საჯარო სამართლის იურიდიული პირის - სახელისუფლებო სპეციალური კავშირგაბმულობის სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №517

2016 წლის 28 მარტი

ქ. თბილისი

საჯარო სამართლის იურიდიული პირის – სახელისუფლებო სპეციალური კავშირგაბმულობის სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

„სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, სპეციალური კავშირგაბმულობის სისტემის აბონენტთა უწყვეტი სატელეკომუნიკაციო კავშირით უზრუნველყოფისთვის, სსიპ – სახელისუფლებო სპეციალური კავშირგაბმულობის სააგენტომ, მიმდინარე საბიუჯეტო წლის განმავლობაში, სატელეკომუნიკაციო მომსახურებების მიწოდების სახელმწიფო შესყიდვა შპს „ჯეოსელის“, შპს „მობიტელის“, შპს „კავკასიის ციფრული ქსელის“, შპს „09.TECH“-ის, შპს „კვესი ჯგუფისა“ და სს „სილქნეტისგან“ განახორციელოს გამარტივებული შესყიდვის საშუალებით, სააგენტოს განკარგულებაში არსებული ასიგნებების ფარგლებში.

 

პრემიერ - მინისტრი                      გიორგი კვირიკაშვილი