორმით, სააგენტოს მიერ წინასწარ განსაზღვრულ ვადებში, რომელიც არ უნდა იყოს 15 კალენდარულ დღეზე ნაკლები.  2. განაცხადის წარდგენა შესაძლებელია სააგენტოს ოფიციალური ვებგვერდის მეშვეობით (www.acda.gov.ge).  3. განაცხადის წარდგენის შემდეგ ხორციელდება პრეტენდენტის რეგისტრაცია.  4. რეგისტრაციის დროს პრეტენდენტის მიერ შესაბამისი მონაცემების არასწორად წარდგენის შემთხვევაში, სააგენტო უგზავნის მას შეტყობინებას ხარვეზის არსებობასთან დაკავშირებით, რომლის გამოსასწორებლად განესაზღვრება არაუმეტეს 10 (ათი) სამუშაო დღისა. შეტყობინების გაგზავნა ხდება პრეტენდენტი სასოფლო-სამეურნეო კოოპერატივის ოფიციალური ელექტრონული ფოსტის მისამართზე და ძალაში შედის გაგზავნისთანავე.  5. იმ შემთხვევაში, თუ პრეტენდენტის მიერ არ მოხდება ხარვეზის აღმოფხვრა დადგენილ ვადაში, განაცხადი დარჩება განუხილველი. 6. პრეტენდენტის რეგისტრაციის ფორმას განსაზღვრავს სააგენტო.  მუხლი 9🔗. პროგრამით გათვალისწინებული მხარდაჭერის მიღების წინაპირობები  1. იმ შემთხვევაში, თუ დაკმაყოფილდა პრეტენდენტის განაცხადი, მონაწილესა და სააგენტოს შორის ფორმდება ხელშეკრულება, რომელიც ითვალისწინებს, პროგრამის ფარგლებში, კაპიტალური ინვესტირებისა და ტექნიკური მხარდაჭერის მიღებამდე და მიღების შემდეგ პროგრამის მონაწილის მხრიდან შესასრულებელ შემდეგ ვალდებულებებს (წინაპირობებს):  ა) მონაწილე კოოპერატივს, მის მეპაიე სასოფლო-სამეურნეო კოოპერატივებს ან/და მეპაიე სასოფლო-სამეურნეო კოოპერატივების მეპაიეებს საკუთრებაში ჰყავთ, კანონმდებლობით დადგენილი წესით, სსიპ – სურსათის ეროვნული სააგენტოს მიერ იდენტიფიცირებული ფურების ამ პროგრამის მე-5 მუხლით განსაზღვრული რაოდენობა;  ბ) მონაწილეს მოწყობილი აქვს ან იღებს ვალდებულებას, მონაწილედ აღიარებიდან არა უმეტეს 3 თვის ვადაში მოაწყოს რძის შემკრებ-გადამამუშავებელი პუნქტისათვის შესაბამისი შენობა-ნაგებობა, რომელიც სსიპ – სურსათის ეროვნული სააგენტოს დასკვნის შესაბამისად, აკმაყოფილებს საქართველოს კანონმდებლობით დადგენილ მოთხოვნებს;  გ) მონაწილემ ხელშეკრულებით დათქმულ ვადებში შეასრულა კაპიტალური ინვესტირებისა და ტექნიკური მხარდაჭერის მიღებამდე შესასრულებელი, ხელშეკრულებით ნაკისრი სხვა ვალდებულებები.  2. იმ შემთხვევაში, თუ პროგრამის მონაწილემ შეასრულა ამ მუხლის პირველი პუნქტით განსაზღვრული ყველა ვალდებულება, დოკუმენტური დასაბუთებების სრულად მიღებიდან არაუმეტეს 20 (ოცი) სამუშო დღის ვადაში მონაწილეს ეცნობება პასუხი მიღებული გადაწყვეტილების შესახებ.  3. იმ შემთხვევაში, თუ მონაწილის მიერ სრულად არ არის წარდგენილი ამ მუხლით განსაზღვრული დოკუმენტური დასაბუთებები ან დაფიქსირებულია სხვა ხარვეზი, რაც აფერხებს სააგენტოს მხრიდან ამ პროგრამით გათვალისწინებული ინფრასტრუქტურის გადაცემაზე დადებითი გადაწყვეტილების მიღებას, სააგენტო მონაწილეს დამატებით განუსაზღვრავს ვადას – არაუმეტეს ერთ თვეს და წარდგენილ დოკუმენტაციას განიხილავს წარდგენიდან 10 (ათი) სამუშაო დღის ვადაში.  4. იმ შემთხვევაში, თუ მონაწილე ვერ აკმაყოფილებს ამ მუხლით განსაზღვრულ მოთხოვნებს, სააგენტო უფლებამოსილია, ამ პროგრამით გათვალისწინებული კაპიტალური ინვესტირება, დადგენილი პირობების შესაბამისად, განახორციელოს სხვა სასოფლო-სამეურნეო კოოპერატივში.  5. თითოეული ვალდებულების შესრულების შესახებ წარსადგენი დოკუმენტების ნუსხას ადგენს სააგენტო.  მუხლი 10🔗. კაპიტალური ინვესტირების მიღების შემდგომ მონაწილის მიერ შესასრულებელი ვალდებულებები  1. პროგრამის მონაწილე ვალდებულია, ხელშეკრულების გაფორმებიდან 5 (ხუთი) წლის განმავლობაში:  ა) არ დაუშვას ამ პროგრამაში ჩართული იმ მიწის ნაკვეთის გასხვისება, რომელზეც განთავსებულია შენობა-ნაგებობა და ინფრასტრუქტურა, გარდა სააგენტოს წინასწარი ნებართვით სხვა სასოფლო-სამეურნეო კოოპერატივზე ამ პროგრამით გათვალისწინებული პირობებით გასხვისებისა;  ბ) უზრუნველყოს საწარმოში უსაფრთხოების აუცილებელი ნორმების დაცვა;  გ) დაიცვას ამ პროგრამის მე-5 მუხლის პირველი პუნქტით გათვალისწინებული ფურების მინიმალური რაოდენობა;  დ) შეინარჩუნოს სასოფლო-სამეურნეო კოოპერატივის სტატუსი;  ე) შესაბამისი ვადების დაცვით, პერიოდულად აწარმოოს ფურების გამოკვლევა და ვეტერინარული კონტროლი;  ვ) აწარმოოს ნედლი რძის მიღების ყოველდღიური აღრიცხვის დოკუმენტაცია;  ზ) 2017 წლის პირველი იანვრიდან უზრუნველყოს არსებული მსხვილფეხა საქონლის არანაკლებ 30%-ის დაგრილება მხოლოდ ხელოვნური განაყოფიერების გზით, აწარმოოს ჩანაწერები და აღნიშნულის შესახებ სააგენტოს წარუდგინოს შესაბამისი დოკუმენტაცია (თარიღის და გამოყენებული ჯიშის მითითებით);  თ) დაიცვას საქართველოს კანონმდებლობითა და ხელშეკრულებით გათვალისწინებული სხვა ვალდებულებები.  2. იმ შემთხვევაში, თუ პროგრამის ფარგლებში გაფორმებული ხელშეკრულებიდან 5 (ხუთი) წლის განმავლობაში პროგრამის მონაწილეს სურს რძის შემკრები პუნქტის ადგილის შეცვლა, ამის შესახებ მან წინასწარ წერილობით უნდა აცნობოს სააგენტოს. სააგენტოს ნებართვის შემთხვევაში, რძის შემკრებ-გადამამუშავებელი პუნქტის მოწყობა, პროგრამით გათვალისწინებული ყველა მოთხოვნის დაცვით, არ ჩაითვლება პროგრამაში მონაწილეობის პირობის დარღვევად.  მუხლი 11🔗. კაპიტალური ინვესტირების მიღების შემდგომ მონაწილის მიერ ნაკისრი ვალდებულებების შეუსრულებლობის სამართლებრივი შედეგები  1. პროგრამის მონაწილის მიერ კაპიტალური ინვესტირების მიღების შემდგომ ხელშეკრულებით გათვალისწინებული პირობების ნაწილობრივ ან/და სრულად შეუსრულებლობის შემთხვევაში, რაც დასტურდება სააგენტოს შესაბამისი დასკვნით, სააგენტო კოოპერატივს განუსაზღვრავს შესაბამისი ვალდებულების შესრულებისათვის დამატებით ვადას, მაგრამ არა უმეტეს 2 თვისა. პროგრამის მონაწილე ვალდებულია, აღნიშნულ ვადაში უზრუნველყოს დაფიქსირებული ხარვეზის აღმოფხვრა.  2. ხელშეკრულებით დაწესებული ვადის უშედეგოდ გასვლის შემთხვევაში, პროგრამის მონაწილესთან დადებული ხელშეკრულება წყდება.  3. იმ შემთხვევაში, თუ ხელშეკრულების შეწყვეტისას მონაწილეს მიღებული აქვს კაპიტალური ინვესტირება, ის ვალდებულია ხელშეკრულების შეწყვეტიდან 3 (სამი) თვის ვადაში უზრუნველყოს მისთვის გადაცემული ინფრასტრუქტურის ღირებულების 100 %-ის გადახდა.  მუხლი 12🔗. საინფორმაციო კამპანია  1. პროგრამის შესახებ მოსახლეობისათვის ინფორმაციის მიწოდება ხორციელდება საინფორმაციო კამპანიის მეშვეობით, რომელიც მოიცავს ინფორმაციის მიწოდებას მედიასაშუალებების, მოსახლეობასთან შეხვედრებისა თუ სხვა საშუალებების გამოყენებით.  2. მოსახლეობასთან შეხვედრების მიზანს წარმოადგენს რძის მწარმოებელი სასოფლო-სამეურნეო კოოპერატივების წევრებთან/პოტენციურ წევრებთან სასოფლო-სამეურნეო კოოპერაციის ძირითადი დანიშნულებისა და პრინციპების, ასევე პროგრამის არსისა და მასში მონაწილეობის პროცედურების შესახებ ინფორმაციის მიწოდება.  მუხლი 13🔗. მონიტორინგი  1. პრეტენდენტის მიერ განაცხადით წარდგენილი მოთხოვნების შესაბამისობისა და მონაწილესთან გაფორმებული ხელშეკრულებით გათვალისწინებული პირობების შესრულების საველე ან/და დოკუმენტურ მონიტორინგს ახორციელებს სააგენტო.  2. საველე და დოკუმენტურ მონიტორინგს ექვემდებარებიან პრეტენდენტი და მონაწილე პროგრამის განხორციელების ნებისმიერ ეტაპზე.  3. მონაწილე, პროგრამის ფარგლებში, მონიტორინგს ექვემდებარება ხელშეკრულების გაფორმებიდან 5 (ხუთი) წლის განმავლობაში. დანართი №1  რძის საწარმოს აღჭურვილობა დასახელება რაოდენობა 1 გამაცივებელი რეზერვუარი (500 ლიტრი) 1 2 რძის პომპა 1 3 გენერატორი (5 კვტ) 1 4 წყლის რეზერვუარი (1.5 ტონა) 1 5 ცხელი წყლით რეცხვის ავტომატი 1 6 წყლის გამაცხელებელი (200 ლიტრი) 1 7 ძაბრი (უჟანგავი მეტალის) 1 8 ელექტროსასწორი 1 9 ლაქტოსკანი 1 10 PH-მეტრი 1 11 დიგიტალური თერმომეტრი 1 ხელოვნური განაყოფიერებისთვის საჭირო აღჭურვილობა დასახელება რაოდენობა 1 დიუარის ჭურჭელი 20კგ (აზოტის შესანახად) 1 2 დიუარის ჭურჭელი 11კგ 1 3 ახურების განმსაზღვრელი დანადგარი 1 4 ხელოვნური განაყოფიერების ხელსაწყოები 1 5 რეზინის წინსაფარი 1 6 სპეცტანსაცმელი 1 7 ნიტროგენის დონის მზომი სახაზავი 1 8 ცოცხალი მასის განმსაზღვრელი ლენტა 1 დანართი №2 რძის საწარმოს აღჭურვილობა დასახელება რაოდენობა 1 ყველის სახარში აბაზანა (500 ლიტრი) 1 2 საწნეხი ურიკა 1 3 რძის პომპა 1 4 გენერატორი (5 კვტ) 1 5 წყლის რეზერვუარი (1.5 ტონა) 1 6 ცხელი წყლით რეცხვის ავტომატი 1 7 წყლის გამაცხელებელი (200 ლიტრი) 1 8 ძაბრი (უჟანგავი მეტალის) 1 9 ელექტროსასწორი 1 10 უჟანგავი ფოლადის სამუშაო მაგიდა (2000 X 800 X 850 მმ) 1 11 ლაქტოსკანი 1 12 PH-მეტრი 1 13 დიგიტალური თერმომეტრი 1 ხელოვნური განაყოფიერებისთვის საჭირო აღჭურვილობა დასახელება რაოდენობა 1 დიუარის ჭურჭელი 20კგ (აზოტის შესანახად) 1 2 დიუარის ჭურჭელი 11კგ 1 3 ახურების განმსაზღვრელი დანადგარი 1 4 ხელოვნური განაყოფიერების ხელსაწყოები 1 5 რეზინის წინსაფარი 1 6 სპეცტანსაცმელი 1 7 ნიტროგენის დონის მზომი სახაზავი 1 8 ცოცხალი მასის განმსაზღვრელი ლენტა 1 დანართი №3 რძის საწარმოს აღჭურვილობა დასახელება რაოდენობა 1 გამაცივებელი რეზერვუარი (1000 ლიტრი) 1  2 გამაცივებელი რეზერვუარი (500 ლიტრი) 1 3 რძის პომპა 1 4 გენერატორი (10 კვტ) 1 5 წყლის რეზერვუარი (1.5 ტონა) 1 6 ცხელი წყლით რეცხვის ავტომატი 1 7 წყლის გამაცხელებელი (200 ლიტრი) 1 8 ძაბრი (მეტალის) 1 9 ელექტროსასწორი 1 10 ყველის სახარში აბაზანა (500 ლიტრი) 1 11 უჟანგავი ფოლადის სამუშაო მაგიდა (2000 X 800 X 850 მმ) 1 12 საწნეხი ურიკა 1 13 ლაქტოსკანი 1 14 PH-მეტრი 1 15 დიგიტალური თერმომეტრი 1 ხელოვნური განაყოფიერებისთვის საჭირო აღჭურვილობა დასახელება რაოდენობა 1 დიუარის ჭურჭელი 20კგ (აზოტის შესანახად) 1 2 დიუარის ჭურჭელი 11კგ 1 3 ახურების განმსაზღვრელი დანადგარი 1 4 ხელოვნური განაყოფიერების ხელსაწყოები 1 5 რეზინის წინსაფარი 1 6 სპეცტანსაცმელი 1 7 ნიტროგენის დონის მზომი სახაზავი 1 8 ცოცხალი მასის განმსაზღვრელი ლენტა 1 დანართი №4 რძის საწარმოს აღჭურვილობა დასახელება რაოდენობა 1 გამაცივებელი რეზერვუარი (1500 ლიტრი) 1 2 გამაცივებელი რეზერვუარი (1000 ლიტრი) 1 3 გამაცივებელი რეზერვუარი (500 ლიტრი) 1 4 რძის პომპა 1 5 გენერატორი (10 კვტ) 1 6 წყლის რეზერვუარი (1.5 ტონა) 1 7 ცხელი წყლით რეცხვის ავტომატი 1 8 წყლის გამაცხელებელი (200 ლიტრი) 1 9 ძაბრი (მეტალის) 1 10 ელექტროსასწორი 1 11 ყველის სახარში აბაზანა (500 ლიტრი) 1 12 უჟანგავი ფოლადის სამუშაო მაგიდა (2000 X 800 X 850 მმ) 1 13 საწნეხი ურიკა 1 14 ლაქტოსკანი 1 15 PH-მეტრი 1 16 დიგიტალური თერმომეტრი 1 ხელოვნური განაყოფიერებისთვის საჭირო აღჭურვილობა დასახელება რაოდენობა 1 დიუარის ჭურჭელი 20კგ (აზოტის შესანახად) 1 2 დიუარის ჭურჭელი 11კგ 1 3 ახურების განმსაზღვრელი დანადგარი 1 4 ხელოვნური განაყოფიერების ხელსაწყოები 1 5 რეზინის წინსაფარი 1 6 სპეცტანსაცმელი 1 7 ნიტროგენის დონის მზომი სახაზავი 1 8 ცოცხალი მასის განმსაზღვრელი ლენტა 1.