,,საჩხერის მუნიციპალიტეტის ადგილობრივი თვითმმართველობის საჯარო მოხელეთა საკონკურსო–საატესტაციო კომისიის დებულების დამტკიცების შესახებ“ საჩხერის მუნიციპალიტეტის საკრებულოს 2014 წლის 22 ოქტომბრის №41 დადგენილებაში ცვლილების შეტანის თაობაზე

1. დადგენილებით დამტკიცებულ დანართი № 1-ის მე-17 მუხლს დაემატოს შემდეგი შინაარსის მე-5 პუნქტი:

,,5. გასაუბრებაზე დაშვებულ კონკურსანტთა სიას გასაუბრების ჩატარების დროისა და ადგილის მითითებით აქვეყნებს კომისია გასაუბრების დაწყებამდე 2 დღით ადრე მაინც.“.

2. დადგენილებით დამტკიცებულ დანართი № 1-ის მე-17 მუხლს დაემატოს შემდეგი შინაარსის 17¹ მუხლი:

,,მუხლი 17¹.  გასაუბრების  ჩატარების წესი

1. გასაუბრებაზე კონკურსანტები უნდა გამოცხადდნენ წინასწარ გამოცხადებული სიის მიხედვით გასაუბრების დაწყებამდე 1 საათით ადრე მაინც. საკონკურსო-საატესტაციო კომისიის სამდივნოს მიერ ხდება კონკურსანტთა რეგისტრაცია კონკურსანტთა მიერ სპეციალურ ჟურნალში ხელმოწერით (დანართი №4). გასაუბრების დაწყების მითითებულ საათზე იხურება შენობის შესასვლელი, კონკურსანტთა რეგისტრაციის ჟურნალში უფლებამოსილი პირის მიერ კეთდება შესაბამისი ჩანაწერი და დაგვიანებული პირები გასაუბრებაზე არ დაიშვებიან.

2. კონკურსანტებს გასაუბრების ოთახში იძახებს კომისიის მიერ უფლებამოსილი პირი კონკურსანტების სარეგისტრაციო ნომრის მიხედვით. გასაუბრების ოთახში კონკურსანტები შედიან სათითაოდ.

3. გასაუბრებაზე არასაპატიო მიზეზით გამოუცხადებლობის ან დაგვიანების შემთხვევაში,  კონკურსანტი იხსნება კონკურსიდან.

4. გასაუბრებაზე კომისია კონკურსანტს კითხვებს აძლევს მისი პირადი, პროფესიული და პრაქტიკული უნარ-ჩვევების დადგენის მიზნით გასაუბრების შეფასების ფორმის მიხედვით (დანართი №5).

5. გასაუბრების დასრულების შემდეგ კონკურსანტი ტოვებს ოთახს, რის შემდეგ კომისიის თითოეული წევრი ინდივიდუალურად აფასებს კონკურსანტს, კანდიდატთა პროფესიული უნარ-ჩვევების შეფასების ფორმის მიხედვით (დანართი №5) და გადასცემს კომისიის თავმჯდომარეს. კომისიის თავმჯდომარე კომისიის წევრებისაგან და პირადად მის მიერ კონკურსანტისადმი შევსებულ შეფასებას კრავს ცალკე საქაღალდეში კონკურსანტის გვარის მითითებით. კონკურსანტის შეფასების დასრულების შემდეგ ხდება მომდევნო კონკურსანტის გამოძახება.

6. ყველა კონკურსანტის მიერ გასაუბრების გავლის შემდეგ იმართება საკონკურსო-საატესტაციო კომისიის სხდომა. სხდომაზე იხსნება კონკურსანტის შეფასების საქაღალდეები და ჯამდება თითოეული კონკურსანტის მიერ მიღებული ქულები. კომისიის წევრის მიერ კონკურსანტისადმი დაწერილი შეფასება კონფიდენციალურია და არ შეიძლება იქნეს გამჟღავნებული. კომისიის სხდომის ოქმში ფიქსირდება თითოეული კონკურსანტის მიერ მიღებული საერთო ქულა.“.

                                                                                                                                                                                              დანართი №6

საკონკურსო-საატესტაციო კომისიის  გადაწყვეტილება მოქალაქე ---------------------- ვაკანტურ თანამდებობაზე

                                                   დასანიშნად წარდგენის შესახებ

 1. მოქალაქე ---------------------------------------- საუკეთესო შედეგების გამო მიჩნეულ იქნეს

კონკურსში გამარჯვებულად და წარდგენილ იქნეს ----------------- თანამდებობაზე დასანიშნად.

 2. მოქალაქე ------------------------------------ ორი კვირის ვადაში ვალდებულია დაწესებულებას

წარუდგინოს „საჯარო სამსახურის შესახებ“ საქართველოს კანონის 25-ე მუხლის პირველი პუნქტით გათვალისწინებული დოკუმენტები.

  საკონკურსო-საატესტაციო კომისიის თავმჯდომარე ------------------ ---------------------------- “.