„საჯარო სამართლის იურიდიული პირის – საზღვაო ტრანსპორტის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 აპრილის №1-1/585 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, საქართველოს კანონის „საქართველოს საზღვაო კოდექსი“ 70-ე მუხლის  მე-4 ნაწილისა და „საქართველოს საზღვაო კოდექსში ცვლილების შეტანის შესახებ“ 2015 წლის 23 დეკემბრის №4622-Iს საქართველოს  კანონის მე-2 მუხლის  მე-2 ნაწილის შესაბამისად, ვბრძანებ:

„საჯარო სამართლის იურიდიული პირის – საზღვაო ტრანსპორტის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 აპრილის №1-1/5 85 ბრძანებით დამტკიცებულ „საჯარო სამართლის იურიდიული პირის – საზღვაო ტრანსპორტის სააგენტოს დებულებაში“ შეტანილ იქნას შემდეგი ცვლილება:
ა) პირველი მუხლის მე-2 პუნქტი ჩამოყალიბდეს შემდეგი რედაქციით:
„2. სააგენტოს სრული დასახელებაა „საჯარო სამართლის იურიდიული პირი – საზღვაო ტრანსპორტის სააგენტო“. სააგენტო უფლებამოსილია გამოიყენოს შემოკლებული დასახელება „საზღვაო ტრანსპორტის სააგენტო“ ან „საქართველოს საზღვაო ტრანსპორტის სააგენტო.“
ბ) მე-3 მუხლის მე-2 პუნქტის „ვ“ ქვეპუნქტი ჩამოყალიბდეს შემდეგი რედაქციით:
„ვ) გემების მოძრაობის მომსახურების გაწევა;“.
გ)  მე-5 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) ზღვაზე ძებნა-გადარჩენისა და გემების მოძრაობის მონიტორინგის დეპარტამენტი;“.
დ) მე-6 მუხლი ჩამოყალიბდეს შემდეგი რედაქციით:
„მუხლი 6. ზღვაზე ძებნა-გადარჩენისა და გემების მოძრაობის მონიტორინგის დეპარტამენტი
1. დეპარტამენტში შედის  საზღვაო-სამაშველო  საკოორდინაციო  ცენტრი  და გემების მოძრაობის მონიტორინგისა და საინფორმაციო სისტემის ცენტრი.
2.   საზღვაო-სამაშველო საკოორდინაციო ცენტრი:
ა) ცენტრს ხელმძღვანელობს უფროსი;
ბ) ცენტრის უფლებამოსილება განისაზღვრება „საზღვაო-სამაშველო სამსახურის შესახებ“ საქართველოს კანონით, ამ დებულებით, სააგენტოს სხვა აქტებითა და საქართველოს კანონმდებლობით.
3.   გემების მოძრაობის მონიტორინგისა და საინფორმაციო სისტემის ცენტრი:
ა) უზრუნველყოფს საქართველოს ტერიტორიულ ზღვაში და ნავსადგურის აკვატორიებში გემების მოძრაობის 24 საათიან მონიტორინგს;
ბ) უზრუნველყოფს გემების საინფორმაციო მომსახურებას მნიშვნელოვანი სანავიგაციო ინფორმაციის დროულ მიწოდებას გემებზე სანავიგაციო გადაწყვეტილების მიღების გაადვილების მიზნით;
გ) უზრუნველყოფს ნავიგაციურ დახმარებას გემებზე გადაწყვეტილების მიღებისა და ეფექტური მონიტორინგისათვის, განსაკუთრებით რთულ სანავიგაციო ან/და მეტეოროლოგიურ პირობებში და სხვა შემთხვევებში;
დ) მოძრაობის ორგანიზებას საქართველოს ნავსადგურებში და ტერიტორიულ ზღვაში ნაოსნობის უსაფრთხოებისა და ეფექტურობის ასამაღლებლად, ზღვაზე სიცოცხლის გადარჩენის და ზღვის გარემოს დაცვის მიზნით;
ე) გემების მოძრაობის მონიტორინგისა და საინფორმაციო სისტემის ცენტრი განთავსებულია სააგენტოს ადმინისტრაციულ  შენობაში;
ვ)    გემების მოძრაობის მონიტორინგისა და საინფორმაციო სისტემის ცენტრს აქვს ქვე ცენტრები, რომლებიც  განთავსებულია საქართველოს ყველა ნავსადგურში. სუფსის ნავსადგურის მომსახურება წარმოებს ფოთის ნავსადგურის ქვეცენტრიდან.
ზ) ქვეცენტრის ოპერატორი ფუნქციურად ექვემდებარება შესაბამისი ნავსადგურის სახელმწიფო ზედამხედველობისა და კონტროლის სამსახურის უფროსს (ნავსადგურის კაპიტანს).“;

ე) მე-7 მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) ახორციელებს საზღვაო საწვრთნელი ცენტრების და საწვრთნელი პროგრამების აღიარების საკითხის შესწავლას და წინადადებების მომზადებას;“;

ვ) მე-7 მუხლის მე-4 პუნქტის „ა“ ქვეპუნქტი ჩამოყალიბდეს შემდეგი რედაქციით
„ა) მოქმედი კანონმდებლობით გათვალისწინებული მეზღვაურთა დოკუმენტების, მათში ცვლილებების შეტანის ან გაუქმების მომზადებას;“;

ზ)  მე-7 მუხლის მე-4 პუნქტის „დ“ და „ე“ ქვეპუნქტები ჩამოყალიბდეს შემდეგი რედაქციით:
„დ) მოქმედი კანონმდებლობის შესაბამისად გაცემული მეზღვაურთა დოკუმენტების მქონე მეზღვაურების რეგისტრაციას;
„ე) მოქმედი კანონმდებლობის შესაბამისად მეზღვაურთა დოკუმენტების მოქმედების ვადის დროებით შეჩერების თაობაზე გადაწყვეტილების მომზადებას;“;
თ) მე-7 მუხლის მე-4 პუნქტის „თ“ ქვეპუნქტი ჩამოყალიბდეს შემდეგი რედაქციით:
„თ) მეზღვაურის დოკუმენტების მისაღებად საჭირო საბუთების ნუსხის პროექტის მომზადებას საქართველოს კანონმდებლობის შესაბამისად;“;
ი)  მე-7 მუხლის მე-4 პუნქტის „ი“ ქვეპუნქტი ამოღებულ იქნეს.

ეს ბრძანება ამოქმედდეს 2016 წლის  1 აპრილიდან.